1 PETRUS 1:13 - BIBEL JAMITA NA DENGGAN

¹³ Hara ni i hobas ma hamu. Jonggor ma hamu jana mararop ni roha situtu di pasupasu na giot lehenonNa tu hamu di haroro ni Jesus Kristus muse.

1 PETRUS 1:13 ပူးပေါင်းရင်းမြစ်များ

1 RAJA-RAJA 18:46

Mandapot gogo ma si Elia di ombas i sian Tuhan. Dilompit ia ma baju jubania i tu ginjang jana ditambat ia ma tu gontingnia, jadi dilojong ia ma manjoloi si Ahab sapanjang dalan i lopus lalu tu horbangan ni Jesreel.

2 RAJA-RAJA 4:29

Ditailihon si Elisa ma si Gehasi jana didok ia ma, “Patibu! Buat tungkotku, ompoti kehe tu bagas ni inanta on. Ulang ho maradian-adian di tonga dalan manjalang sanga na ise pe. Muda adong pe halak manjalang ho, ulang parsayang tingki laho manjalangsa. Disi lalu ho manigor payakkon ma tungkotki tu pamatang ni dakdanak i.”

JOB 38:3

Saonnari maradopan ma ho tu Au songon sada halaklahi jana angka sapa-sapangKon alusi.

JOB 40:7

“Adopi bo Au songon halaklahi, jana alusi ma dison sude na Husapai.

HARURUAR 12:11

Angkon mopop do hamu mangankon harana marpakean do hamu singkop songon na giot mardalanan, marsipatu patmunu jana tiop hamu tungkot di tanganmunu. On ma Ari Pesta Paskah laho pasangapkon Au Tuhan.

JESAYA 11:5

Markite hasintongan dohot hatigoran do aturonNia bangsoNa.

JEREMIA 1:17

On pe markobas ma ho, Jeremia! Kehe ma ho jana paboa ma tu halahi sandok na Huparentahon tu ho. Ulang ho mabiar mida halahi, anso ulang Hubaen ho mur mabiar muda maradopan dohot halahi.

MATEUS 20:4

Jadi didok ia ma tu halahi, ‘Dohot ma hamu kehe markarejo di kobun anggurki. Hulehen pe upa na patut di hamu.’

LUKAS 12:35

“Marjago-jago ma hamu mangadopi sanga aha na ro. Angkon totop do marhohos gontingmu jana gara palitomunu,

LUKAS 17:30

Songon i ma pangalahona saulahon muda di ari hataridaan ni Anak Ni Jolma i.”

LUKAS 17:8

Tontu inda! Tapi suhar-suhar ni i do dohononmunu tusia, ‘Parade ma pangananku. Pakean na ias ma pake jana jagoi au hatiha mangan minum au; dung sidung, i pe anso mangan ho.’

SURAT NI SI PAULUS TU PARLAGUTAN ROM 13:13

Angkon pantun do hita songon na somal dibaen halak di ari na torang, ulang ma marpesta godang marlobi-lobi, sanga mabuk. Ulang rorang, sanga marpangalaho na so ture. Ulang marbada-badai, sanga mangiburu.

SURAT NI SI PAULUS TU PARLAGUTAN ROM 8:19

Hara ni lungunna, sasudena na nitompa i painte-intehon do sanga andigan hatihana patidahonon ni Debata hasangapan ni angka dakdanakNia i.

1 KORINTUS 1:7

gabe nada adong be na hurang pasupasu di hamu, di na nipainte-intemunu Tuhanta Jesus Kristus ro jana idaon ni halak sudena.

1 KORINTUS 13:13

Jadi tinggal ma na tolu on: Haporsayaan, arop ni roha, dohot holong ni roha; tapi na gumodang sian na tolu i, holong ni roha do.

EPESUS 6:14

Tongtong ma hamu hobas! Pake hamu ma hasintongan songon bobatmunu, dohot hatigoran na songon baju bosimunu.

KOLOSSE 3:4

Kristus do ngolu na so mantak di hamu jana muda ro Ia saulahon patidahon diriNia, dohot muse ma hamu rap dohot Ia di bagasan hasangapanNa i!

2 TESSALONIKA 1:7

Jana tu hamu angka na manjagit sitaonon saonnari – laing songon i muse tu hami – lehenon ni Debata ma halumbangan muda dung tarida Tuhan Jesus mijur sian banua ginjang rap dohot angka surusuruanNia na markuaso i

2 TIMOTEUS 4:5

Tapi haru songon i pe, ulang pola jabat dut rohamu marnida sanga aha pe na masa. Sobar ma ho di parkancitan, karejohon ma karejomu, songon parjamita ni Jamita Na Denggan i jana dalankon ma na nipaporsankon tu ho sadenggan-dengganna.

2 TIMOTEUS 4:8

Jana saonnari upa ni hamonangan i noma sipainteonku. Di Ari Parpudi, pasahaton ni Tuhan Panguhum na tigor i ma upa i tu au, angke di bagasan pardomuan na denggan do au mangolu dohot Debata. Jana nada hum au sajo na giot manjagit upa i, tapi dohot do sudena halak na sai malungun paintehon haroro ni Tuhan i.

IBRANI 10:35

Jadi hara ni i, ulang mandele hamu, angke muda togu do haporsayaanmunu, adong do upa na godang disi!

IBRANI 3:6

Tapi anggo Kristus, songon anak do di bagasNia. Jana hita do bagas i muda tongtong marmomos jana marpos ni roha paboa na jagitonta do sanga aha na niarop ni rohanta.

IBRANI 6:19

Arop ni rohanta i ma na gabe sitiopan na togu jana na pasonangkon rohanta di ngolu on, na dung masuk lalu tu pudi ni tire i.

IBRANI 9:28

Laing songon i do Kristus i, hum sanoli sajo do Ia nihaulkon songon haul laho manyesa dosa ni bahat halak. Ro dope Ia nian paduanolihon tapi nada mamorsan dosa be; na giot paluahon angka jolma na paintehon haroroNia noma.

1 PETRUS 1:10

Haluaan on do na nitangkasan dohot na nisihiran ni angka panurirang na paboahon hian taringot tu pasupasu i na giot lehenon ni Debata tu hamu.

1 PETRUS 3:15

Tapi di bagasan rohamunu, parbadia i hamu ma Kristus songon Tuhan! Jana angkon singkop do hamu tongtong laho mangalusi sanga ise na manyapai hamu taringot tu pos ni rohamunu di angka na niarop ni rohamunu sian Tuhan.

1 PETRUS 4:7

Na giot dapot ne ma ujung ni sasudena. Hara ni i, rajai hamu ma dirimunu jana torang ma rohamunu anso tarbaen hamu martangiang.

1 PETRUS 5:12

Na niurupan ni si Silas do au mambaen surat na pendek on tu hamu; huetong do ia sada dongan Kristen na burju. Hubaen pe surat on tu hamu na giot manyosoi hamu do dohot paposkon rohamunu, taringot tu asi ni roha ni Debata na sintong. Togu ma hamu marsitiopan tu asi ni roha i.

1 PETRUS 5:8

Angkon hobas do hamu jana jonggor! Angke Sibolis do musumunu. Songon singa do i na res pahae res pahulu na mangorong soroanna.

1 JOHANNES 3:3

Sude halak na mararop ni roha tuSia, dipaias ia ma dirina songon Ia na badia i.