1 PETRUS 2:24 - BIBEL JAMITA NA DENGGAN

²⁴ Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.

1 PETRUS 2:24 ပူးပေါင်းရင်းမြစ်များ

PAMUNGKAAN 22:6

Dipaporsankon si Abraham ma soban i tu abara ni si Ishak, jana ia sandiri ma maroban piso dohot surpu panutung ni soban i. Di na udur i halahi mardalan,

MASMUR 147:3

Dipamalum Ia halak na marnyae roha, jana dibalut Ia angka bugangna.

MASMUR 38:4

Mogap-ogap do au di bagasan pangalantap ni hasalaanku, maborattu boban ni dosangku tanggungonku.

HARURUAR 28:38

Angkon pasangon ni si Harun do parhiasan sere i di bohinia anso ra Au Tuhan manjagit sude haul na nioban ni halak Israel tu Au, haru pe umpamana madung adong saotik na sala dibaen halahi.

PODA 20:30

Huhul marguna do parsorion na paet i, anso dipauba halak parngoluonna na sala i.

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

HAMALIMON 16:22

Obanon ni hambeng i ma dosa ni bangso Israel tu sada luat na gariang na so diingani jolma.

HAMALIMON 22:9

Sude malim angkon patuluskon angka aturan na dung Hulehen. Muda nada, sala do halahi jana angkon mate, patunda ni na mangalaosi angka aturan na badia i. Au do Tuhan jana na mamili halahi gabe hapunjunganKu.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

BILANGAN 18:22

Angka halak Israel na asing i nada tola donok tu Bandar Parmianan ulang gabe patunda ni i ro uhum hamatean tu halahi.

MATEUS 27:26

Gabe dipalua si Latus ma si Barabbas di halahi. Dipaloncingkon ia ma Jesus, dipasahat ia ma anso niparsilangkon!

MATEUS 5:20

Jadi Hudok ma tu hamu: Muda nada sumurung hatigoranmu sian hatigoran ni angka Parise dohot Siboto Surat, nada tarbaen hamu masuk tu Harajaan Ni Banua Ginjang.”

MATEUS 8:17

Di na nibaen ni Jesus sudena i gabe hasongtian ma na nidok ni Panurirang Jesaya na mandok songon on, “Diporsan Ia do sude pardangolanta, dipamalum Ia do sude nyaenta.”

MARKUS 15:15

Gabe dipalua si Latus ma si Barabbas di halahi laho pasonangkon roha ni halahi. Dung i disuru ia ma halak mangaloncing Jesus, dipasahat ia ma anso diparsilangkon.

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

JOHANNES 19:1

Dung i ditogu si Latus ma Jesus, jana diloncingi ma Ia.

BAENON NI ANGKA RASUL 10:35

Sanga ise na mabiar mida Debata jana na mambaen na denggan dijagit Debata do halahi, so pola marimbar sanga sian bangso dia.

BAENON NI ANGKA RASUL 10:39

Hami sandiri ma na marnida sasudena na nibaenNia i di luat ni halak Jahudi dohot di Jerusalem. Tapi haru songon i pe diparsilangkon halahi do Ia jana dibunu.

BAENON NI ANGKA RASUL 13:29

Jadi dung salose sudena dibaen halahi na tarsurat taringot tuSia, dipaijur halahi ma bangkeNa i sian hayu parsilang i, dipayakkon halahi ma Ia di kuburan.

BAENON NI ANGKA RASUL 5:30

Anggo Jesus na niparsilangkonmunu i, madung dipangolu Debata ni ompunta i sian hamatean.

SURAT NI SI PAULUS TU PARLAGUTAN ROM 6:11

Hamu pe angkon etongonmunu do dirimunu na dung mate maradopkon dosa, jana mangolu hamu di Debata markite-hite Kristus Jesus.

SURAT NI SI PAULUS TU PARLAGUTAN ROM 6:13

Sada muse, ulang be pasahat hamu goar-goaran ni pamatangmunu tu kuaso ni dosa gabe parkokas laho mambaen angka na jahat. Tapi tu Debata ma pasahat hamu dirimunu songon halak na dung nipapinda sian hamatean tu hangoluan. Jana pasahat hamu ma sude goar-goaran ni pamatangmunu i tu Debata gabe parkokas laho mambaen angka na tigor.

SURAT NI SI PAULUS TU PARLAGUTAN ROM 6:16

Diboto hamu dehe muda dipasahat hamu dirimunu tu sada-sada halak laho mangkarejohon hagiotnia, na gabe hatoban ni halak na nioloanmunu i do hamu – sanga hatoban ni dosa na maroban hamu tu hamatean sanga hatoban na mangoloi Debata na maroban hamu tu hatigoran?

SURAT NI SI PAULUS TU PARLAGUTAN ROM 6:2

Tontu nada songon i! Madung mate hita taringot tu dosa i, jadi bia ma hita bisa dope mangolu di bagasanna?

SURAT NI SI PAULUS TU PARLAGUTAN ROM 6:22

Tapi anggo saonnari, dung dipalua hamu sian dosa jana madung gabe naposo ni Debata hamu, dapotan parbatu anso gabe badia ma hamu, jana ngolu na manongtong do ujungna i.

SURAT NI SI PAULUS TU PARLAGUTAN ROM 6:7

Angke barang ise na mate di bagasan Kristus, madung malua ia sian dosa.

SURAT NI SI PAULUS TU PARLAGUTAN ROM 7:6

Tapi anggo saonnari madung dipalua hita sian Tona i na maniopi hita, angke madung mate hita disia, gabe mangoloi do hita di bagasan haimbaruan mangihutkon Tondi, jana nada di bagasan habuburuk ni surat i.

1 KORINTUS 15:3

Harana madung hupasahat tu hamu na umporlu, i ma sian na dung hujagit, na dung mate do Kristus hara ni angka dosanta mangihutkon na tarsurat di Buku Na Badia i.

2 KORINTUS 6:17

Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

EPESUS 5:9

Angke sian na torang i do haroroan ni sasude ragam ni parange na denggan jana na bonar di panatapan ni Debata.

PILIPPI 1:11

Angka pambaenan na denggan noma mardapot-dapot sian ngolumunu, hum sian Jesus Kristus sajo do na tarbaen pataridahon suha na songon i; gabe nipasangap jana nipuji-puji ma Debata.

KOLOSSE 2:14

jana disoadahon Ia sude surat utang maradopkon hita, i ma na mangancam hita dohot angka sarat na borat. Di na niparsilangkon surat i di hayu parsilang i, disesa Debata ma sudena utang na tu hita i.

KOLOSSE 2:20

Madung mate hamu rap dohot Kristus jana madung dipalua hamu sian angka tondi na mangarajai portibi on. Biasi dope laing songon halak na nirajaan ni portibi on ngolumunu? Biasi paolo-oloanmunu dope angka paraturan na songon on,

KOLOSSE 3:3

Angke madung mate hamu, jana buni do ngolumunu rap dohot Kristus di bagasan Debata.

IBRANI 10:10

Madung dipatulus Jesus Kristus sanga aha na nidok ni Debata baenonNia. Hara ni i ma umbaen na nipaias hita sudena sian dosa markite-hite haul i, i ma Jesus sandiri – na nihaulkon sanoli sajo ro di salolot-lolotna.

IBRANI 10:5

Hara ni i do di na ro Kristus tu tano on didok Ia tu Debata, “Nada pola dihagioti rohaMu haul dohot haul silehen-lehen; tapi madung diparade Ho sada pamatang di Au.

IBRANI 12:13

Di dalan na hornop ma hamu mardalan, anso ulang tarbalingsu patmunu, tapi mur tu malumna ma.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

IBRANI 9:28

Laing songon i do Kristus i, hum sanoli sajo do Ia nihaulkon songon haul laho manyesa dosa ni bahat halak. Ro dope Ia nian paduanolihon tapi nada mamorsan dosa be; na giot paluahon angka jolma na paintehon haroroNia noma.

JAKOBUS 5:16

Hara ni i, marsioku dosana ma hamu jana marsitangiangan anso dipamalum hamu. Na margogo situtu do tangiang ni halak na mangihutkon hagiot ni Debata.

1 JOHANNES 2:29

Muda diboto hamu, na tigor do Ia, tangkas muse ma di hamu, barang ise na mambaen hatigoran, i do na tubu sian Ia.

1 JOHANNES 3:7

Hamu angka dakdanakku, ulang ma padiar hamu adong halak na mangaliluhon hamu. Barang ise na mangkarejohon hatigoran, na tigor do i, dos songon Kristus na tigor i.

HALUMBAAN 22:2

torus ma i tu angka dalan godang na di kota i. Ditopi ni batang aek i paipar-ipar adong ma bona ni hayu haroroan ni hangoluan, na marbatu ganop taon dua bolas noli, i ma sanoli sabulan. Bulungna i, dibaen do laho pamalumkon angka bangso.