1 PETRUS 1:8 - BIBEL JAMITA NA DENGGAN

⁸ Dihaholongi hamu do Ia haru pe nada jungada diida hamu Ia najolo. Jana dihaporsayai hamu do Ia haru pe saonnari nada diida hamu Ia. Dipapuji-puji hamu do Debata mardongan jop ni roha godang na so tarpajojor dohot hata.

1 PETRUS 1:8 ပူးပေါင်းရင်းမြစ်များ

ENDE NA GODANG 1:7

Tu dia do angka biri-biri i diparmahan, ale haholongan? Di dia do angkang haholongan modom muda arian? Biasi jalak-jalak anggimon di angkang di tonga-tonga ni angka parmahan na asing i?

ENDE NA GODANG 5:16

Tabo begeon angka hatana sude do tehe na adong disia manarik roha. Songon i ma da haholonganki, hamu angka boru Jerusalem.

ENDE NA GODANG 5:9

O, si bujing na jumogi, sumurung dehe hasianmi sian na deba i? Adong ma he halobianna na mambaen lohot ia di roha, jabat hami patulus janji?

MATEUS 10:37

Halak na humolongan rohana mida amangna sanga inangna ulang mida Au, nada tumbuk halak sisongon i di Au. Songon i muse halak na humolongan rohana mida anakna sanga boruna ulang mida Au, nada tumbuk halak sisongon i gabe siihutkon Au.

JOHANNES 14:15

“Muda holong rohamunu tu Au, dalankononmunu do angka na Huparentahon.

JOHANNES 14:21

Sanga ise na manjagit angka parentangKi jana na mangoloisa, i ma na mangkaholongi Au. Haholongan ni Damang ma sanga ise na mangkaholongi Au. Au pe laing haholonganKu ma halahi, jana patidahononKu ma tu halahi sanga ise Au.”

JOHANNES 14:24

Sanga ise na so mangkaholongi Au nada ihutkonon ni i angka pangajaranKu. Angka pangajaran na nibegemunu i, nada pangajaranKu i. Tapi pangajaran ni na marsuru Au do i, i ma Damang.

JOHANNES 16:22

Laing songon i ma hamu: Susa ma rohamunu saonnari, tapi marsuo dope Au dohot hamu, gabe jop ma rohamunu; jana nada tarbuat sanga ise hajopjop ni roha i sian hamu.

JOHANNES 20:29

Jadi didok Jesus ma tusia, “Hara ni na dung niidami dehe Au umbaen na porsaya ho? Martua ma sanga ise na porsaya tu Au haru so diidasa pe Au!”

JOHANNES 8:42

Dung i didok Jesus ma tu halahi, “Sugari na tutu Debata Amangmunu, angkon holong do rohamunu tu Au, harana, tutu do Au na ro sian Debata. Nada sian roha-rohangKu umbaen na ro Au. Na nisuruNia do Au.

BAENON NI ANGKA RASUL 16:34

Dung i dioban ia ma si Paulus dohot si Silas tu bagasnia dihobasi ma panganon di halahi. Jop sajo noma rohania dohot halahi na sabagas hara ni na dung porsaya halahi saonnari tu Debata.

SURAT NI SI PAULUS TU PARLAGUTAN ROM 14:17

Harana anggo di Harajaan Ni Debata, nada sipanganon sanga siinumon na porlu disi, tapi hatigoran dohot hadamean dohot jop ni roha na nilehen ni Tondi Parbadia do.

SURAT NI SI PAULUS TU PARLAGUTAN ROM 15:13

Debata do arop ni rohamunu. Sai digohi Ia ma rohamunu dohot jop ni roha bope dohot hasonangan di bagasan haporsayaanmunu tuSia, anso mur mararop roha hamu tu Debata baenon ni gogo ni Tondi Parbadia.

1 KORINTUS 16:22

Sanga ise na so manghaholongi Tuhan Jesus, padiar ma diuhumi Debata ia. Maranatha – sigop ma Ho ro, Tuhan!

2 KORINTUS 1:22

Domu tusi, madung dilehen Ia tu hita tanda paboa na Ia nampuna hita jana dilehen Ia maringanan TondiNia di bagasan rohanta na gabe jaminan ni sasudena na nipasingkopNia i di hita.

2 KORINTUS 12:4

Huboto do basa dipatuginjang ia lopus tu Pirdaus, jana dibege ia ma hata na so tarpajojor, na so tola hatahonon ni jolma.

2 KORINTUS 4:18

Angke anggo rohanami, tu angka pangalaho na so tarida do hami tujuhon, nada tu angka na tarida. Anggo na tarida, hum santongkin do i tahan, tapi anggo na so tarida i manongtong do i salolot-lolotna.

2 KORINTUS 5:7

Harana anggo ngolunta marojahan di haporsayaan do, nada marojahan tu na tarida,

2 KORINTUS 9:15

Sai mandok tarimakasi ma hita tu Debata hara ni silehen-lehenNia na so tarsuhat i!

GALATIA 5:22

Tapi anggo parbatu ni Tondi i, on do: Holong ni roha, jop ni roha, hasonangan, lambok ni roha, habasaran, lidang ni roha, hatomanan,

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

EPESUS 3:19

na so tarastui sabagas-bagasna anggo marsuhat tu pikiran ni jolma. Sai ditanda hamu ma nian holong ni roha ni Kristus i, anso gok hamu dohot hadirion ni Debata na sanggam i.

EPESUS 6:24

Sai dipasupasu Debata ma hamu angka dongan sudena na mangkaholongi Tuhanta Jesus Kristus mardongan holong ni roha na so muba-uba.

PILIPPI 1:25

Pos do rohangku di na songon i. Hara ni i do umbaen na huboto, na laing dison dope au. Angkon laing rap do au dohot hamu sudena, anso tartolongi au hamu mur margogo jana mur masonang di bagasan haporsayaanmunu tu Tuhan i.

PILIPPI 3:3

Hape hita do angka na dung manjagit sunat na tutu, nada halahi. Hombar tu panogu-noguon ni Tondi Ni Debata sandiri do tasomba Debata, jana mandok tarimakasi do hita hara ni na dung mardomu i hita dohot Jesus Kristus. Nada marguru tu angka upacara na tarida hita.

PILIPPI 4:4

Marjop ni roha ma hamu tongtong di bagasan Tuhan i! Sanoli nari hudok: Marjop ni roha ma hamu!

IBRANI 11:1

Haporsayaan i ma jojahan ni roha taringot tu angka na niarop ni roha dohot hapastian taringot tu na so niida dope.

IBRANI 11:27

Hara ni haporsayaanna, gabe ditadingkon si Musa do tano Mesir so pola mabiar ia mida raja i na topet muruk marsitutu. Torus ditustus ia do dalannia songon na dung niidania Debata na so tarida i.

1 PETRUS 1:6

Hara ni i angkon marjop ni roha do hamu, haru pe saonnari angkon laing marsak hamu santongkin hara ni na manaon angka pandugaan hamu.

1 PETRUS 2:7

Na arga situtu do batu i di hamu na porsaya. Tapi anggo di halak na so porsaya, tulus ma na nidok ni Buku Na Badia i na mandok, “Batu na niambungkon ni angka tukang i, madung gabe batu parsuhi. Batu i ma na mambaen halak tartuktuk, batu na mambaen halahi gabe tinggang.”

1 PETRUS 5:4

Jadi muda ro Parmahan Bolon i, jagitonmunu ma tuku hamuliaon na so ra malos.