1 PETRUS 1:12 - BIBEL JAMITA NA DENGGAN

¹² Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.

1 PETRUS 1:12 ပူးပေါင်းရင်းမြစ်များ

HARURUAR 25:20

Angkon paadop-adop do kerub na dua i jana angkon tutupon ni habongna i ma poti i.

PODA 1:23

Patinggil ma pinggolmu muda hupaingot ho. Lehenonku ma sipaingot na denggan jana ajarkononku parbinotoan tu ho.

JESAYA 32:15

Dilehen do tu hita Tondi sian ginjang. Jadi gabe napu ma tano na harsang jana angka ladang pe mangalehen suhana marlompit ganda.

JESAYA 53:1

“Ise ma porsaya tu barita na hami bege? Tu ise ma na dung dipataridahon kuaso ni Tuhan na gok sahala?

DANIEL 10:1

Di taon patoluhon dung mamarenta si Kores, raja ni halak Persia, dipaboa ma tona tu si Daniel na margoar muse si Beltsasar. Tutu do tona i salaho tu hasusaan na godang. Dung i ditiop ia ma hata i jana diparate-atehon ia ma parnidaan i.

DANIEL 12:13

Burju ma anggo ho Daniel lalu tu ujungna. Marujung ma ngolumu, tapi ngot ma ho mangulahi manjagit upamu di hatiha na parpudi.”

DANIEL 12:9

Dialusi ia ma, “Kehe ma ho saonnari Daniel, harana angkon bunihonon do angka hata on jana rahasiahonon do i lopus tu hatiha na parpudi.

DANIEL 2:19

Laing di borngin i dipaboa Debata ma tu si Daniel arti na di bagasan sada parnidaan. Jadi dipuji si Daniel ma Debata na di banua ginjang i.

DANIEL 2:22

Dibuka Ia do rahasia na lobi bagas. Diboto Ia do sude na tarjadi di bagasan hagolapan. Jana sinondang maringan di bagasan Ia.

DANIEL 2:47

Didok raja i ma, “Tutu do Daniel, gumodang do Debatami sian sandok debata. Guru diSia do sude raja, jana na margogo mambuka rahasia. Huboto pe na songon i, hara ni na bisa do ho patorangkon astuan ni rahasia on.”

DANIEL 8:13

Dung i hubege ma sahalak surusuruan mandok tu donganna, “Sadia honok mardalan sude na tarida di bagasan parnidaan i? Intap ni andigan dosa godang i manggontihon haul si ganop ari? Olat ni sadia honok do marlaku parnidaan on, i ma haul si ganop ari, hajahatan na mangagohon, inganan na badia na dung dilehen tentara banua ginjang i didege-dege?”

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

JOEL 2:28

“Dung salpu i sude, usehononKu ma tondingKu tu sude jolma. Jadi manyurirangi ma angka anak dohot borumunu, marnipi ma angka na ma tobangmunu maruli parnidaan ma angka naposobulungmunu.

AMOS 3:7

Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

MATEUS 11:25

Jadi didok Jesus ma hatiha i, “Ale, Amang, Tuhan ni langit dohot tano! Tarimakasi ma Hudok tu Ho dibaen dibunihon Ho do i sude di halak na malo dohot na pistar. Hum tu halak na so pola pistar do dipatidahon Ho i.

MATEUS 11:27

“Madung dipasahat Damang do tu Au, sandok na adong. Nada adong na mananda Anak i asing sian Damang. Nada adong muse na mananda Ama i asing sian Anak i, dohot tu halak na ra Jesus papatarkonsa.”

MATEUS 16:17

“Na martua do ho ale Simon anak ni si Junus!” ninna Jesus, “Harana nada jolma be na paboahon pangalaho i tu ho, tapi Damang na di banua ginjang i do.

MARKUS 16:15

Dung i didokkon Jesus ma tu halahi, “Kehe ma hamu tu sude portibi on. Baritahon hamu ma Jamita Na Denggan na sian Debata i tu sudena jolma.

LUKAS 15:10

Hudok ma di hamu! Laing songon i ma angka surusuruan ni Debata. Marjop ni roha ma halahi muda adong sada halak na jahat paubahon rohana.”

LUKAS 2:26

Madung dijagit ia baga-baga sian Tondi Parbadia, na paboahon tusia bahaso na so mate dope ia anggo so jolo diida ia Kristus na nimiahan ni Tuhan.

LUKAS 9:6

Kehe ma halahi mangaliati angka huta laho manjamitahon Jamita Na Denggan, jana pamalum angka na marnyae.

JOHANNES 15:26

Jadi ro ma Pangurupi na sian Ama i, na giot suruonKu tu hamu, i ma Tondi ni hasintongan na ro sian Ama i. Ia do na manyaksihon taringot tu Au.

BAENON NI ANGKA RASUL 10:44

Dompak na mandok hata i dope si Petrus, mijur ma Tondi Parbadia manggohi sudena halak na umbege barita i.

BAENON NI ANGKA RASUL 16:10

Dung dijagit si Paulus parnidaan i, manigor markobas ma hami anso kehe tu Makedonia. Angke putus do rohanami mandok, na nisuru ni Debata do hami manjamitahon Jamita Na Denggan i tu angka halak na disi.

BAENON NI ANGKA RASUL 2:33

Dipatuginjang do Ia tu inganan ditangan siamun ni Debata, laing dijagit Ia ma sian Ama i Tondi Parbadia na dung nijanjihon hian. Tondi i ma na niusehon saonnari tu hami, jana i ma na nibege dohot na niidamunu angka dongan saonnari.

BAENON NI ANGKA RASUL 4:31

Dung sidung na martangiang i, humutur ma bagas inganan ni halahi i. Digohi Tondi Parbadia ma halahi sude, mamungka ma halahi puluk sajo manjamitahon barita na sian Debata.

BAENON NI ANGKA RASUL 4:8

Dialusi si Petrus na nigohan ni Tondi Parbadia i ma, “Hamu angka tuan pamimpin ni bangso on, dohot angka hatobangon!

BAENON NI ANGKA RASUL 8:25

Dung dilehen halahi hasaksian dohot jamita na sian hata ni Tuhan i, mulak ma si Petrus dohot si Johannes mangulahi tu Jerusalem. Di tonga dalan i dijamitahon halahi ma Jamita Na Denggan i di angka huta ni halak Samaria.

SURAT NI SI PAULUS TU PARLAGUTAN ROM 1:15

Hara ni i ma umbaen na por sajo rohangku mamaritahon Jamita Na Denggan i dohot tu hamu angka dongan na maringanan di Rom on.

SURAT NI SI PAULUS TU PARLAGUTAN ROM 1:17

Harana di bagasan ni i dipapatar do hatigoran ni Debata, na sian haporsayaan tu haporsayaan, songon na dung tarsurat, “Halak na tigor sian haporsayaanna, i do na giot mangolu.”

SURAT NI SI PAULUS TU PARLAGUTAN ROM 10:15

Tapi songon dia ma he halahi manjamitahon, muda nada disuru? Songon na tarsurat i, “Denggan na i haroro ni sioban Barita Na Denggan i!”

SURAT NI SI PAULUS TU PARLAGUTAN ROM 15:19

na nidonganan ni angka tanda hahomangan na sian gogo ni Tondi Parbadia do sudena i. Madung sudena hubaritahon Jamita Na Denggan sian Kristus i tu angka jolma, mamungka sian Jerusalem lopus tu Ilirikum.

1 KORINTUS 2:10

Hape madung dipaboa Debata tu hita sangkapNia i markite-hite TondiNia. Didodo Tondi i do sasude, lopus tu angka na buni na dibagasan Debata.

2 KORINTUS 1:22

Domu tusi, madung dilehen Ia tu hita tanda paboa na Ia nampuna hita jana dilehen Ia maringanan TondiNia di bagasan rohanta na gabe jaminan ni sasudena na nipasingkopNia i di hita.

2 KORINTUS 6:6

Hami patuduhon do na tutu hami pangoloi ni Debata di habuluson ni rohanami, di parbinotoan di hasobaron dohot di denggan ni rohanami. Di bagasan Tondi Parbadia dohot sian holong ni roha na ias,

GALATIA 1:12

Nada sian jolma hujagit jamita i, jana nada adong sahalak pe na mangajarkon i tu au. Jesus Kristus sandiri do na patangkaskon i tu au.

GALATIA 1:16

Dipatidahon Debata do AnakNia i tu au jana markite-hite au anso nijamitahon Jamita Na Denggan taringot tu AnakNa i tu halak na so Jahudi. Nada pola mangido tahi au sanga na tu ise disi.

EPESUS 3:10

On do maksud ni Debata disi: anso saonnari, sude na maniop kuaso di awang-awang i mamboto hamaloon ni Debata di sude ragam rupa ni pangalaho markite-hite parlagutan i.

1 TESSALONIKA 2:9

Tontu laing tangkas dope diingot hamu ale angka dongan, na marsitutu be do hami markarejo. Karejo do hami arian na borngin anso ulang susa hami baen sanga ise sian hamu salolot na mamaritahon Jamita Na Denggan na sian Debata i hami tu hamu.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

IBRANI 11:13

Di bagasan haporsayaan i, madung mate halahi sude. Nada dijagit halahi dopena janji i, tapi di tatap halahi do i sian na dao. Jadi pos jana jop do roha ni halahi marnidasa, jana dioku halahi do, bahaso pangaranto dohot paisolat do halahi di tano on.

IBRANI 2:4

Tamba ni i, dohot do Debata pagomoskon hasaksian ni angka halahi di na nibaenNia ragam-ragam ni hahomangan bope angka pangalaho na luar biasa bope dohot na mambagi-bagihon angka hamaloan hapunjungan na sian Tondi Parbadia marguru tu hagiot ni Debata sandiri.

IBRANI 4:2

Harana madung dipaboa tu hita Jamita Na Denggan i laing songon na tu halahi. Hape anggo di halahi nada marguna jamita i. Angke di na nibege ni halahi jamita i, nada dijagit halahi i mardongan haporsayaan tu Debata.

1 PETRUS 1:25

tapi anggo hata ni Debata hot do salolot-lolotna.” Jamita na Denggan do hata na dung dijamitahon i tu hamu.

1 PETRUS 4:6

Hara ni i muse ma umbaen na nijamitahon muse Jamita Na Denggan i tu angka jolma na dung mate. Anso niuhum halahi haru pe na dung mamolus hamatean halahi – laing songon jolma na asing i sasudena – harana anggo di pangalaho partondion laing na mangolu do halahi sian hangoluan ni Debata sandiri.

HALUMBAAN 5:11

Dung i manaili ma au mangulahi. Hubege ma sora ni surusuruan na marribu-ribu dohot na marjuta-juta bahatna! Jongjong ma halahi humaliang habangsa i dohot humaliang mahluk siopat-opat i dohot angka pangituai i.