1 PETRUS 2:19 - BIBEL JAMITA NA DENGGAN

¹⁹ Pasupasuon ni Debata do halak na sobar manaon pambaenan na so tigor – hara ni partinandaannia di hagiot ni Debata.

1 PETRUS 2:19 ပူးပေါင်းရင်းမြစ်များ

JOB 21:27

Huboto do nian na nipikirkonmunu dohot hajahatan na nitahi ni rohamunu.

MASMUR 119:86

Tarpangasahon do parentaMu, tolong ma da au, angke nada adong dalanna dikojar halahi au.

MASMUR 35:19

Ulang padiar au dipargonjakkon halak na manghosomi au di na so adong dalanna. Ulang padiar au disurak-surahi halak na manghasogohon au so adong dalanna.

MASMUR 38:19

Bahat do musungku jana gogo, hosom roha ni halahi mida au, dalanna so binoto.

MASMUR 69:4

Halak na magigi mida au di na so dalanna, umbahat sian obuk na di uluniba. Sai giot agohonon ni angka halak na gogo au, dipahata-hata halahi ma au dohot hata na so tutu. Dipaksa halahi au paulakkon arta na so hurampas.

LUKAS 6:32

“Muda hum na mangkaholongi hamu sajo do dihaholongi hamu, aha ma he labomu disi? Angke pardosa i pe dihaholongi do angka na mangkaholongi halahi!

JOHANNES 15:21

Baenon ni halahi ma sudena i tu hamu, hara ni na siseanKu hamu harana nada ditanda halahi sanga ise na marsuru Au.

BAENON NI ANGKA RASUL 11:23

Jana dung lalu si Barnabas disi, diida ia ma sanga na bia pamasumasu ni Debata di halahi, gabe jop sajo ma rohania. Dung i dipaingot ia ma halahi anso tongtong marsihohot tu Tuhan i.

SURAT NI SI PAULUS TU PARLAGUTAN ROM 13:5

Hara ni i patut ma unduk rohanta, nada hum hara ni rimas ni Debata, tapi na dionjar ni taroktok i do.

1 KORINTUS 15:10

Tapi hara ni asi ni roha ni Debata, madung gabe songon au na adong saonnari on, au. Jana nada parcuma na niampunan ni Debata au. Hape gabe lumoja dope au markarejo sian sude rasul na asing i. Tapi i pe sudena, nada hara ni usahongku i; usaho ni Debata na mangakaholongi au do i jana na markarejo rap dohot au.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

2 KORINTUS 8:1

Hamu ale angka dongan! Giotnami nian, laing porlu do botoonmunu sanga na bia asi ni roha ni Debata maradopkon angka parlagutan na di Makedonia.

2 TIMOTEUS 1:12

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.

IBRANI 10:2

Sugari na dung tutu situtu ias sian dosa angka halak na marsomba i tu Debata, nada adong be di halahi pangkilalaan na mardosa jana mantak noma halak manghaulkon haul.

1 PETRUS 2:20

Harana aha ma he hasurunganna muda sobar hamu manjagit uhuman na patut tanggungonmunu hara ni hasalaanmunu? Tapi muda sobar hamu manjagit sitaonon na ro tu hamu hara ni na nibaenmunu na denggan, anggo i, pasupasuon ni Debata ma hamu.

1 PETRUS 4:15

Ulang ma adong sahalak pe sian hamu na manaon parkancitan hara ni na mamunu, sanga manangko sanga mambaen na jat, sanga hara ni na manggunturi.