1 PETRUS 3:11 - BIBEL JAMITA NA DENGGAN

¹¹ Angkon mandao do ia sian na jahat jana dipatulus ia ma na denggan; marsitutu ma ia parayakkon hadameon.

1 PETRUS 3:11 ပူးပေါင်းရင်းမြစ်များ

JOB 1:1

Di tano Us maringanan ma sada bayo na margoar si Job. Marsomba tu Debata do ia jana setia tuSia. Halak na burju do pangalahonia jana saotik pe nada dibaen ia hajahatan.

JOB 2:3

Disapai Tuhan ma, “Madung he dipamanat ho si Job naposongKi? Di sude portibi, nada adong na songon ia burjuna dohot denggan ni rohana. Marsomba tu Au do ia jana saotik pe nada adong dibaen ia hajahatan. Laing hot do setia ia tu Au, haru pe na dung nielekmu Au laho mangago ia sian na so dalanna.”

JOB 28:28

Didok Debata ma tu jolma, “Angkon pasangopanmunu do Debata anso maruli bisuk hamu. Angkon mandao do hamu sian hajahatan anso dapotan parbinotoan hamu.”

MASMUR 125:4

Ale Tuhan baen ma na denggan tu halak na burju, tu halak parroha na bulus.

MASMUR 34:14

Padao ma ho sian na jahat, patulus ma na denggan, gogoi ma parayakkon hadamean.

MASMUR 37:27

Tadingkon ma hajahatan, patulus ma na denggan, gabe maringanan di tano i ma pomparanmu sapanjangna.

PODA 16:17

Pasimbil hajahatan i do dalan na tutu, sanga ise na manjago dalanna, i do manjagohon hosana.

PODA 16:6

Setia jana porsaya ma ho, gabe sesaon ma dosamu, jana oloi ma Tuhan anso dao ma hajahaton sian ho.

PODA 3:7

Ulang etong dirimu na ummalo sian satutuna; oloi ma Tuhan, jana pasimbil ma hajahatan.

MATEUS 5:45

anso gabe dakdanak ni Amangmunu na di banua ginjang i hamu. Harana dipabincar Debata do mataniari tu halak na burju dohot tu halak na jahat pe. Diparo Ia do udan tu halak na tigor dohot tu halak na geduk roha.

MATEUS 5:9

Martua ma angka na mambaen dame, dibaen nigoar do halahi anak ni Debata.

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

MARKUS 14:7

Anggo halak na pogos tongtong do adong di tonga-tongamunu. Sanga sadihari anggo na ra do hamu, tarurupi hamu do halahi. Tapi anggo Au nada tongtong di lambungmunu.

LUKAS 1:79

Songon i ma dilehen Ia sinondangNia tu sude halak na mangolu di bagasan hagolapan dohot biar. Togu-toguonNia ma hita di dalan hadameon.”

LUKAS 6:35

Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.

LUKAS 6:9

Dung i didok Jesus ma tu halahi, “Saonnari Husapai ma hamu: Aha do na tola baenon di Ari Sabat mangihutkon Tona ni ugamonta i? Mambaen na denggan do sanga mambaen na jat? Paluahon jolma do sanga mangago?”

JOHANNES 17:15

Nada Hupangido anso diparuar Damang halahi sian portibi on tapi on do na Hupangido, anso dijagohon Damang halahi maradopkon si Jahat i.

SURAT NI SI PAULUS TU PARLAGUTAN ROM 12:18

Intap ni na tarbaen, mardame ma ngolumunu tu halak sudena.

SURAT NI SI PAULUS TU PARLAGUTAN ROM 14:17

Harana anggo di Harajaan Ni Debata, nada sipanganon sanga siinumon na porlu disi, tapi hatigoran dohot hadamean dohot jop ni roha na nilehen ni Tondi Parbadia do.

SURAT NI SI PAULUS TU PARLAGUTAN ROM 14:19

Jadi hara ni i, siparayahanta do tongtong angka pangalaho na mambaen hasosonang jana na marsipadengganan.

SURAT NI SI PAULUS TU PARLAGUTAN ROM 5:1

Hara ni i, hita na nipatigor markite-hite haporsayaan, mangolu do hita di bagasan hasonangan dohot Debata markite-hite Tuhanta Jesus Kristus.

SURAT NI SI PAULUS TU PARLAGUTAN ROM 7:19

Nada hukarejohon na denggan haru pe por do nian rohangku mangkarejohonsa; balikna do angka pangalaho na jahat do hukarejohon, na so giot ni rohangku.

SURAT NI SI PAULUS TU PARLAGUTAN ROM 7:21

Jadi dapot au Tona songon on: Muda huparhagiot mambaen na denggan, na jahat i do ro tu au.

SURAT NI SI PAULUS TU PARLAGUTAN ROM 8:6

Muda bako ni jolma do manggohi rohaniba, hamatean ma ujungna. Tapi muda Tondi Ni Debata do manggohi rohaniba, mandapot hangoluan ma iba jana hasonangan sian Tondi Ni Debata.

GALATIA 5:22

Tapi anggo parbatu ni Tondi i, on do: Holong ni roha, jop ni roha, hasonangan, lambok ni roha, habasaran, lidang ni roha, hatomanan,

GALATIA 6:10

Jadi salolot adong dope hatiha di hita, angkon sangahononta do mambaen na denggan tu sude halak, lumobi tu angka donganta sahaporsayaan.

KOLOSSE 3:15

Angka haputusan sibaenonmunu, tontuhon hamu ma i mardongan dame na nilehen ni Kristus tu bagasan rohamunu. Angke na nipiohon ni Debata do hamu gabe sada pamatang, anso mangolu hamu sian hadamean na sian Kristus i. Mandok tarimakasi ma hamu.

1 TIMOTEUS 6:18

Paingot ma halahi laho patuduhon hadengganan, laho patupahon bahat pangalaho na denggan, habasaon dohot haburjuon mangalehen.

IBRANI 12:14

Usahahon hamu ma anso mardame-dame hamu tu sude halak jana manggogo ma hamu anso hum di Tuhan ngolumunu, harana sahalak pe nada adong na tarbaen mida Tuhan anggo inda songon i pardalan ni ngoluna.

IBRANI 13:16

Ulang lupa hamu mambaen na denggan bope na marsiurup-urupan, angke na songon on do haul na pasonangkon roha ni Debata.

JAKOBUS 4:17

Jadi hara ni i, mardosa do sanga ise na umboto na denggan sipatupaonnia nian, hape nada dipatulus ia.

1 PETRUS 3:12

Angke sai disarihon Tuhan do angka halak na mangihutkon hagiot ni roha ni Debata, jana sai na tangihonon ni Tuhan do angka tangiang ni halahi; tapi dialo Tuhan i do angka halak na mambaen hajahatan.”

3 JOHANNES 1:11

Dongan na nihaholongan! Ulang ma tiru hamu na jat i. Na denggan i ma tiru hamu. Sanga ise na mambaen na denggan, sian Debata do ro ni i. Jana halak na mambaen na jat, na so padumpang dope i dohot Debata.

HAKIM-HAKIM 11:14

Disuru si Jefta ma mangulahi halak mandapotkon raja ni Amon