1 PETRUS 3:12 - BIBEL JAMITA NA DENGGAN

¹² Angke sai disarihon Tuhan do angka halak na mangihutkon hagiot ni roha ni Debata, jana sai na tangihonon ni Tuhan do angka tangiang ni halahi; tapi dialo Tuhan i do angka halak na mambaen hajahatan.”

1 PETRUS 3:12 ပူးပေါင်းရင်းမြစ်များ

2 JUJUR TAON 16:9

Dijagoi Tuhan do sandok portibi on jana dipatuduhon Ia do hagogooanNia tu angka jolma na setia tuSia. Di pambaenanmi dipataridahon ho do ho na bodo, patunda ni i, mamungka saonnari sai marpupu noma ho mangalami parporangan.”

2 JUJUR TAON 7:15

Sai torus ma pamanatonKu bagas paribadatan on jana rade do Au manangihon sude tangiang na dipanaek di inganan on.

MASMUR 11:4

Maringanan Tuhan di BagasNa na badia, marhabangsa di banua ginjang do Ia. Angka jolma i sai dipaligi-ligiSa, sude karejo ni halahi diboto Ia.

MASMUR 33:18

Dijagohon Tuhan do sanga ise halak na burju mangoloi Ia, halak na mararop roha di holong ni rohaNa sapanjang.

MASMUR 65:2

Ho do na manangihon tangiang; ro do sude halak tu Ho hara ni na dung mardosa.

MASMUR 80:16

Ma pola ditaba jana ditutung musu i muruhi ma anso mago halahi.

PODA 15:29

Ditangihon Tuhan do muda martangiang halak na burju, tapi nada diterge Ia halak na so tontu.

PODA 15:3

Diida Tuhan do sudena na tarjadi di sude inganan; diparrohahon Ia do sudena na denggan dohot na jat.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

JEREMIA 21:10

Madung Huputuskon do laho mangaroncohon kota on jana nada adong pangusayangna. Pasahaton noma kota on tu raja Babel; giot surbuonnia kota on lopus abis sudena. Au Tuhan madung mandok songon i.”

JEREMIA 39:12

“Kehe ma ho manjalahi si Jeremia jana denggan ia jagohon. Ulang hahua ia; patulus sanga aha pangidoannia.”

JEHESKIEL 15:7

Au sandiri angkon mangalo halahi. Haru pe malua halahi sian api, tapi panganon ni api i do halahi. Jadi botoonmunu ma bahaso Au do Tuhan hatiha Hualo halahi.

HAMALIMON 17:10

Muda adong sahalak Israel sanga sahalak na leban na dung honok rap dohot halak Israel, mangankon juhut na marmudar dope, gabe aloon ni Tuhan ma halahi, jana nada etongon be ia sada sian halakNia.

HAMALIMON 20:3

Muda adong sahalak na mangalehen anakna tu Debata Molok jabat gabe ramun Bandar Na Badia i jana palayas goarKu na badia i, Au ma alona jana nada etongon be i sada sian halakKu.

HAMALIMON 20:6

Muda kehe sahalak mangido partolongan tu halak na mambaen pardomuan dohot angka tondi ni na mate angkon aloonKu do i jana nada etongonKu be ia halakKu.

HAMALIMON 26:17

Au do alomunu, gabe ditaluhon hamu jana halak na mangkagigihon hamu, gabe mangkuasoi hamu. Gok biar ma hamu, gabe marlojong hamu haru so adong mangayak-ayak.

JOHANNES 9:31

Taboto do, na so ditangihon Debata do anggo pardosa. Hum halak na pasangap Debata dohot na patuluskon hagiotNia sajo do na nitangihon ni Debata.

PANGARATAION 11:12

Tuhan Debatamunu do paturehon tano i dohot manjagosa sasataon.

JAKOBUS 5:16

Hara ni i, marsioku dosana ma hamu jana marsitangiangan anso dipamalum hamu. Na margogo situtu do tangiang ni halak na mangihutkon hagiot ni Debata.