1 PETRUS 3:1 - BIBEL JAMITA NA DENGGAN

¹ Laing songon i ma hamu ale angka ina, angkon oloanmunu do halaklahimunu, jadi muda adong sian halahi na so porsaya di hata ni Debata, nada pola porlu dohononmunu sanga na aha pe tu halahi, parangemunu i ma na mambaen halahi gabe porsaya,

1 PETRUS 3:1 ပူးပေါင်းရင်းမြစ်များ

PAMUNGKAAN 3:16

Jadi didok Debata ma tu dadaboru i, “TambaonKu ma hasusaanmu di hatiha denggan pamatangmu, dohot hahancitanmu di na giot manubuhon dakdanak. Tapi haru pe songon i laing tongtong noma sai ro rohamu tu halaklahimu, jana anso dioloi ho halaklahimu.”

PODA 11:30

Halak na daulat tarjamin do ngoluna; jolma na bisuk martamba do parkarejona.

PODA 18:19

Kahanggi na dijehehon, ummaol do i dijonoki sian kota na togu, jana partongkaran i ma songon palang ni pintu horbangan ni kota na marbenteng.

MATEUS 18:15

“Muda mardosa kahanggimu tu ho, topotkon ma ia. Paboa tangkas salania i. Sip-sip ma langkahon tusia anso hum hamu na dua sajo. Muda ditangihon ia na nidokmi, madung dapot ho ia mangulahi.

SURAT NI SI PAULUS TU PARLAGUTAN ROM 10:16

Tapi nada sudena halak manjagit Jamita Na Denggan i. Angke didok si Jesaya do, “O Tuhan, ise ma he na mangkaporsayai na hami baritahon i?”

SURAT NI SI PAULUS TU PARLAGUTAN ROM 6:17

Tapi tarimakasi ma di Debata! Harana hatoban ni dosa do hamu najolo hape anggo saonnari sian sandok rohamunu dioloi hamu impola ni pangajaran na sintong na dung nipasahat tu hamu.

SURAT NI SI PAULUS TU PARLAGUTAN ROM 7:2

Umpamana, tunduk do sada dadaboru tu halaklahinia mangihutkon Tona salolot mangolu dope halaklahinia i. Tapi muda mate do halaklahinia i, malua ma ia sian ihot-ihot ni Tona na mangihoti ia tu halaklahinia i.

1 KORINTUS 11:3

Tapi adong dope sada nari pangalaho na giot paboaonku di hamu; Kristus do anggo Ulu ni sude na margoar halaklahi; na gabe ulu ni dadaboru i, i ma halaklahina jana gabe Ulu Ni Kristus, i ma Debata.

1 KORINTUS 14:34

Songon na masa di sude parlagutan ni halak na badia, angkon hohom do angka dadaboru di bagasan parlagutan. Nada tola halahi manghatai, tapi angkon unduk do halahi songon na nidok ni Tona i.

1 KORINTUS 7:16

Songon sada ina hamu na porsaya tu Tuhan – bia ma he parbinotoanmunu manontuhon paboa na so tarpalua hamu halaklahimunu? Laing songon i ma angka ama na Kristen, bia ma he parbinotoanmunu manontuhon paboa na so tarpalua hamu dadaborumunu?

EPESUS 5:33

Tapi laing adong do hahonaan ni ayat i tu hamu: Dihaholongi ganop halaklahi ma dadaboruna, songon dia ma rupani dirinia sandiri dadaboruna i, jana ganop dadaboru angkon pasangapkon halaklahina.

KOLOSSE 3:18

Hamu angka ina! Oloi hamu ma halaklahimunu, angke songon i do parange na tama baenonmunu patandahon na Kristen hamu.

KOLOSSE 4:5

Di angka pardomuanmunu tu angka halak na so porsaya malo ma hamu na mangolu i jana ganop adong hatiha na tumbuk, pake hamu ma i sadenggan-dengganna.

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.

IBRANI 11:8

Hara ni na porsaya, gabe dioloi si Abraham Debata, di na nipio ni Debata ia jana disuru anso kehe tu luat na nijanjihon ni Debata tusia. Dung i kehe do si Abraham so pola diboto ia sanga na giot tudia ia kehe.

IBRANI 5:9

Jadi dung sanggam Ia, gabe Ia ma haroroan ni haluaan na manongtong di sude halak na burju mangoloi Ia.

1 PETRUS 1:22

Hara ni na nioloanmunu ajaran na sian Debata, gabe dipaias hamu dirimunu jana holong do rohamunu mida angka halak na porsaya tu Kristus. Antong, marsihaholongan ma hamu sama hamu sian sandok rohana be.

1 PETRUS 3:2

hara ni na niida ni halahi parangemunu na ias jana pantun.

1 PETRUS 3:7

Bope hamu angka ama, mardongan bisuk ma hamu maradopkon dadaborumunu jana mardongan roha na torang, ingot hamu ma halak na gale do halahi. Sangap ma baen hamu halahi, angke rap na giot hasahatan ni ngolu na tutu na sian Debata do halahi dohot hamu. Di ngolu na songon i, nada adong be na mangambati tangiangmunu maradopkon Tuhan.

1 PETRUS 4:17

Madung dapot hatihana, Debata manguhumi portibi on. Jana halak ni Debata sandiri do parjolo niuhuman. Antong, muda sian hita ma pungkaon ni Debata, tarbia muse noma ulaning na masa tu angka halak na so mangkaporsayai Jamita Na Denggan na sian Debata?