1 KORINTUS 9:8 - BIBEL JAMITA NA DENGGAN

⁸ Aha na hupajojor on nada hum sian pikiran ni jolma sajo. Nada he didok Tona i do songon i?

1 KORINTUS 9:8 ပူးပေါင်းရင်းမြစ်များ

JESAYA 8:20

Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

SURAT NI SI PAULUS TU PARLAGUTAN ROM 3:31

Muda songon i, na mangagohon Tona i do lakna hami markite-hite haporsayaan i? Dao ma i! Tapi hami pajongjong do Tona i.

SURAT NI SI PAULUS TU PARLAGUTAN ROM 3:5

Tapi muda mur tarida na tigor Debata hara ni na tabaen na so tigor, aha ma na tardok hita? Na geduk ma he lakna Debata muda diparo Ia rimasNia? (Mangihutkon hata ni jolma do na hudok i.)

SURAT NI SI PAULUS TU PARLAGUTAN ROM 6:19

Mangihutkon hasomalan ni jolma do mangkatai au dohot hamu, anso ummura astuanmunu. Songon na dipasahatmunu na jolo goar-goaran ni pamatangmunu tu na mangoloi hahodaran dohot hajahatan na maroban hamu tu hahodaron, laing songon i saonnari pasahat hamu ma goar-goaran ni pamatangmunu gabe hatoban ni hatigoran, jana anso gabe badia ma hamu.

1 KORINTUS 14:34

Songon na masa di sude parlagutan ni halak na badia, angkon hohom do angka dadaboru di bagasan parlagutan. Nada tola halahi manghatai, tapi angkon unduk do halahi songon na nidok ni Tona i.

1 KORINTUS 7:40

Tapi laing maruntungan dope ia muda inda marbagas mangulahi. Pandapotku sandiri do anggo i, tapi huhilala adong do Tondi Ni Debata di au.

GALATIA 1:11

Angkon botoonmunu do ale dongan, anggo Jamita Na Denggan na hujamitahon i nada sian jolma haroro ni i.

1 TESSALONIKA 2:13

Adong dope sada nari pangalaho na mambaen hami angkon tongtong mandok tarimakasi tu Debata. I ma, hara ni panjagitmunu di jamita na sian Debata dompak hami jamitahon tu hamu. Nada songon jamita na sian jolma i dijagit hamu tapi songon jamita na sian Debata do. Jana na sian Debata do i tutu! Na markarejo do hata ni Debata di bagasan dirimunu na mangkaporsayai Kristus.

1 TESSALONIKA 4:8

Hara ni i, sanga ise na manulak pangajaran on nada jolma be na nitulakna, tapi na manulak Debata na mangalehen TondiNa na badia i do tu hamu.