1 PETRUS 1:24 - BIBEL JAMITA NA DENGGAN

²⁴ Tarsurat do di Buku Na Badia i songon on, “Tarsongon duhut-duhut do sude jolma, jana songon bunga ni duhut i do hasangapanna. Malos ma duhut i, marurus muse ma bungana i;

1 PETRUS 1:24 ပူးပေါင်းရင်းမြစ်များ

2 RAJA-RAJA 19:26

Umpe margogo angka jolma na manginganisa, tarsonggot jana mabiar be noma halahi. Songon ruput na di padang i noma halahi sanga songon ruput na tubu di tarup ni bagas, na malos dipangombus ni alogo na milas na sian Habincaran.”

JOB 14:2

Mangerbang ia jana malos songon bunga; salpu songon halinu lalu mago so tarida.

MASMUR 102:4

Hona pukul ate-atengku songon duhut na hiang, nada lalu au be mangan.

MASMUR 103:15

Songon duhut, nada sadia honok ngolu ni jolma, marbunga ma ia songon bunga di ladang;

MASMUR 129:6

Padiar ma songon duhut na di ginjang tarup halahi na mahiang dompak so martumbur;

MASMUR 37:2

Angke songon ruput na mahiang, tibu ma mago halahi; songon suan-suanan na malos marmatean noma i.

MASMUR 39:6

nada lobi sian halinu. Nada adong arti ni sude halojaonna. Dipalagut ia arta, hape so dibotosa sanga ise na giot mamakesa.

MASMUR 90:5

Diayup Ho do hami; songon nipi sajo do hami songon duhut na martumbur;

MASMUR 92:7

halak na so ture simbur do martumbur songon duhut simbur, jana halak na jahat martamba kayo jana sonang; tapi laing abiskonon do halahi sudena,

JESAYA 51:12

“Au, Au ma da na mangapoi hamu. Biasi pola mabiar ho, mida jolma parsantongkinan dohot tu Anak Ni Jolma na diambungkon songon duhut.

MATEUS 6:30

Songon i ma jegesna dihobasi Debata angka duhut na di padang-padang i, i ma na tubu sadari on, tapi ancogot ambungkononkon ma i, dung i nitutung. Muda dihobasi Debata do ruput i songon i, mur ma hamu! Tapi, magaletu do haporsayaanmunu!

JAKOBUS 4:14

hape nada diboto hamu sanga aha na giot masa ancogot di ngolumunu. Aha ma he hosamunu i? Na songon timus sajo do ho, tarida santongkin sajo, dung i manigor mago.”

1 JOHANNES 2:17

Na giot mago do portibi on bope sasudena na adong di bagasanna na nihalungunkon ni jolma. Tapi anggo halak na patulus hagiot ni Debata, mangolu do salolot-lolotna.