1 PETRUS 3:10 - BIBEL JAMITA NA DENGGAN

¹⁰ Di Buku Na Badia i tarsurat do songon on, “Sanga ise na giot maruli hangoluan jana na giot mandai angka ari na denggan, angkon jagohononna do dilana anso ulang dohot mangkobari angka na jat jana ulang mandok hata gabus bibirna.

1 PETRUS 3:10 ပူးပေါင်းရင်းမြစ်များ

JOB 2:4

Tapi dialusi Sibolis i ma, “Ummarga do da hosa sian arta. Ra do jolma mangambungkon sude sinadonganna asalkan ma laing mangolu ia.

JOB 33:28

Disundati Debata do au kehe tu hamatean i, gabe mangolu do au lopus tu saonnari.’

JOB 9:25

Tibu do angka ari-aringku marsalpuan, lalu lintop soada hasonangan.

MASMUR 106:5

Anso laing huida nian sonang halakMi, jana marjop ni roha au rap dohot bangsoMi. Anso laing bangga jana sonang rohangku dohot halak na gabe bangsoMu.

MASMUR 27:13

Pos do rohangku daionku do hadengganan ni Tuhan dompak dison di hangoluan.

MASMUR 49:19

laing na mangihut do ia tu angka ompuna muse tu inganan na golap salolot-lolotna.

PODA 3:18

Na martua do halak na marbisuk; malua do ia patunda ni habisuhon i.

PODA 3:2

anso ginjang umurmu jana sonang ngolumu.

PODA 4:22

Sanga ise na mamoto taringot tusi mangolu ma i jana gabe horas.

PODA 8:35

Sanga ise na mandapot au, maruli hangoluan, tusia ma lomo roha ni Tuhan.

PARJAMITA 2:3

Hara ni pangonjar ni por ni rohangku anso gabe pistar, hupasada ma rohangku laho marsonang-sonang marhite na minum anggur dohot na marpesta-pesta. Ninna rohangku songon i ma dalanna na dumenggan di jolma laho mangkilala ngoluna na pendek i di tano on.

MATEUS 19:17

Dialusi Jesus ma, “Biasi tu Au ho manyapai sanga aha na denggan? Hum sada do na denggan, i ma Debata. Muda lungun rohamu dapotan hangoluan na so mantak, angkon oloanmu do angka parenta ni Debata.”

MARKUS 8:35

Angke anggo halak na giot mampartahankon ngoluna, gabe agoan ngolu do. Tapi anggo halak na mangalehen ngoluna hara ni Au dohot hara ni Jamita Na Denggan i na sian Debata, i do na paluahonsa.

JOHANNES 1:47

Diida Jesus do si Natanael ro mandapotkon Ia gabe dihatai Jesus ma taringot tuSia. Ninna Jesus ma, “On ma halak Israel na tutu, na so adong lancap disia!”

JOHANNES 12:25

Sanga ise na mangkaholongi ngoluna na di tano on, agoan ngolu na so mantak ma halahi. Tapi sanga ise na so mampardulihon ngoluna na di tano on, na mangarade tu hangoluan na so mantak ma halahi.

PANGARATAION 32:47

Nada hata na rumar angka pangajaran on, tapi hangoluan do. Oloi hamu ma sude pangajaran i, anso ginjang umurmunu di tano na so sadia lolot nari be buatonmunu, di bariba ni Batang aek Jordan i.”

JAKOBUS 1:26

Muda adong sanga ise na mangkilala dirina halak na burju marugamo, hape nada dijagohon ia dilania, na paoto-otohon dirinia do ia disi; nada adong guna ni ibadatnia i.

1 PETRUS 2:1

Antong, ambungkon hamu ma sian dirimunu sandok na jat; ulang be hamu margabus jana ulang be mangalancap. Ulang mangiburu jana ulang mandok hata na jat hamu taringot tu dongan.

1 PETRUS 2:22

Nada jungada Ia mambaen dosa jana sahalak pe nada adong jungada umbege Ia margabus.

HALUMBAAN 14:5

Nada jungada halahi margabus; jana nada adong saotik pe tihas ni halahi.