1 PETRUS 1:7 - BIBEL JAMITA NA DENGGAN

⁷ Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.

1 PETRUS 1:7 ပူးပေါင်းရင်းမြစ်များ

JOB 23:10

Hape anggo Ia laing tangkas do diSia dalan sibolusonku, dohot sude na hulangkahon maradu pambaenanku. Sugari niuji au songon sere, angkon tanda ma tarida di iba ias ni ate-ate.

JOB 28:1

Adong do panombangan inganan ni perak nipambuatan, adong muse do inganan ni sere anso nipolinan.

MASMUR 17:3

Ditanda Ho do rohangku; muda borngin ro do Ho pamanatkon au; hape anggo hata dohot hagiot na jat, nada dapot Ho sian au.

PODA 16:16

Ummarga do dapotan habisuhon dohot parbinotoan, ulang pado dapotan sere dohot perak.

PODA 17:3

Sere dohot perak diuji di bagasan api, tapi anggo roha ni jolma Tuhan do manguji.

PODA 8:19

Sanga aha pe na dapot ho sian au ummarga do i sian sere na polin; jana sian perak na jumeges.

PARJAMITA 5:14

Hape mago ma arta i hara ni sada-sada hasusaan, jadi gabe nada adong be na nipateankonnia tu angka dakdanaknia.

JESAYA 48:10

Satutuna madung Hupaias ho, tapi nada songon perak, jana madung Huuji ho marhite hasusaan.

JEREMIA 48:36

Ma pola mago sude hakayoan ni Kirheres dohot Moab sudena. Dangol huhilala marnida na masa i tu halahi; songon halak na mangendehon ende andung au marhite suling.

JEREMIA 9:7

Jadi patunda ni i didok Tuhan Na Markuaso i ma, “UjionKu ma bangsongKi anso gabe pita halahi. Angke aha dope na bolas baenonKu maradopkon bangsongKu?

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

MALEAKI 3:3

Jadi juguk ma Ia songon sada halak panopa perak; jana paiasonNia ma halak Levi songon na paiaskon sere dohot perak, anso gabe sioban haul halahi tu Tuhan di bagasan hasintongan.

BILANGAN 5:28

Tapi muda na so marsala do ia, nada hona bura i, jana tarbaen dope ia tubuan anak.

MATEUS 19:28

Dialusi Jesus ma halahi, “Hudok ma tu hamu, satutuna di hatiha panompaon muse, di hatiha juguk Anak Ni Jolma i, di habangsa hamuliaonNa, hamu angka na mangihutkon Au, giot juguk di ginjang di habangsa na dua bolas i laho manguhumi Israel na dua bolas marga i.

MATEUS 25:21

‘Ma denggan i,’ ning tuan i, ‘ho ma ibana naposo na burju jana na denggan. Angke haposan do ho di na otik, hulehen ma pos ni rohangku tu ho taringot tu na umbahat. Dohot ma ho masuk marsonang-sonang rap dohot au!’

MATEUS 25:23

‘Denggan ma i,’ ning tuan i, ‘ho ma ibana naposo na denggan jana na burju. Dibaen haposan do ho di na otik, laing pasahaton ma pos ni roha tu ho taringot tu na bahat. Masuk ma ho anso dohot marsonang-sonang rap dohot au!’

LUKAS 12:33

Gadis ma sude sinadonganmunu, jana lehen hamu ma i gabe asi-asi. Pature hamu ma di hamu angka huncang na so ra buruk, arta parbanua ginjang na so ra abis, na so hadonohan ni panangko jana nada tarpasego ngitngit.

LUKAS 17:30

Songon i ma pangalahona saulahon muda di ari hataridaan ni Anak Ni Jolma i.”

JOHANNES 12:26

Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangoloi Au sanga di dia pe Au. Jana pasangapon ni Damang muse ma sanga ise na mangoloi Au.”

JOHANNES 5:44

Tarbia muse ma pambaenmunu porsaya, harana na manjalahi sangap do hamu sama hamu, anggo sangap sian Debata na sasada i nada dijalahi hamu.

BAENON NI ANGKA RASUL 8:20

Tapi dialusi si Petrus ma, “Tu hamagoan ma ho dohot hepengmi! Diambang ho do lakna tartobusi hepeng, silehen-lehen ni Debata?

SURAT NI SI PAULUS TU PARLAGUTAN ROM 2:10

Tapi anggo halak na sai mambaen na denggan, lehenon ni Debata ma hasangapan dohot hamuliaon bope hasonangan; talobi-lobi tu halak Jahudi, songon i muse tu halak Junani.

SURAT NI SI PAULUS TU PARLAGUTAN ROM 2:29

Sabalikna do. Anggo halak Jahudi na tutu, i ma halak na marroha Jahudi; jana sunat na tutu, i ma sunat na di roha i na nibaen ni Tondi i, nada na nibaen marguru tu Tona na tarsurat i sajo. Sian Debata do ro pamujian tu halak na songon i nada sian jolma.

SURAT NI SI PAULUS TU PARLAGUTAN ROM 2:7

Lehenon ni Debata ma ngolu na manongtong tu sude na mangkaburjuhon na denggan, hasangapan na sanggam jana na manongtong i.

SURAT NI SI PAULUS TU PARLAGUTAN ROM 8:19

Hara ni lungunna, sasudena na nitompa i painte-intehon do sanga andigan hatihana patidahonon ni Debata hasangapan ni angka dakdanakNia i.

1 KORINTUS 3:13

Muda ro saulahon Kristus, disi pe anso tarida parkarejoan ni halahi be. Harana api paruhuman do pataridahon karejo ni ganop be. Api i ma na manguji jana manontuhon hadengganan ni karejo i.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

JAKOBUS 1:12

Martua do sanga ise na sobar di na manaon pandugaan. Angke muda dung disalpui ia pandugaan i, manjagit upa ma ia, i ma hangoluan na nijanjihon ni Debata tu angka na mangkaholongi Debata.

1 PETRUS 1:13

Hara ni i hobas ma hamu. Jonggor ma hamu jana mararop ni roha situtu di pasupasu na giot lehenonNa tu hamu di haroro ni Jesus Kristus muse.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

1 PETRUS 2:4

Antong, dapotkon hamu ma Ia. Songon batu na mangolu do i, i ma batu na niambungkon ni jolma hara ni na so marguna didok rohana; hape batu i do na mararga situtu anggo di Debata.

1 PETRUS 2:7

Na arga situtu do batu i di hamu na porsaya. Tapi anggo di halak na so porsaya, tulus ma na nidok ni Buku Na Badia i na mandok, “Batu na niambungkon ni angka tukang i, madung gabe batu parsuhi. Batu i ma na mambaen halak tartuktuk, batu na mambaen halahi gabe tinggang.”

1 PETRUS 4:12

Angka dongan na hihaholongan! Hancit do ditaon hamu saonnari hara ni na hona uji. Tapi ulang pola homang rohamunu, muda adong masa tu hamu sada pangalaho na luar biasa.

1 PETRUS 4:13

Angkon mur sonang do rohamunu angke dohot do hamu manaon parkancitan rap dohot Kristus. Jadi saulahon muda dung dipataridahon hasangapan ni Kristus i tu sude jolma, marsurak-surak ma hamu disi.

1 PETRUS 5:1

Nipangido anso diparrohahon angka sintua jolo on. Songon donganmunu pamimpin, hubaen surat on bope donganmunu na manyaksihon sandiri parkancitan ni Kristus, jana na giot dohot pasangapon muda dung dipataridahon hasangapan ni Kristus tu hita jolma. Gomos pangidoanku

2 PETRUS 1:1

Sian si Simon Petrus, naposo jana rasul ni Jesus Kristus, tu angka na rap dohot hami manjagit haporsayaan i markite-hite hatigoran ni Debatanta dohot Sipalua hita, Jesus Kristus.

2 PETRUS 1:4

Songon i ma dalanna dibaen Debata mangalehen tu hita angka pasupasu na godang jana na arga na dung nijanjihonNia hian. Hara ni angka pasupasu i tarbaen ma hamu malua sian angka hagiot na jat na adong di portibi on, jana maruli ma hamu di angka bako ni Debata.

2 PETRUS 3:14

Hara ni i hamu angka dongan na nihaholongan, di na painte-intehon Ari i hamu, situtui hamu ma mangkarejohon anso ulang mardosa be hamu jana martihas di jolo ni Debata. Jana ulang so denggan pardomuanmunu tu Debata.

JUDAS 1:24

Debata do na margogo manjagohon hamu, anso ulang tinggang, jana na pajongjongkon hamu di adopan ni hasangapanNia di bagasan jop ni roha, jana nada martihas.

HALUMBAAN 1:7

Ligi da, na ro ma Ia dihaliangi ombun! Idaon ni sude halak ma Ia, dohot halahi na maniham Ia. Mangangguhi ma sasudena bangso na di tano on manangisi dirina be hara ni Ia. Olo, tutu do na songon i! Amen!

HALUMBAAN 2:10

Ulang ho mabiar taringot tu na giot taononmu. Ligi ma dabuon ni sibolis ma deba sian hamu tu bagasan hurungan, anso niuji hamu, jana manaon parkancitan ma hamu salolot sampulu ari. Sai bonar ma rohamunu lopus tu hamatean i, dung i lehenonKu ma di ho tuku hangoluan.

HALUMBAAN 3:10

Hara ni na dung nioloanmunu parentangKu anso sobar hamu, Au pe jagohononKu ma hamu anso laing horas torkis hamu mamolus hasusaan na giot masa tu sude portibi on. I ma na giot tarjadi laho manguji sasude jolma na satano on.

HALUMBAAN 3:18

Jadi Hupaingot ma hamu anso tobusi hamu ma sian Au sere, i ma sere na polin, anso tutu hamu gabe mamora. Laing dohot ma pakean na bontar tobusi hamu sian Au anso marpakean hamu, ulang diida halak be hamu di pangalahomunu na marsaemara jana na pailahon i. Jana tobusi hamu muse ma ubat ni matamunu i anso marnida hamu.

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.