1 PETRUS 3:5 - BIBEL JAMITA NA DENGGAN

⁵ Songon i do dalanna dibaen angka dadaboru na badia na mararop ni roha tu Debata, laho pajegeskon diri ni halahi, i ma mangoloi halaklahina.

1 PETRUS 3:5 ပူးပေါင်းရင်းမြစ်များ

PODA 31:10

Maol do dapot dadaboru na pistar, ummarga do i umpado permata na marlinang-linang.

PODA 31:30

Nada haposan jogi ni rupa jana hajegeson muli hambar do i; tapi dadaboru na mangoloi Tuhan patut dapot pujian.

JEREMIA 49:11

O hamu Edom! Tadingkon hamu ma di Au angka dakdanakmunu na so marama so marina. Au ma na pature-ture halahi. Tarbaen angka na mabalumunu do marsigantung tu Au.

LUKAS 2:37

mabalu ma ia torus mardangol salapan pulu opat taon honokna. Nada jungada ditadingkon ia Bagas Ni Debata. Arian na borngin disi sajo ma ia marsomba tu Debata martangiang dohot puaso.

BAENON NI ANGKA RASUL 1:14

satahi saoloan do halahi na marlagut i laho martangiang. Rap martangiang ma halahi dohot angka dadaboru songon i dohot si Maria inang ni Jesus dohot anggi ni Jesus.

BAENON NI ANGKA RASUL 9:36

Di Jope adong muse do sada anak boru na margoar si Tabita, na porsaya do ia tu Jesus. (Si Dorkas do goarnia di hata Junani, astuanna ursa.) Sai didatdati ia do mambaen na denggan jana sai diurupi ia do angka halak na pogos.

EPESUS 5:33

Tapi laing adong do hahonaan ni ayat i tu hamu: Dihaholongi ganop halaklahi ma dadaboruna, songon dia ma rupani dirinia sandiri dadaboruna i, jana ganop dadaboru angkon pasangapkon halaklahina.

1 TIMOTEUS 2:10

Gumonan ma angka pangalaho na denggan dibaen halahi pakeanna songon na patut di angka dadaboru na marsomba tu Debata.

1 TIMOTEUS 2:15

Haru songon i pe, paluaon do angka dadaboru hara ni na manubuhon angka dakdanak, asal ma tongtong porsaya, tongtong marholong ni roha jana habadiaan mardongan hapantunon.

1 TIMOTEUS 5:10

tarbarita ia songon sada ina na dung mambaen pangalaho na denggan; isarana: Denggan dipagodang-godang ia angka dakdanaknia, sonang rohana manjagit angka tamu di bagasna, tata bohina manyambut angka na porsaya, dohot na mangurupi halak na susa – pendekna madung dibaen ia sian situtu ni rohana sude ragam ni karejo na denggan.

1 TIMOTEUS 5:5

Na mabalu boti na tarpunjung, jana na so adong sanga na ise na paturehonsa, hum tu Debata ma mararop roha dadaboru na songon i. Martangiang ma ia arian na borngin tu Debata mangido pangurupion.

IBRANI 11:11

Hara ni na porsaya, gabe maruli pomparan si Abraham dohot si Sara, haru pe na dung matobangtu si Abraham boti si Sara pe na so maruntungan. Pos do roha ni si Abraham laing na gohan ni Debata do janjiNia.

1 PETRUS 1:3

Mandok tarimakasi ma hita tu Debata bope Ama ni Tuhanta Jesus Kristus! Hara ni denggan ni rohaNia, dibaen Ia do hita gabe jolma na imbaru na maruli arop ni roha na tongtong mangolu, angke madung dipangolu Kristus mangulahi sian hamatean.

1 SAMUEL 2:1

Dung i martangiang ma si Hanna, ning ia ma, “Dipajop Tuhan do rohangku, pambaenanNia do na pasonang tondingku. Huincahi musungku; gabe martua ma au, angke tutu do na dung diurupi Debata au.