1 PETRUS 2:21 - BIBEL JAMITA NA DENGGAN

²¹ Hara ni i do umbaen na nipio ni Debata hamu. Angke Kristus sandiri pe madung ditaon Ia parkancitan hara ni hamu jana markite-hite i dilehen Ia ma di hamu tiruan anso diihutkon hamu indegeNia.

1 PETRUS 2:21 ပူးပေါင်းရင်းမြစ်များ

MASMUR 85:13

Joloanan ni hatigoran ma Ia, jana pasingkoponna dalan diSia.

MATEUS 10:38

Dung i, halak na so ra mamorsan silangna laho mangihutkon Au, nada tumbuk halak sisongon i di Au.

MATEUS 11:29

Ihutkon hamu ma na Hudok, marsiajar ma hamu tu Au! Angke na lambok do Au jana na serep marroha, jadi togar ma tondimunu.

MATEUS 16:24

Dung i didok Jesus ma tu anak siseanNia i, “Muda adong halak na giot mangihutkon Au, angkon dihalupahon ia do dirina sandiri, dung i diporsan ia ma silangna dung i pe anso diihutkon Au.

LUKAS 24:26

Na he angkon taonon ni Kristus i do sudena parkancitan i, laho masuk tu hamuliaanNia i?”

JOHANNES 13:15

Tiruan do na Hubaen i tu hamu, anso dibaen hamu muse songon na Hubaen i tu hamu.

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

BAENON NI ANGKA RASUL 14:22

Dipapos halahi ma roha ni angka na mangihutkon Jesus, jana dipaingot halahi ma angka na mangihutkon Jesus i anso tongtong porsaya tu Jesus. “Angkon jolo bahat do taononta parkancitan baru pe anso maruli hita hatuaan ni Harajaan Ni Debata,” ninna rasul i mamodai angka na mangihutkon Jesus di angka kota nangkinan i.

BAENON NI ANGKA RASUL 17:3

Dipatorang ia ma tu halahi jana dipatangkas ia markite-hite ayat ni Buku Na Badia i bahaso na porlu do manaon parkancitan Kristus na nijanjihon ni Debata i jana mulak mangolu sian hamatean. “Jesus na hupaboa i tu hamu, i ma da ibana Kristus i,” ning si Paulus.

BAENON NI ANGKA RASUL 9:16

Jana patuduhononKu do tusia angka sitaonon na giot taononnia hara ni Au.”

SURAT NI SI PAULUS TU PARLAGUTAN ROM 8:29

Angka na nipiliNia, madung ditontuhon muse do halahi sian mulana anso sarupa songon tiruan ni AnakNia, anso Anak i ma gabe siangkaan ni bahat kahanggi.

1 KORINTUS 11:1

Ihutkon hamu ma tiruan na hubaen songon pangihutkonku di tiruan ni Kristus.

EPESUS 5:2

Angkon mardai holong ni roha ma nian ngolumunu, laing songon pangkaholongi ni Kristus di hita. Dihaulkon Ia do diriNia hara ni hita, gabe songon silehen-lehen dohot haul na huskus na pasonangkon roha ni Debata.

PILIPPI 2:5

Angkon songon parroha ni Kristus Jesus do hamu:

1 TESSALONIKA 3:3

anso ulang adong sahalak pe sian hamu na dumaol-daol hara ni angka parkancitan on. Hamu sandiri pe diboto hamunu do na nitontuhon ni Debata hian do angka parkancitan i gabe bagianta.

1 TESSALONIKA 4:2

Harana madung diboto hamu angka sipaingot na hami lehen i di hamu mangasahon Tuhan Jesus.

2 TIMOTEUS 3:12

Angkon hona ayak-ayak do tutu sude halak na ra pasahat ngoluna marsomba tu Debata jana na marpardomuan dohot Kristus Jesus,

IBRANI 2:10

Madung sapatutna nian baenon ni Debata na manompa jana na pangolu sasudena – Jesus gabe sanggam hara ni parkancitanNa i. Jadi hara ni i tarpiohon Jesus do bahat halak anso dohot nipasangap rap dohot Ia. Angke Ia do na mambaen dalan di halahi anso tola dohot nipalua.

1 PETRUS 1:20

Na dung nipili ni Debata do Kristus i dompak so ditompa dope tano on. Jana di angka ari marayak ujung ni jaman on, ro do Ia tu portibi on laho paluahon hamu.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.

1 PETRUS 3:9

Ulang ma baloskon hamu hajahatan alo ni hajahatan, sanga hata na panyaor-nyaorkon; tapi pasupasu ma pangidohon hamu balos ni i sian Debata tu halahi. Angke anso manjagit pasupasu do hamu umbaen na nipiohon ni Debata hamu.

1 PETRUS 4:1

Dibaen madung manaon parkancitan Kristus mangihutkon parsibuhon, hamu pe angkon laing papironmunu do rohamunu dohot parngoluan na songon i. Angke sanga ise na manaon mangihutkon pangkilalaan parsibuhon, nada ra be i mambaen dosa.

1 PETRUS 4:13

Angkon mur sonang do rohamunu angke dohot do hamu manaon parkancitan rap dohot Kristus. Jadi saulahon muda dung dipataridahon hasangapan ni Kristus i tu sude jolma, marsurak-surak ma hamu disi.

1 JOHANNES 2:6

Sanga ise na mandok na marsada ngoluna dohot Debata, angkon laing songon Jesus Kristus ma muse ngoluNia.

1 JOHANNES 3:16

Anggo hita, sian on do tatanda holong ni rohaNia: Madung dipasahat Kristus ngoluNia humopkop hita! Hara ni i, hita pe angkon pasahatonta do ngolunta manghopkop angka donganta.

HALUMBAAN 12:11

Madung ditaluhon angka donganta i ia dohot mudar ni Anak Ni Biri-biri i bope dohot hasaksian ni halahi. Angke nada dihaholongi halahi hosa ni halahi lopus tu hamatean.