1 PETRUS 2:11 - BIBEL JAMITA NA DENGGAN

¹¹ Hamu angka dongan na nihaholongan! Halak na asing do hamu jana pangaranto di tano on. Hara ni i gomos hupangido tu hamu anso ulang ihutkon hamu hagiot ni jolma na sai marporang mangalo tondi.

1 PETRUS 2:11 ပူးပေါင်းရင်းမြစ်များ

PAMUNGKAAN 21:34

Dung i laing diingani si Abraham dope sanga na sadia honok nari di tano ni halak Pilistin i.

PAMUNGKAAN 23:4

“Halak na ro do au di tonga-tongamunu on; loas hamu ma hutobusi tanomunu on anso tarkuburkon au dongan saripengki.”

PAMUNGKAAN 47:9

Dialusi si Jakob ma, “Saratus tolu pulu taon ma au na mangolu i songon pardalan-dalan. Gok hasusaan do angka taon na hubolus i, tapi i santongkin dope i martimbangkon angka taon na nidalanan ni na umpompar au.”

1 JUJUR TAON 29:15

Diboto Ho do ale Tuhan, laing songon angka ompunami do, hami pe laing songon halak na ro do jana paisolat. Songon halinu na mamolus do ngolunami, jana nada tarbaen malua hami sian hamatean.

MASMUR 119:19

Halak na asing do au di portibi, ulang bunihon parentaMu sian au.

MASMUR 119:54

Salolot di ngolungku na pendek on, di tano on logu pujian do hubaen hatontuanMu.

MASMUR 39:12

Tangihon ma ale Tuhan, tangiang pangidoanku; parrohahon ma ilu-ilungku, ulang ma hohom Ho tu au. Laing songon angka daompung na umpompar au, hum sangombas sajo do manompang tu Ho au.

HAMALIMON 15:18

Muda dung marcampur halaklahi dohot dadaboru, angkon maridi do, tapi laing ramun do halahi lalu tu andospotang.

HAMALIMON 25:23

Nada tola gadisonmu tanomu lalu manalduskon hakmu sian i, angke nada ho nampuna tano i. Tuhan Debatamu do nampunasa. Songon sada halak na dung dapotan isin do hamu mangkarejohon tano i.

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

BAENON NI ANGKA RASUL 15:20

Tapi angkon laing tatongos ma surat tu halahi paingotkon halahi anso ulang dipangan halahi angka sipanganon na hodar na nihaulkon tu gana-ganaan, sanga markarosuan, sanga pe na mangankon pahan-pahanan na nisongkik sanga mangan mudar. Boti anso laing dipadao halahi dirina sian angka pangalaho na jorngang.

BAENON NI ANGKA RASUL 15:29

Ulang ma pangan hamu sipanganon na nihaulkon tu gana-ganaan, ulang pangan hamu mudar, ulang pangan hamu binatang na nisongkik, jana ulang ma adong sian hamu angka pangalaho na markarosuan. Muda dipadao hamu dirimunu sian angka pangalaho na songon i, na denggan noma baenonmunu. Horas ma di hamu, botima!”

SURAT NI SI PAULUS TU PARLAGUTAN ROM 12:1

Hara ni i ale angka dongan, hupaingot ma hamu markite-hite ibo ni roha ni Debata, anso dipasahat hamu dirimunu gabe haul na mangolu, na badia jana na tumbuk di roha ni Debata, i ma na gabe hangoluanmunu na sapatutna.

SURAT NI SI PAULUS TU PARLAGUTAN ROM 7:23

tapi tangkas muse do huboto bahaso adong dope tona na asing di bagasan goar-goaran ni pamatangku na maralo tu na nidok ni tona na nioku ni taroktokki. Hara ni i ma umbaen na tarrahut au tu tona ni dosa na adong di bagasan goar-goaran ni pamatangku.

SURAT NI SI PAULUS TU PARLAGUTAN ROM 8:13

Harana, muda mangihutkon bako ni jolma do hamu mangolu, ujungna angkon mate ma hamu; tapi anggo mardongan kuaso ni Tondi Parbadia do, matehononmunu ma torus angka pangalahomunu na mardosa i, gabe mangolu ma hamu.

2 KORINTUS 5:20

Partonaan ni Kristus do hami. Mandok hata pe hami tu hamu, songon na Debata sandiri do na mangkobari tu hamu. Mangasahon goar ni Kristus gomos ma hami pangido tu hamu, sai ra ma hamu dipadenggan dohot Debata.

2 KORINTUS 6:1

Tapi songon dongan saparkarejoan do hami podai hamu, gomos ma hami pangido tu hamu, ulang ma parsayang hamu hadengganan ni roha ni Debata i.

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

GALATIA 5:24

Angka halak na dung gabe nampuna ni Kristus Jesus, madung dimatehon halahi do bakona humani na jat i.

EPESUS 2:19

Hara ni i, nada etongon be hamu halak na asing sanga halak na dao. Anggo saonnari rap anggota noma hamu dohot angka na porsaya i. Dongan pangisi ni Bagas Ni Debata do hamu.

EPESUS 4:1

Hara ni i ma – au sada halak na tarhurung, na nihurungkon hara ni na mangoloi Tuhan i – gomos hupangido tu hamu: Dalani hamu ma ngolumunu marguru tu parobananmunu songon halak na dung dipiohon Debata.

2 TIMOTEUS 2:22

Orom ma dirimu taringot tu angka hasonangan ni na poso-poso. Haburjuhon ma mangoloi hagiot ni Debata, manghaporsayai Ia jana marholong ni roha dohot hadameon ni roha. Saroha ma ho na mangolu i rap dohot angka dongan na mangido tolong sian Tuhan mardongan roha na ias.

IBRANI 11:13

Di bagasan haporsayaan i, madung mate halahi sude. Nada dijagit halahi dopena janji i, tapi di tatap halahi do i sian na dao. Jadi pos jana jop do roha ni halahi marnidasa, jana dioku halahi do, bahaso pangaranto dohot paisolat do halahi di tano on.

IBRANI 6:9

Tapi hamu angka dongan na nihaholongan, haru pe hami dok songon i, anggo taringot tu hamu pos do rohanami adong do angka na dumenggan ditiop hamu satontang tu haluaanmunu.

JAKOBUS 4:1

Sian dia dehe asal ni sude parbadaan dohot partangkangan na masa di hamu? Nada he sian angka hagiotmunu na sai giot torus marporang di bagasan dirimunu anso dapotan hasonangan portibi do asal ni i?

1 PETRUS 1:1

Sian si Petrus rasul ni Jesus Kristus, tu angka halak na ro, na marserak di Pontus, Galatia, Kapadokia, Asia dohot Bitinia, i ma angka halak na nipili,

1 PETRUS 1:17

Didok hamu Amang tu Debata dompak martangiang hamu. Antong, Debata i do na mandabuhon uhuman tu jolma marguru tu pambaenanna be so pola mangaligi bohi. Hara ni i, salolot di tano on hamu, pagodang hamu ma Debata di ngolumunu.

1 PETRUS 4:12

Angka dongan na hihaholongan! Hancit do ditaon hamu saonnari hara ni na hona uji. Tapi ulang pola homang rohamunu, muda adong masa tu hamu sada pangalaho na luar biasa.

1 PETRUS 4:2

Hara ni i, salolot mangolu hamu di tano on tu pudi on, ihutkon hamu ma hagiot ni Debata, ulang be mangihut di hagiot ni jolma hamu.

2 PETRUS 3:1

Hamu angka dongan na nihaholongan! On ma suratku na paduahon tu hamu. Di suratki na dua i, giot sunggulanku do rohamunu na denggan i.