1 PETRUS 3:20 - BIBEL JAMITA NA DENGGAN

²⁰ i ma tondi ni angka halak na so mangoloi tu Debata hatiha i salolot paulihon paraunia i si Noak. Hape hum halak na di parau i sajo do – salapan halak do sudena – na malua sian aek na oto i.

1 PETRUS 3:20 ပူးပေါင်းရင်းမြစ်များ

PAMUNGKAAN 6:13

Jadi didok Debata ma tu si Noak, “Madung putus di rohangKu, paujungonKu ma sude ngolu ni jolma. MatehononKu noma halahi, angke madung gok na satano on hajahaton ni halahi.

PAMUNGKAAN 6:3

Gabe didok Tuhan ma, “Nada Hupatola jolma i mangolu salolot-lolotna; angkon laing mate do halahi. Mamungka sian on, nada salpuan ni halahi be 120 taon.”

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

PAMUNGKAAN 6:8

Tapi anggo mida si Noak sonang do roha ni Tuhan.

PAMUNGKAAN 7:13

Laing di na sadari i ma si Noak dohot dadaborunia masuk tu kapal i rap dohot anaknia na tolu i, i ma si Sem, si Ham dohot si Jafet rap dohot dadaboru ni halahi be.

PAMUNGKAAN 8:1

Nada dihalupahon Debata si Noak rap dohot sude binatang na adong di bagasan kapal i; mangombus ma alogo dibaen Debata gabe mamungka ma surut aek i.

PAMUNGKAAN 8:18

Jadi ruar ma si Noak sian kapal i rap dohot dadaborunia, angka dakdanaknia bope dohot angka dadaboru ni dakdanaknia i.

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

MATEUS 7:14

Tapi anggo pintu na sompit dohot dalan na hohot i, i ma pamolusan ni halak tu hangoluan. Hum saotik sajo do halak na dapotan i.”

LUKAS 12:32

“Ulang hamu mabiar, haru pe hum saotik sajo bilanganmunu! Angke jop do roha ni Amangmunu mangalehen HarajaanNia i tu hamu.

BAENON NI ANGKA RASUL 2:41

Bahat do halak na porsaya tu na nidok ni si Petrus i, jana tardidi ma halahi. Gabe martamba ma bilangan ni na porsaya di na sadari i, tolu ribu halak.

SURAT NI SI PAULUS TU PARLAGUTAN ROM 9:22

Laing tarsongon i muse ma pambaen ni Debata. Por rohaNia palalu rimasNia dohot patuduhon kuasoNia. Haru pe songon i laing dipahapal Ia do sobarNia maradopkon halak siuhuman hara ni na pamilaskon rohaNia.

EPESUS 5:26

Dibaen Kristus do songon i anso tarpaias Ia parlagutan i dohot ajaranNia bope markite-hite aek pandidion, anso tarpasahat Ia muse parlagutan i tu Debata.

IBRANI 11:7

Hara ni na porsaya, gabe dijagit si Noak do barita na nilehen ni Debata tusia taringot tu angka na giot masa muse, na so haidaan dope tanda-tandana. Laing hara ni i muse ma, gabe dioloi si Noak Debata, gabe dipauli ia sada parau na paluahon ia muse rap dohot pangisi ni bagasnia. Jadi gabe dipasala ma portibi on, hape anggo si Noak sandiri didok Debata ma gabe halak na burju hara ni haporsayaannia.

1 PETRUS 1:22

Hara ni na nioloanmunu ajaran na sian Debata, gabe dipaias hamu dirimunu jana holong do rohamunu mida angka halak na porsaya tu Kristus. Antong, marsihaholongan ma hamu sama hamu sian sandok rohana be.

1 PETRUS 1:9

Dibaen dapot hamu do parbatu ni haporsayaanmunu i, i ma haluaan ni tondimu.

1 PETRUS 2:25

Najolo, songon biri-biri na lilu do hamu hape anggo saonnari madung dioban hamu mangulahi mangihutkon Kristus, Parmahan jana na marmahani hamu.

1 PETRUS 3:19

Di pangalaho na songon i ma Ia kehe paboahon jamita na sian Debata tu angka tondi na hona hurung:

1 PETRUS 4:19

Hara ni i, muda adong sanga ise halak na manaon parkancitan hara ni hagiot ni Debata, angkon laing tigor ma ngolu ni halak na songon i jana dipasahat halahi ma diri ni halahi tu Sipanompa i. Sai patulusonNa do na nijanjihonNia.

2 PETRUS 2:5

Songon i muse do dohot tu portibi nahinan; nada patolaon ni Debata malua sian uhuman. Disuru Debata do aek na oto tu portibi on na niinganan ni angka jolma na so ra porsaya tu Debata di hatiha i. Hum si Noak rap dohot sipitu halak nari sajo ma na malua, hara ni na nipaboania barita taringot tu ngolu na tumbuk di roha ni Debata.

2 PETRUS 3:15

Etong hamu ma hasobaron ni Tuhanta i na mangalehen dalan tu hita anso dohot hita malua. Taringot tusi pe, nada he madung dibaen si Paulus surat tu hamu? Mardongan habisuhon na nilehen ni Debata do dibaen ia surat i.