1 PETRUS 1:11 - BIBEL JAMITA NA DENGGAN

¹¹ Ditangkasi halahi do sanga na bia dohot andigan hamamasa ni na nidok ni Tondi Ni Kristus i, na adong di bagasan halahi. Dipaboa Tondi i hian do hatiha i tu halahi taringot tu angka parkancitan na angkon taonon ni Kristus dohot taringot tu hagodanganNia na giot ro dung salpu parkancitanNia i.

1 PETRUS 1:11 ပူးပေါင်းရင်းမြစ်များ

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

ZAKARIA 14:9

Jadi mamarenta ma Tuhan gabe raja di sandok portibi on; sombaon ni ganop jolma ma Ia songon Debatana jana tandaon ni halahi ma Ia di bagasan goar na sarupa.

MATEUS 26:24

Tutu nian, angkon kehe do Anak Ni Jolma i songon na dung tarsurat hian di Buku Na Badia i paboa na angkon mate Ia. Tapi marjaya ma halakna i na manghianat tu Anak Ni Jolma i! Sugari gumonan hian do indangkon sai jungada ia sorang!”

LUKAS 24:44

Dung i mandok hata ma Ia tu halahi ning Ia ma, “Angka on ma na Hupaboa hian di hamu, dompak rap dope Au dohot hamu, angkon tarjadi do sudena sanga aha na tarsurat taringot tu Au di angka Buku Ni si Musa dohot buku ni angka panurirang dohot Masmur i.”

JOHANNES 12:41

Songon i do didok si Jesaya, harana madung diida ia hasangapanNia jana na mangkobari ia taringot tuSia.

BAENON NI ANGKA RASUL 16:7

Dung lalu halahi di parbalohan ni Misia dirohahon halahi ma anso masuk nian tu Bitinia, hape dilarang Tondi Ni Jesus do halahi tusi.

SURAT NI SI PAULUS TU PARLAGUTAN ROM 8:9

Tapi anggo hamu ale angka dongan, nada mangihutkon bako ni jolma hamu mangolu. Mangihutkon Tondi do hamu mangolu, muda tutu Tondi Ni Debata mangingani dirimunu. Sanga ise na so maruli Tondi Ni Kristus, nada Kristus nampuna ia.

GALATIA 4:6

Dibaen dakdanak ni Debata do hamu, disuru Debata muse ma Tondi Ni AnakNia i masuk tu bagasan rohanta, i ma Tondi na pio-pio, “Abba, ale Amang.”

2 PETRUS 1:21

Angke nada adong halak na tarbaen paboahon barita na sian Debata taringot tu angka na giot tarjadi saulahon, anggo sian dirina sandiri. Tondi Parbadia sandiri do na mangajari halahi paboahon barita na sian Debata i.

HALUMBAAN 19:10

Tungkap ma au di jolo ni surusuruan i giot marsomba tusia, tapi ning ia ma mandok tu au, “Ulang! Ulang pola marsomba ho tu au, Debata ma somba! Harana au pe laing naposo do songon ho jana sarupa dohot angka donganmu na marhasaksian taringot tu Jesus.” Somba ma Debata, angke anggo hasaksian taringot tu Jesus, i ma tondi hasurirangon.