1 PETRUS 4:5 - BIBEL JAMITA NA DENGGAN

⁵ Tapi angkon lehenon ni halahi do saulahon partanggung jawaban tu Debata na dung singkop laho manguhumi halak na mangolu dohot halak na dung mate.

1 PETRUS 4:5 ပူးပေါင်းရင်းမြစ်များ

MASMUR 1:6

Ditogu-togu Tuhan do anggo halak pangoloi, tapi anggo halak na jahat muli-muli tu hamagoan do i.

PARJAMITA 12:14

Uhumon ni Debata do sude parbuatanta; na denggan dohot na jat, salang na buni pe tehe.

JEHESKIEL 18:30

Didok Tuhan Debata, “Ale hamu halak Israel, uhumanKu do ganop halak hombar tu pambaenanna be. Pauba hamu ma rohamunu sian angka dosamunu. Ulang padiar disegohon dosami dirimu.

MATEUS 12:36

Tapi Hudok ma tu hamu, Angkon dialusi halak i do sogot di ari panguhuman i taringot tu sude hata na so hasaya, na ruar sian pamangan ni halahi.

LUKAS 16:2

Jadi dipio ia ma bendahara i jana didok ia ma, ‘Aha dehe na hubege taringot tu ho? Saonnari, pasahat ma jolo tu au paretonganmu taringot tu sudena hartongki. Mamungka saonnari nada tola be ho gabe bendahara.’

BAENON NI ANGKA RASUL 10:42

Jana disuruhon Ia ma hami mamaritahon Jamita Na Denggan i tu bangso on, dohot mangalehen hasaksian paboa Ia do na niangkat ni Debata gabe Panguhum tu angka jolma na mangolu dohot tu angka jolma na dung mate.

BAENON NI ANGKA RASUL 17:31

Harana na dung ditontuhon Ia hian do sada hatiha laho manguhumi portibi on sudena mangihutkon hatigoran. Pasahaton ni Debata ma karejo i tu sada halak na dung nipiliNia tusi. Jadi anso pos roha ni halak sudena taringot tusi, madung dipangolu Debata do Ia mangulahi sian hamatean!” ning si Paulus.

SURAT NI SI PAULUS TU PARLAGUTAN ROM 14:9

Madung mate Kristus, jana mulak mangolu. Hara ni i ma umbaen na gabe Tuhan Ia di halak na mangolu dohot muse di angka na dung mate.

2 TIMOTEUS 4:1

Ro dope Kristus Jesus tu tano on manguhumi angka jolma na mangolu dohot na mate; jana ro ma Ia mamarenta songon Raja. Jadi hara ni i gomos ma pangidoanku tu ho, di jolo ni Debata dohot Kristus Jesus:

JAKOBUS 5:9

Ulang mungut-ungut hamu jana marsipasalaan anso ulang diuhumi Debata hamu. Ingot! Ro ma panguhum i.