1 PETRUS 3:3 - BIBEL JAMITA NA DENGGAN

³ Ulang ma hum sian duru hajegesonmunu isarana songon parsuri ni obukmunu sanga pamake ni barang sere, sanga pamake ni baju.

1 PETRUS 3:3 ပူးပေါင်းရင်းမြစ်များ

PAMUNGKAAN 24:22

Dung sidung dilehen anak boru i angka unto i minum, dibuat hatoban ni si Abraham i ma anting-anting sere sigodang arga, dipapakehon ia ma tu igung ni anak boru i. Tanganna i pe dipapakehon ia ma sapasang golang sere.

PAMUNGKAAN 24:47

Dung i husapai ma tusia, ‘Ise dehe amanta?’ Dialusi ia ma, ‘Si Betuel do amanta, i ma anak ni si Nahor dohot si Milka.’ Jadi hubaen ma tu igungnia anting-anting sere dohot golang sapasang tu tangannia.

PAMUNGKAAN 24:53

Dung i dirungkari hatoban i ma pakean, perak dohot barang sere, laho pasahatkonsa tu si Ribka. Dohot tu ibotonia i pe, songon i tu inangna i dilehen ia muse do silehen-lehen angka sigodang arga.

2 RAJA-RAJA 9:30

Lalu ma si Jehu tu Jisreel. Dung tarbege tu si Isebel sude na masa i, dipajeges ia ma parsurinia, dung i manaili ma ia tu toru sian jandela ni bagas godang i.

ESTER 5:1

Di ari patoluhon si Ester na puaso i, dipake ia ma pakean ratunia, lalu kehe ma ia tu alaman na di bagasan bagas godang i jana jongjong ma ia di jolo ni pintu ni balerongna i. Topet do juguk raja i di ginjang ni habangsa na mangadop tu pintu i.

MASMUR 45:9

Di tonga-tonga ni angka dadaboru parkobas di bagas godang adong muse do disi angka boru ni raja. Di siamun ni habangsa i jongjong na mora na duma mamake barang sere na pita.

HARURUAR 3:22

Ganop dadaboru sian bangso Israel angkon pangidoonna ma sian hombar bagasna halak Mesir, bope sian boru Mesir na maringanan di bagasna, pakean bope barang perak dohot sere. Papakehonon ni halahi ma i tu angka dakdanak ni halahi jana dohot dalan na songon i ma gabe dioban halahi sinadongan ni halak Mesir i.”

HARURUAR 32:2

Dialusi si Harun ma tu halahi, “Buat hamu ma anting-anting na di pinggol ni angka dadaborumunu, dakdanakmunu dohot anting-anting ni borumunu jana obani hamu ma tu au.”

HARURUAR 33:4

Umbege ondam-ondam na jorbut i, marhabot ni roha ma halahi, umpe sahalak be na mamake barang parhiasanna.

HARURUAR 35:22

Jadi marroan ma halahi, halaklahi dohot dadaboru sanga ise na taronjar rohana, marsioban anting-anting ni pinggol, tintin dohot borgokna sude ragam ni barang sere; songon i muse sanga ise na pasahatkon haul na sian sere tu Tuhan.

HARURUAR 38:8

Dibaen si Besaleel ma bak, sian tumbaga jana ojahanna pe laing tumbaga muse. Sian angka sormin ni angka dadaboru do dibuat tumbaga i, i ma angka dadaboru na markobas na di Pintu ni Bandar Parmianan Ni Tuhan.

JESAYA 52:1

Jonggor ma, jonggor ma! Pake ma gogomu songon pakean ale Sion, pake ma pakean hamuliaonmi, ale Jerusalem kota na badia! Harana umpe sahalak na so disunat sanga na hodar nangkon masuk be tu ho.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JEREMIA 2:32

Adong ma he bujing-bujing na manghalupahon barang parhiasanna? Sanga boru na manghalupahon bayo na mambuatsa? Hape anggo Au madung dihalupahon hamu mamungka sian hatiha na so taretong be honokna.

JEREMIA 4:30

O ale Jerusalem, madung maronco ho! Aha be gunana marbaju na saksak jana mamake barang sere dohot perak, dohot mangalapuhon colak di mata? Parcuma do dipajeges ho dirimu, angke nada tumbuk be ho di roha ni haholonganmu, mur halahi noma na giot mambuat hosamu.

JEHESKIEL 23:40

Mur ditongos halahi muse dope ontang-ontang tu angka halaklahi di angka luat na dao jana ro be do i. Laho manyambut angka tamu i, maridi ma na martinadohon i, mamake colak ni mata dohot mamake angka barang parhiasan.

SURAT NI SI PAULUS TU PARLAGUTAN ROM 12:2

Ulang pahombar hamu dirimunu tu hasiangan on, tapi pauba hamu ma dirimunu markite-hite haimbaruon ni rohamunu anso tartimbang hamu sanga dia do hagiot ni Debata: Na denggan, na tumbuk jana na sanggam.

1 PETRUS 3:2

hara ni na niida ni halahi parangemunu na ias jana pantun.