1 PETRUS 1:23 - BIBEL JAMITA NA DENGGAN

²³ Angke markite-hite hata ni Debata na mangolu jana na manongtong i, madung gabe jolma na imbaru hamu dibaen, i ma na so sorang sian jolma, tapi sian Ama na manongtong i do.

1 PETRUS 1:23 ပူးပေါင်းရင်းမြစ်များ

JEREMIA 23:28

Anggo panurirang na marnipi angkon dokkononna do nian, ‘Nipi do da on.’ Tapi anggo panurirang na manjagit tona sian Au angkon palaluonna do tona i satutuna. Nada tarpatudos gandum tu durame.

HAMALIMON 11:37

Muda madabu bangke na songon i tu same na giot saburkononkon, same i tongtong do ias etongon.

MALEAKI 2:3

UhumonKu ma angka dakdanakmunu jana lapuhononKu tu bohimunu i kotoran ni pahan-pahanan na nihaulkonmunu i, jana hamu saratonKu tu ginjang ni kotoran i.

MATEUS 24:35

Anggo langit dohot tano on mago do, tapi anggo hatangKi angkon hot do salolot-lolotna.”

LUKAS 8:11

“Ondo astuan ni umpama i: Same i, i ma hata ni Debata.

JOHANNES 1:13

i ma angka na so tubu sian mudar, sanga sian roha sibuk, sanga sian hagiot ni halaklahi, tapi na ditubuhon ni Debata.

JOHANNES 1:3

Sasudena do dijadihon markite-hite Ia, jana sian sasude na adong, sangkamata pe nada adong na nijadihon, so marhite sian Ia.

JOHANNES 3:3

Dialusi Jesus ma, “Tutu do na Hudok on: Nada tarbaen sanga ise pe gabe anggota ni Harajaan Ni Debata, anggo so jolo sorang ia mangulahi.”

JOHANNES 3:5

Dialusi Jesus ma, “Tutu do na Hudok tu ho: Anggo so sorang halak sian aek dohot sian Tondi, nada tarbaen gabe parsidohot di Harajaan Ni Debata.

JOHANNES 6:63

Tondi i do na mangalehen hangoluan, anggo sibuk nada adong guna ni i. Angka hata na Hudokkon, i do tondi dohot hangoluan.

SURAT NI SI PAULUS TU PARLAGUTAN ROM 1:23

Dipasambar halahi do hasangapan ni Debata na so muba-uba, tu gambaran na tudos tu jolma na muba-uba, angka unggas, binatang siopat pat dohot angka binatang na manjurur.

IBRANI 4:12

Hata na mangolu jana na margogo do hata ni Debata; tumajom dope i sian podang sidua baba. Disirang ia do tondi dohot hosa, utok-utok dohot holi-holi, jana markuaso do i manguhumi pikiran dohot parrohahon ni ate-ate.

JAKOBUS 1:18

Hara ni giot ni rohaNia sandiri, dibaen Ia do hita gabe dakdanakNia markite-hite hataNia na tigor i, anso dapotan inganan na dumenggan hita sian sasudena na nitompaNia.

1 PETRUS 1:25

tapi anggo hata ni Debata hot do salolot-lolotna.” Jamita na Denggan do hata na dung dijamitahon i tu hamu.

1 PETRUS 1:3

Mandok tarimakasi ma hita tu Debata bope Ama ni Tuhanta Jesus Kristus! Hara ni denggan ni rohaNia, dibaen Ia do hita gabe jolma na imbaru na maruli arop ni roha na tongtong mangolu, angke madung dipangolu Kristus mangulahi sian hamatean.

1 JOHANNES 3:9

Ganop halak na sorang sian Debata, nada mangkarejohon dosa be, harana madung adong do disia bako ni Debata jana nada be mangkarejohon dosa, harana na sorang sian Debata do ia.

1 JOHANNES 5:18

Taboto do anggo halak na dung gabe dakdanak ni Debata, nada pola sai marpupu halahi mambaen dosa, angke dijagohon Anak Ni Debata do ia jana nada tarkahua si Parjahat i ia.