1 PETRUS 1:17 - BIBEL JAMITA NA DENGGAN

¹⁷ Didok hamu Amang tu Debata dompak martangiang hamu. Antong, Debata i do na mandabuhon uhuman tu jolma marguru tu pambaenanna be so pola mangaligi bohi. Hara ni i, salolot di tano on hamu, pagodang hamu ma Debata di ngolumunu.

1 PETRUS 1:17 ပူးပေါင်းရင်းမြစ်များ

PAMUNGKAAN 47:9

Dialusi si Jakob ma, “Saratus tolu pulu taon ma au na mangolu i songon pardalan-dalan. Gok hasusaan do angka taon na hubolus i, tapi i santongkin dope i martimbangkon angka taon na nidalanan ni na umpompar au.”

1 JUJUR TAON 29:15

Diboto Ho do ale Tuhan, laing songon angka ompunami do, hami pe laing songon halak na ro do jana paisolat. Songon halinu na mamolus do ngolunami, jana nada tarbaen malua hami sian hamatean.

2 JUJUR TAON 19:7

Angkon mabiar do hamu tu Tuhan jana jamot-jamot hamu mambaen tindakan, dibaen goyak do roha ni Tuhan mida halak na mambaen hageduhan, na martindak borat sabola sanga na manjagit sogok.”

JOB 34:19

Nada Ia teleng tu angka raja, sanga patujolohon na mora sian angka na susa. Harana rap na nitompaNia do halahi sudena.

MASMUR 39:12

Tangihon ma ale Tuhan, tangiang pangidoanku; parrohahon ma ilu-ilungku, ulang ma hohom Ho tu au. Laing songon angka daompung na umpompar au, hum sangombas sajo do manompang tu Ho au.

MASMUR 89:26

Dokkononnia ma tu au, ‘Ho do Damang jana Debatangku, Ho do pangondianku dohot sipalua au.’

PODA 14:16

Jamot do halak na bisuk jana dipasimbil do hajahatan, tapi muda halak na oto dipapuas do hagiotna jana jop rohana.

PODA 28:14

Tongtong ma pasangap Tuhan, gabe martua ma ho. Muda dialo ho Ia, dapot mara ma ho.

JEREMIA 3:19

Didok Tuhan, “O ale Israel, por do rohangKu manjagit ho songon anakKu, dohot mangalehen tu ho tano hasonangan, luat na jumeges di sandok tano on. Por do rohangKu didok ho Au Amangmu, jana nada lari be ho sian Au.

ZEPANYA 3:9

Tapi dung salpu i paubaonKu ma roha ni angka bangso-bangso i gabe martangiang tu Au sajo noma halahi, jana nada be tu angka debata na asing. Oloan ni angka bangso i noma Au.

MATEUS 16:27

Ro ne ma Anak Ni Jolma i, mardongan hasangapan ni AmangNia rap dohot angka surusuruanNia. Anggo disi, baloskononNia ma tu ganop jolma hombar tu pambaenan ni halahi be.

MATEUS 22:16

Disuruhon halahi ma angka anak sisean ni halahi rap dohot piga-piga halak anggota ni si Herodes. Jadi disuru dokkon halahi ma tu halak na nisuruhon ni halahi i mandok tu Jesus songon on, “Hami boto halak na tigor roha do Guru i. Marsitangkas do diajarkon Ho hagiot ni Debata tu jolma. Nada mabiar Ho sanga na tu ise pe halakna. Angke antong inda siida bohi Ho.

MATEUS 6:9

Jadi songon on ma dok hamu muda martangiang hamu, ‘Ale, Amangnami na di banua ginjang: Pinarbadia ma goarMu,

SURAT NI SI PAULUS TU PARLAGUTAN ROM 11:20

Tutu do nian songon i. Tapi diambungkon pe halahi, hara ni na so porsaya do halahi, jana dijagit pe ho hara ni na porsaya do ho. Jadi ulang pola gabe ginjang rohamu hara ni i; gari ada angkon mabiar do ho.

2 KORINTUS 1:2

Asi ni roha ma di hamu dohot hasonangan sian Debata Amanta dohot sian Tuhanta Jesus Kristus!

2 KORINTUS 5:6

Gabe pos do tongtong rohanami hara ni i. Hami boto do, salolot di bagasan pamatangta on hita tinggal, laing di duru ni bagas ni Tuhan dope hita.

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

2 KORINTUS 7:11

Ligi hamu ma jolo antong sanga aha do na ro sian hamamarsak na sian Debata i! Gabe diparayak hamu ma laho padenggankon na gaor. I ma suhana! Gabe magigi hamu mida dosa, gabe mabiar hamu, malungun hamu, gabe marsitutu, gabe ra hamu manguhum na sala! Di bagasan sudena parsoalan on madung dipatuduhon hamu na so marsala hamu.

GALATIA 2:6

Nian, nada pola adong be angka pangalaho na imbaru ditambai angka halak na tarpandang i – anggo di au nada adong imbar ni i sanga halak na tarpandang halahi sanga nada, harana Debata pe nada siida bohi ni jolma Ia.

EPESUS 1:17

Hupangido anso dilehen Debata ni Tuhanta Jesus Kristus, i ma Debata na sangap i, TondiNia tu hamu. Gabe marbisuk do hamu baenon ni Tondi i, jana patandahononNia ma Debata tu hamu anso ditanda hamu Ia.

EPESUS 3:14

Hara ni i ma umbaen na marsinggang au di adopan ni Ama i.

EPESUS 6:9

Hamu dongan na gabe tuan! Angkon laing songon i do hamu maradopkon angka hatobanmunu. Antak hamu ma na mamake ondam-ondam. Angkon ingotonmunu do, rap satuan do hamu dohot angka hatobanmunu i, i ma tu Tuhan na di banua ginjang i. Nada mardia imbar halak diSia.

PANGARATAION 10:17

Di ginjang ni sude debata do Tuhan Debatamunu i jana Tuhan ni sasudena tuan, Debata na tongam jana na markuaso do Ia jana angkon nioloan. Nada ra Ia marpihak jana nada ra muse Ia manjagit sisip.

PILIPPI 2:12

Hara ni i hamu angka dongan na nihaholongan, songon pangoloimunu tu au dompak di tonga-tongamunu au, saonnari pe haru dung padao-dao, angkon mur olo ma hamu nian tu au. Usahohon hamu ma tongtong anso mur sanggam haluaanmunu i. Mardongan biar dohot hitir ma baen hamu sudena i,

KOLOSSE 3:25

Harana sanga ise na marsala, tanggungonna ma angka hasalaanna i; angke sarupa do sudena jolma diida Tuhan i.

IBRANI 12:28

Hara ni na dung tajagit harajaan na so tarhutur i, beta ma tadok tarimakasi jana mangoloi tu Debata mangihutkon angka tona na tama tuSia, mardongan sangap dohot biar.

IBRANI 4:1

Antong, laing adong dope janji ni Debata na giot lehenonNia dope di hita i ma paradianan. Jadi jago ma hita anso ulang jabat adong sahalak pe sian hamu na so tola masuk tu paradianan na nijanjihonNa i.

1 PETRUS 2:11

Hamu angka dongan na nihaholongan! Halak na asing do hamu jana pangaranto di tano on. Hara ni i gomos hupangido tu hamu anso ulang ihutkon hamu hagiot ni jolma na sai marporang mangalo tondi.

1 PETRUS 3:15

Tapi di bagasan rohamunu, parbadia i hamu ma Kristus songon Tuhan! Jana angkon singkop do hamu tongtong laho mangalusi sanga ise na manyapai hamu taringot tu pos ni rohamunu di angka na niarop ni rohamunu sian Tuhan.