1 PETRUS 4:18 - BIBEL JAMITA NA DENGGAN

¹⁸ Tarsurat do di Buku Na Badia i songon on, “Jadi muda maol do angka halak na denggan i paluaon, bia muse noma ulaning na masa tu angka halak pardosa na so mananda Tuhan i!”

1 PETRUS 4:18 ပူးပေါင်းရင်းမြစ်များ

PAMUNGKAAN 13:13

Na jahat do halak Sodom jana mardosa maradopkon Tuhan.

PODA 11:31

Dapotan upa do di tano on halak partigor. Jadi, pasti dapot uhuman do na jahat dohot pardosa.

JEREMIA 25:29

PungkaonKu ma na mangaroncohon i sian kotangKi sandiri. Ulang jabat diambang halahi na so hona uhum be halahi. Angkon hona halahi, angke pamasaonKu ma porang tu sude bangso na adong di sandok portibi on. Au Tuhan, madung mandok songon i.”

JEHESKIEL 18:24

Tapi muda adong sada halak na burju na so mambaen na denggan be, jana na mambaen hajahatan dohot sude pangalaho si hagigian na dihasomalkon ni halak na jahat, torus ma he ia mangolu? Nada! Sada pe sian angka pambaenannia na denggan i, nada adong be siingoton. Mate noma ia patunda ni na mambaen dosa dohot hara ni na so burju tu Au.

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

LUKAS 15:1

Di sada ari, marroan ma bahat angka sitagi pajak dohot angka halak na so ture dietong masarakat manangihon Jesus.

LUKAS 23:31

Angke haru tu hayu na mangolu madung dibaen halak na songon on, mur tu hayu na punggur, bia muse noma ulaning baenon ni halahi!”

BAENON NI ANGKA RASUL 14:22

Dipapos halahi ma roha ni angka na mangihutkon Jesus, jana dipaingot halahi ma angka na mangihutkon Jesus i anso tongtong porsaya tu Jesus. “Angkon jolo bahat do taononta parkancitan baru pe anso maruli hita hatuaan ni Harajaan Ni Debata,” ninna rasul i mamodai angka na mangihutkon Jesus di angka kota nangkinan i.

BAENON NI ANGKA RASUL 27:24

Didok surusuruan i do tu au songon on, ‘Ulang ho mabiar Paulus! Angke tulus do ho mangadop tu Kesar i. Jana hara ni denggan ni roha ni Debata maradopkon ho, gabe malua do sude donganmu sakapal hara ni ho,’ ninna.

BAENON NI ANGKA RASUL 27:31

Hara ni i, ninna si Paulus ma mandok tu perwira dohot angka soridadu i, “Muda nada tinggal halahi di kapal on, nada tarbaen hamu malua.”

SURAT NI SI PAULUS TU PARLAGUTAN ROM 1:18

Dipapatar Debata do sian banua ginjang rimas ni rohaNia maradopkon sude dosa dohot hajahatan ni jolma, angke diambati hageduhon i do jolma laho mananda ajaran na tutu taringot tu Debata.

SURAT NI SI PAULUS TU PARLAGUTAN ROM 5:6

Dibaen di hatiha hagaleonta, madung mate Kristus humopkop hita angka na durako, di hatiha na dung ditontuhon ni Debata.

SURAT NI SI PAULUS TU PARLAGUTAN ROM 5:8

Hape dipatidahon Debata do holong ni rohaNia mida hita, di na mate i Kristus humopkop hita dompak pardosa dope hita.

1 KORINTUS 10:12

Sanga ise na mangetong dirina togu jongjong, dijagohon ia ma anso ulang sanga tinggang ia.

1 TIMOTEUS 1:9

Angkon laing ingoton do, dibaen pe angka Tona ni ugamo i, nada na giot di halak na burju, tapi na giot tu halak pangalanggar Tona do i, tu angka na jahat, tu halak na so mananda Tuhan, tu halak pardosa, tu halak na so marugamo, tu parroha portibi, tu halak sibunu simatobangna, tu angka sibunu jolma,

IBRANI 4:1

Antong, laing adong dope janji ni Debata na giot lehenonNia dope di hita i ma paradianan. Jadi jago ma hita anso ulang jabat adong sahalak pe sian hamu na so tola masuk tu paradianan na nijanjihonNa i.

JAKOBUS 5:6

Diuhum jana dibunu hamu do angka halak na so marsala, hape nada mangalo halahi tu hamu.

1 PETRUS 5:8

Angkon hobas do hamu jana jonggor! Angke Sibolis do musumunu. Songon singa do i na res pahae res pahulu na mangorong soroanna.

2 PETRUS 3:7

Tapi anggo langit dohot tano na saonnari on, i ma na giot abiskonon dohot api saulahon, dipauli-uli Debata dope i laing markite-hite hataNia anso nisimpan lopus dapot hatihana niuhuman jana nimatehon sudena angka jolma na so porsaya tu Debata.

JUDAS 1:15

laho manguhumi halak sudena. Dabuhonon ni Tuhan ma uhuman hara ni angka pambaenan ni angka jolma na so porsaya tuSia. Jana laing dabuhononNia ma uhuman hara ni sudena angka hata pangincahion na nipardokkonan ni angka halak pardosa na jahat tuSia!”

1 SAMUEL 15:18

boti muse na disuru ni Tuhan do raja i mamusa halak Amalek na jahat i. Disuru Tuhan raja i marporang mangalo halahi lopus abis halahi.