1 PETRUS 2:1 - BIBEL JAMITA NA DENGGAN

¹ Antong, ambungkon hamu ma sian dirimunu sandok na jat; ulang be hamu margabus jana ulang be mangalancap. Ulang mangiburu jana ulang mandok hata na jat hamu taringot tu dongan.

1 PETRUS 2:1 ပူးပေါင်းရင်းမြစ်များ

JOB 36:13

Sanga ise na so marTuhan disimpansa do muruk ni roha; maradu diuhum Tuhan, na so ra do halahi mangido partolongan.

MASMUR 32:2

Martua ma sanga ise na so nietong ni Tuhan hajahatanna, jana na bulus rohana.

MASMUR 34:13

Ulang pardokkoni angka hata na jat, jana ulang hagioti angka gabus.

MASMUR 37:1

Ulang pola marsak ho hara ni halak na jungkat, ulang mangiburu ho mida halak sibaen na jahat.

MASMUR 73:3

dibaen mangiburu do au mida halak siginjang roha, muda huida pardohar ni halak na jungkat.

PODA 14:30

Roha na sonang pahoras pamatang; na mangiburu tarsongon nyae na maroban tu hamatean.

PODA 24:1

Ulang iba mangiburu mida halak na jahat, jana ulang por roha pardongankon halahi.

PODA 24:19

Ulang dut rohamu sanga mangiburu ho tu halak na jahat.

PODA 3:31

Ulang ma mangiburu ho maradopkon halak na mangasahon gogo, jana ulang tiru halahi,

JESAYA 30:22

Ambungkononmunu ma angka patung ni gana-ganaanmunu na marlampis perak dohot sere, jana dokkononmunu ma: “Morot ma sian au!”

MATEUS 15:7

O hamu angka pangalancap! Tutu do na nidok ni si Jesaya hian taringot tu hamu, di na nidoknia,

MATEUS 23:28

Laing songon i ma hamu. Anggo idaon nian sian duru, denggan ma hamu tu halak. Hape anggo di bagasan na so labo do hamu, gok pangalaosion.”

MATEUS 24:51

Tontu balbalon ni tuan i ma i so mangantarai, sarupahonon ni tuan i muse ma ia tu halak pangalancap. Disi ma adong andung-andung dohot na patungaripon.”

MATEUS 7:5

O pangalancap! Paruar ma jolo balok na di matami sandiri, baru pe anso tangkas ho mangaligi. Dung i tarparuar ho ma bancir-bancir na di mata ni halak na asing.

MARKUS 12:15

Diboto Jesus do na mangakali halahi. Dialusi Ia ma, “Biasi pola diuji hamu Au? Patidahon hamu ma jolo tu Au hepeng perak i sada.”

LUKAS 11:44

Marjaya ma hamu! Songon tanoman na so martanda do hamu, di dege-dege halak sian na so binotona!”

LUKAS 12:1

Marribu halak na marsisohan jabat adong na tardege-dege patna i. Jadi taran marrongoman jolma i mandok hata ma Jesus, lumobi tu angka siseanNia i, “Jago ma hamu maradopkon ragi ni halak Parise, i ma pangalancapon ni halahi.

LUKAS 6:42

Bia ma pandokkonmu tu donganmu, ‘Santabi jolo dongan, anso hubuat na sansilbak na menek na di matami’, salang balok na godang na di matami sandiri so diida ho? O, pangalancap! Paruar ma jolo balok na godang na di matami sandiri, i pe anso tangkas diida ho laho mambuat na sansilbak na di mata ni donganmu.”

JOHANNES 1:47

Diida Jesus do si Natanael ro mandapotkon Ia gabe dihatai Jesus ma taringot tuSia. Ninna Jesus ma, “On ma halak Israel na tutu, na so adong lancap disia!”

SURAT NI SI PAULUS TU PARLAGUTAN ROM 1:29

Hum na jat noma sude na manggohi roha ni halahi: Hageduhan, ahut tu diri, gutgut dohot dongki; hum na giot mamunu manggohi roha ni halahi, marbadai, paoto-otohon dohot na jingar. Pahata-hata halak,

1 KORINTUS 14:20

Hamu ale angka dongan! Ulang ma songon dakdanak parrohaonmunu. Taringot tu hajahatan, sugari laing tong ma hamu songon dakdanak na menek. Tapi anggo diparrohaon, gabe songon halak na dung impas godang ma hamu.

1 KORINTUS 5:8

Jadi tapestahon ma Paskanta i dohot roti na so marragi, i ma roti na manggambarkon hapolinon bope sasudena na tumbuk di roha ni Debata. Ulang ma tapestahon Paskah i mardongan roti na marragi na honok, i ma dosa dohot hajahatan.

2 KORINTUS 12:20

Sak do rohangku, muda ro au mandapotkon hamu saulahon, nada songon na nipangido ni rohangki dapotonku hamu, jana hamu pe nada songon na nipangido ni rohamunu i dapotonmunu au. Ulang so adong pe na marbadai, marsibunuan, na milas rohana, na marsipalua dirina, marsitilakoan, na pamilas-milas roha ni donganna, na ginjang roha, jana tarjadi hagaoran.

EPESUS 4:31

Salpuhon hamu ma sandok hancit ni roha, hosom dohot muruk. Ulang be manyonggahi hamu sanga panyaor-nyaorkon, ulang be adong na margoyak ni roha sanga pangkilalaan na sarupa dohot i.

1 TESSALONIKA 2:3

Harana nada tu na paliluhon anggo sipaingotnami maradopkon hamu; nada muse adong disi maksudnami na so ias sanga na giot mangakal-akali.

1 TIMOTEUS 3:11

Dadaboru ni halahi pe angkon halak na denggan roha do, ulang ma halak na ringgas mangkata-hatai hahurangan ni halak na asing. Angkon taroromsa do dirina jana haposan di sude pangalaho.

TITUS 2:3

Songon i muse angka dadaboru na matobang laing apoi halahi anso ias parange ni halahi songon na patut di angka halak na badia. Nada tola pajatjaton ni halahi goar ni halak, jana nada tola diparhatoban anggur. Angkon pangalaho na denggan do ajarkonon ni halahi,

IBRANI 12:1

Jadi anggo taringot tu hita, bahat sajo do humaliang hita angka saksi! Hara ni i, sasudena na padokdok hita bope dosa na sai lohot tu hita, tatalgangi ma sudena sian hita. Jana marsitutu ma hita manyalpui parlumbaan na di jolonta.

JAKOBUS 1:21

Antong hara ni i, ambungkon hamu ma sude hasomalan na hodar dohot na jat. Jagit hamu ma di bagasan toruk ni roha Hata na nisuan ni Debata di bagasan rohamunu, angke margogo do Hata i laho paluahon hamu.

JAKOBUS 3:14

Tapi muda mangiburu hamu, markancit ni roha, muruk jana manyarihon dirina sajo, ulang ma hamu manggodang jana ulang hamu margabus mangalo hasintongan i.

JAKOBUS 4:11

Hamu angka dongan, ulang ma hamu marsitilakoan sanga marsipasalaan. Sanga ise na manilakoi sanga na pasalahon donganna Kristen, na manilakoi dohot na manyalahon angka Tona Ni Debata do i. Jana muda disalahon hamu angka Tona Ni Debata, na so diihutkon hamu be angka Tona i tapi gabe panguhum noma hamu disi.

JAKOBUS 4:5

Ulang ma didok rohamunu na so marguna na nidok ni Buku Na Badia i, “Madung dibaen Debata sada tondi na malungun situtu maringanan di bagasan hita.”

JAKOBUS 5:9

Ulang mungut-ungut hamu jana marsipasalaan anso ulang diuhumi Debata hamu. Ingot! Ro ma panguhum i.

1 PETRUS 2:16

Mardalan ma hamu di ngolu on songon halak na mardeka tapi ulang antong pake hamu ngolumunu na mardeka i laho manutup-nutupi hajahatan, tapi songon angka naposo ni Tuhan ma hamu na mangolu i.

1 PETRUS 2:22

Nada jungada Ia mambaen dosa jana sahalak pe nada adong jungada umbege Ia margabus.

1 PETRUS 3:10

Di Buku Na Badia i tarsurat do songon on, “Sanga ise na giot maruli hangoluan jana na giot mandai angka ari na denggan, angkon jagohononna do dilana anso ulang dohot mangkobari angka na jat jana ulang mandok hata gabus bibirna.

1 PETRUS 4:2

Hara ni i, salolot mangolu hamu di tano on tu pudi on, ihutkon hamu ma hagiot ni Debata, ulang be mangihut di hagiot ni jolma hamu.

1 PETRUS 4:4

Saonnari gabe homang ma roha ni angka halak na so mananda Tuhan i hara ni na so dohot be hamu mandohoti ngolu na so denggan i songon halahi. Hara ni i ma umbaen na nitilakoan ni halahi hamu.

HALUMBAAN 14:5

Nada jungada halahi margabus; jana nada adong saotik pe tihas ni halahi.