1 PETRUS 1:22 - BIBEL JAMITA NA DENGGAN

²² Hara ni na nioloanmunu ajaran na sian Debata, gabe dipaias hamu dirimunu jana holong do rohamunu mida angka halak na porsaya tu Kristus. Antong, marsihaholongan ma hamu sama hamu sian sandok rohana be.

1 PETRUS 1:22 ပူးပေါင်းရင်းမြစ်များ

JOHANNES 15:17

On ma parentangKi tu hamu: Angkon rap marsihaholongan ma hamu.”

JOHANNES 15:3

Madung ias anggo hamu dibaen pangajaran na Hulehen i di hamu.

JOHANNES 17:17

Markite-hite hasintongan ni Damang, baen ma halahi gabe angka jolma hapunjungan ni Damang sandiri; hata na nidok ni Damang i do hasintongan i.

JOHANNES 17:19

Hupasahat do diringKu tu Damang laho humopkop halahi, anso halahi pe gabe nampuna ni Damang di bagasan hasintongan.

BAENON NI ANGKA RASUL 15:9

Nada mardia imbar hita sian halahi dibaen Debata. Dipaias Ia do roha ni halahi, hara ni na porsaya halahi.

BAENON NI ANGKA RASUL 6:7

Jadi mur rarat ma hata ni Debata, martamba ma bilangan ni angka sisean di Jerusalem, angka malim pe bahat do na gabe porsaya.

SURAT NI SI PAULUS TU PARLAGUTAN ROM 1:5

Markite-hite Ia do hami jagit asi ni roha dohot karejo ni rasul laho manogu-nogu angka bangso anso porsaya halahi jana mangoloi goarNia.

SURAT NI SI PAULUS TU PARLAGUTAN ROM 2:8

Tapi haririmas dohot hamumuruk do di halak na manjalahi haporluon di dirina sandiri, na so mangoloi hasintongan i, tapi na mangoloi tu hageduhan.

SURAT NI SI PAULUS TU PARLAGUTAN ROM 8:13

Harana, muda mangihutkon bako ni jolma do hamu mangolu, ujungna angkon mate ma hamu; tapi anggo mardongan kuaso ni Tondi Parbadia do, matehononmunu ma torus angka pangalahomunu na mardosa i, gabe mangolu ma hamu.

2 KORINTUS 6:6

Hami patuduhon do na tutu hami pangoloi ni Debata di habuluson ni rohanami, di parbinotoan di hasobaron dohot di denggan ni rohanami. Di bagasan Tondi Parbadia dohot sian holong ni roha na ias,

GALATIA 3:1

Hamu ale angka halak Galatia na oto! Ise dehe na mangula-ulai hamu? Madung hupajojor taringot tu hamamate ni Kristus di parsilang i satorang-torangna.

GALATIA 5:5

Hara ni Tondi dohot haporsayaanta, arop do rohanta di hatigoran i.

GALATIA 5:7

Madung denggan nian najolo marjuang hamu! Ise dehe na mangantahi hamu anso ulang dipatulus hamu na tigor?

EPESUS 4:3

Marsitutu ma hamu parayakkon anso tongtong denggan mardalan hasadaon na nitompa ni Tondi Parbadia i, hara ni ngolumunu na mardame.

PILIPPI 1:9

On do tangiangku salaho tu hamu: Anso nian mur mabagas holong ni rohamunu mardongan parbinotoan na sintong bope dohot panatapan na tumbuk,

1 TESSALONIKA 3:12

Sai dipabahat, jana dipalobi Tuhanta ma holong ni roha di hamu sama hamu, bope mida ganop halak, laing songon hami mida hamu.

2 TESSALONIKA 1:3

Angkon sai tongtong do hami mandok tarimakasi tu Debata hara ni hamu ale angka dongan. Jana songon i do na patut baenonnami, angke mur porsaya do hamu tu Kristus jana mur marsihaholongan do hamu sude sama hamu.

2 TESSALONIKA 2:13

Hamu angka dongan na nihaholongan ni Tuhan! Angkon sai tongtong do mandok tarimakasi hami tu Debata hara ni hamu, angke sian mulana madung dipili Debata hian hamu gabe halak sipaluaon. Sian parkarejoan ni Tondi Parbadia, di tonga-tongamunu do sudena i tarjadi laho mambaen hamu gabe halak na ias di Debata, boti hara ni haporsayaanmunu tu jamita na tutu i na sian Debata.

1 TIMOTEUS 1:3

Giotku laing maringanan di Epesus ma ho tongtong. Nian madung tangkas hian i hudok tu ho dompak na kehe au tu Makedonia. Husuru pe ho anso laing tongtong di Epesus, hara ni na huboto do adong disi piga-piga halak na pararatkon ajaran na so tutu. Jadi angkon antahanmu do halahi.

1 TIMOTEUS 1:5

Anggo tujuan ni sipaingot i, i ma laho manyungguli holong ni roha na polin sian roha na ias dohot haporsayaan na tutu situtu.

1 TIMOTEUS 4:12

Ulang ma padiar sahalak pe marlayas ni roha tu ho hara ni na poso i dope ho. Tapi angkon gabe tiruan na denggan ma ho di angka halak na porsaya, di bagasan pangakataionmu, pangalahomu, holong ni rohamu, haporsayaanmu dohot di haiason ni ngolumu.

1 TIMOTEUS 5:2

jana angka dadaboru na matobang, songon inanta sandiri. Tu angka bujing-bujing, angkon ias sun do baenonmu pangalahomu, songon tu ibotomu sandiri.

2 TIMOTEUS 1:14

Mardongan pangurupi ni Tondi Parbadia na maringanan di bagasan hita, angkon jagohononmu ma sadenggan-dengganna angka na mararga na dung dihaporsayahon tu ho.

IBRANI 11:8

Hara ni na porsaya, gabe dioloi si Abraham Debata, di na nipio ni Debata ia jana disuru anso kehe tu luat na nijanjihon ni Debata tusia. Dung i kehe do si Abraham so pola diboto ia sanga na giot tudia ia kehe.

IBRANI 13:1

Tongtong ma jagohon hamu holong maradopkon dongan!

IBRANI 5:9

Jadi dung sanggam Ia, gabe Ia ma haroroan ni haluaan na manongtong di sude halak na burju mangoloi Ia.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

IBRANI 9:14

mur ma mudar ni Kristus! Markite-hite Tondi na manongtong, dihaulkon Kristus do diriNia sandiri tu Debata gabe haul na sanggam. Dipaias mudarNia i do taroktokta sian angka karejo na so marguna, anso tarbaen hita dohot mangoloi karejo na so marguna, anso tarbaen hita dohot mangoloi Debata na mangolu i.

JAKOBUS 1:21

Antong hara ni i, ambungkon hamu ma sude hasomalan na hodar dohot na jat. Jagit hamu ma di bagasan toruk ni roha Hata na nisuan ni Debata di bagasan rohamunu, angke margogo do Hata i laho paluahon hamu.

JAKOBUS 4:8

Pasolkot hamu ma tu Debata, jana Debata pe padonohonNa ma tu hamu. Hamu dongan na mardosa, paias hamu ma tanganmunu! Hamu na mardua roha, paias hamu ma rohamunu.

1 PETRUS 1:2

mangihutkon sangkap ni Debata Ama jana na niparbadiai ni Tondi, anso mangoloi Jesus Kristus jana manjagit pamispion ni mudarNia. Mur martamba ma asi ni roha dohot hasonangan di hamu.

1 PETRUS 2:17

Pantun ma hamu tu sude halak, haholongi hamu ma donganmunu sahaporsayaan tu Kristus. Habiari hamu ma Debata jana pasangap ma Kesar i.

1 PETRUS 3:1

Laing songon i ma hamu ale angka ina, angkon oloanmunu do halaklahimunu, jadi muda adong sian halahi na so porsaya di hata ni Debata, nada pola porlu dohononmunu sanga na aha pe tu halahi, parangemunu i ma na mambaen halahi gabe porsaya,

1 PETRUS 3:20

i ma tondi ni angka halak na so mangoloi tu Debata hatiha i salolot paulihon paraunia i si Noak. Hape hum halak na di parau i sajo do – salapan halak do sudena – na malua sian aek na oto i.

1 PETRUS 3:8

Songon on ma panyimpulina: Angkon saroha do hamu jana sapangkilalaan. Marsihaholongan ma hamu na sada tu na asing songon na markahamaranggi. Jana marsiasi-asian ma hamu jana martoruk ni roha na sada tu na asing.

1 PETRUS 4:17

Madung dapot hatihana, Debata manguhumi portibi on. Jana halak ni Debata sandiri do parjolo niuhuman. Antong, muda sian hita ma pungkaon ni Debata, tarbia muse noma ulaning na masa tu angka halak na so mangkaporsayai Jamita Na Denggan na sian Debata?

1 PETRUS 4:8

Tapi na umporlu sian sasudena i, marsihaholongan ma hamu sama hamu, angke muda marsihaholongan hamu gabe bahat ma dosa disesa.

2 PETRUS 1:7

Di bagasan hadaulatan tu Debata ditambahon ma holong ni roha mida dongan, jana di bagasan holong ni roha mida dongan di tambahon ma holong ni roha mida sude halak.

1 JOHANNES 3:11

Sian mulana madung dipaboa jamita on tu hamu: Angkon marsihaholongan do hita sama hita.

1 JOHANNES 3:23

Anggo na niparentahonNia tu hita, on do: Angkon tahaporsayai do AnakNia i, i ma Jesus Kristus; jana angkon marsihaholongan do hita sama hita songon na niparentahon ni Kristus tu hita.

1 JOHANNES 4:12

Sahalak pe nada adong na jungada mida Debata, tapi maringanan do Debata di bagasan hita jana gabe sanggam do holong ni rohaNia di bagasan hita muda marsihaholongan hita sama hita.

1 JOHANNES 4:20

Muda adong na mandok, “Huhaholongi do Debata,” hape hosom rohania mida dongannia, pargabus do halak na songon i. Angke sanga ise na so mangkaholongi dongan na bolas idaonnia, nada tarbaen ia be mangkaholongi Debata na so jungada diida ia.

1 JOHANNES 4:7

Hamu angka dongan na nihaholongan! Marsihaholongan ma hita sama hita, angke sian Debata do ro holong ni roha i. Sanga ise na marholong ni roha, i do dakdanak ni Debata jana na mananda Debata.

HALUMBAAN 2:4

Tapi anggo pangalaho na sada on nada sonang rohangKu mida hamu: Nada songon di mulana i be holong ni rohamunu.