1 PETRUS 3:8 - BIBEL JAMITA NA DENGGAN

⁸ Songon on ma panyimpulina: Angkon saroha do hamu jana sapangkilalaan. Marsihaholongan ma hamu na sada tu na asing songon na markahamaranggi. Jana marsiasi-asian ma hamu jana martoruk ni roha na sada tu na asing.

1 PETRUS 3:8 ပူးပေါင်းရင်းမြစ်များ

MASMUR 103:13

Songon asi ni roha ni ama-ama mida angka anakna do, asi ni roha ni Tuhan di angka na manghabiari Ia.

PODA 28:8

Sanga ise na gabe kayo hara ni na mangan bunga ni singir dohot na mambuat untung sabahat-bahatna, madabu ma sinadonganna tu tangan ni halak na maribo ni roha tu halak na so marnampuna.

ZAKARIA 7:9

“Songon on ma hata ni Tuhan Na Markuaso i, ‘Karejohon ma angka tona na tigor jana maribo ni roha dohot marroha na denggan maradopkon donganmunu jolma.

MATEUS 18:33

Rap naposo do hamu, inda he patut maribo ni roha ho tu angka donganmu, songon na hubaen i tu ho?’

LUKAS 10:33

Tapi adong muse ma sada halak Samaria na mamolus disi. Dung diida ia bayo i gabe ibo ma rohania midasa.

BAENON NI ANGKA RASUL 2:1

Dung dapot Ari Pentakosta marlagut ma di sada inganan sudena na porsaya i.

BAENON NI ANGKA RASUL 27:3

Ancogotna i lalu ma hami di Sidon. Denggan sajo do roha ni perwira Julius i tu si Paulus. Dipaloas ia do si Paulus kehe mandapotkon angka donganna anso tarlehen halahi sanga aha na porlu disia.

BAENON NI ANGKA RASUL 28:7

Nada pola sadia dao sian inganan i adong do tano ni si Publius, i ma raja di luat i. Denggan sajo do rohania manjagit hami gabe tamunia jabat tolu ari.

BAENON NI ANGKA RASUL 4:32

Sudena halahi na dung porsaya i, saroha jana satondi do ngolu ni halahi. Nada adong sian halahi na mangetong sinadonganna gabe nampunania sandiri. Sudena na adong di halahi, rap mamake do halahi.

SURAT NI SI PAULUS TU PARLAGUTAN ROM 12:10

Tangkas ma hamu antong marsihaholongan sama hamu songon halak na martinadohon, jana marsijolo-joloan ma hamu marsipasangapan.

SURAT NI SI PAULUS TU PARLAGUTAN ROM 15:5

Debata do mual ni hapohoman dohot pangapoion. Sai dilehen Ia ma di hamu hasadaon mangihutkon hagiot ni Kristus Jesus,

1 KORINTUS 1:10

Hamu ale angka dongan! Mangasahon goar ni Tuhanta Jesus Kristus hupangido anso saroha hamu sudena di sude pangkataionmunu, anso ulang masa parbolat-bolatan di hamu. Angkon laing sada do hamu di pikiran dohot di angka haputusanmunu.

1 KORINTUS 12:26

Muda markancit sabagian, gabe markancit muse do sude angka bagian na asing; muda dapotan pujian sabagian sude angka bagian na asing i dohot do marjop ni roha.

EPESUS 4:2

Angkon martoruk ni roha do hamunu, lambok jana sobar. Patuduhon hamu ma holong ni rohamunu di na marsiurupan na sada tu na asing.

EPESUS 4:31

Salpuhon hamu ma sandok hancit ni roha, hosom dohot muruk. Ulang be manyonggahi hamu sanga panyaor-nyaorkon, ulang be adong na margoyak ni roha sanga pangkilalaan na sarupa dohot i.

EPESUS 4:32

Tapi gumonan ma burju jana lambok hamu sama hamu, bope na marsisesaan sala songon panyesa ni Debata di dosamunu markite-hite Kristus.

PILIPPI 2:3

Ulang ma marsibaen di ibana laho manyarihon dirina be sanga laho manggodangkon dirina. Tapi gumonan ma sian toruk ni rohana be, etong hamu ma donganmunu na dumenggan sian hamu sandiri.

PILIPPI 3:16

Sada nari na porlu parrohahonon: Angkon ihutkononta do tiruan na dung tajagit i lopus tu hatiha on.

KOLOSSE 3:12

Antong hamu angka na dung dipuldit ni Debata, na diparbadia i jana na dihaholonginNia, pake hamu ma ibo ni roha, habasaron, toruk ni roha, lambok ni roha dohot hapohomon.

IBRANI 13:1

Tongtong ma jagohon hamu holong maradopkon dongan!

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

JAKOBUS 3:17

Tapi sanga ise na maruli habisuhon na ro sian ginjang, na parjolo: Na ias do i, dung i pardame, na burju dohot na ra mangoloi. Gok do i dohot ibo ni roha bope na pataridahon angka parange na denggan. Nada ganggu rohana jana nada mangalancap.

JAKOBUS 5:11

Hara ni sobarna halahi gabe dohonon ma halahi na martua. Diboto hamu do sanga na bia hasobaron ni si Job, jana diboto hamu do sanga na bia di ujungna dipasupasu Tuhan ia. Angke parasi roha na sumurung do Tuhan jana na denggan roha.

1 PETRUS 1:22

Hara ni na nioloanmunu ajaran na sian Debata, gabe dipaias hamu dirimunu jana holong do rohamunu mida angka halak na porsaya tu Kristus. Antong, marsihaholongan ma hamu sama hamu sian sandok rohana be.

1 PETRUS 2:17

Pantun ma hamu tu sude halak, haholongi hamu ma donganmunu sahaporsayaan tu Kristus. Habiari hamu ma Debata jana pasangap ma Kesar i.

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”

2 PETRUS 1:7

Di bagasan hadaulatan tu Debata ditambahon ma holong ni roha mida dongan, jana di bagasan holong ni roha mida dongan di tambahon ma holong ni roha mida sude halak.

1 JOHANNES 3:14

Taboto do na dung taripar hita sian hamatean tu hangoluan, hara ni na marsihaholongan hita tu angka donganta. Halak na so marholong ni roha, laing na nirajaan ni hamatean dope i.