1 KORINTUS 9:7 - BIBEL JAMITA NA DENGGAN

⁷ Adong ma he tentara na kehe marporang, angkon laing jalahannia muse balanjonia sandiri? Nada adong halak na manyuan anggur di kobunna hape nada dipangan ia sian suha ni kobunna i! Nada adong parmahan biri-biri na so manginum susu ni pahan-pahananna i!

1 KORINTUS 9:7 ပူးပေါင်းရင်းမြစ်များ

PODA 27:18

Sanga ise na marsuan-suanan panganonna do parbatuna. Dipasangap do pangoloi muda dioloi do tuanna.

PODA 27:27

Sian angka hambengmu na asing i dapot ho do susu di ho dohot di pangisi ni bagasmu maradu di angka pangoloimu.

ENDE NA GODANG 8:12

Haru pe sabahat-bahatna hepeng ni si Salomo dohot angka pamola nada parduli au disi angke adong do kobun anggurku sandiri.

JESAYA 7:22

Susu ni pahan-pahanan i pe madung lobi sian na tuk laho manggohi haporluan ni partani i tu haporluanna hara ni hurangna bahat ni jolma na mangingani luat i. Tutu do, sanga na piga-piga halak nari na tading di luat i mangan susu ma dohot aer ni loba.

BAENON NI ANGKA RASUL 20:28

Antong jagohon hamu ma dirimunu dohot sude habanan i, harana madung dipabangkit Tondi Parbadia hamu gabe parmahan. Parmahani hamu ma parlagutan ni Tuhan i, na nibaen gabe nampunaNia markite-hite mudarNia sandiri.

PANGARATAION 18:8

Angkon dos do jagitonnia bahat ni panganon laing songon angka malim na asing, saasing ni bagianna sandiri sian ompunia, gabe nampunania do i.”

PANGARATAION 20:6

Adong do dison na baru manyuan kobun anggurna jana na so sanga dope mamutik parbatu ni anggurna i? Muda adong do, angkon mulak do ia. Angke muda hona bunu ia di parporangan, gabe halak na asing noma antong na mandai aek ni anggurnia i.

1 TIMOTEUS 1:18

Pos do rohangku pasahatkon karejo on tu ho, ale Timoteus anakku, hombar tu na nisurirangkon taringot tu ho, anso dipargogoi panurirangon i ho mangkarejohon pambaenan na denggan,

1 TIMOTEUS 6:12

Situtui ma mamorangkon na nihaporsayaanmi jana sai parayak ma ngolu na so mantak i. Angke tusi do ho dipiohon Debata di na niokumu di jolo ni halak na bahat paboa na porsaya ho tu Kristus.

2 TIMOTEUS 4:7

Anggo au madung hudohoti parlumbaan i sadenggan-dengganna, jana madung lalu tu ujung, jana madung humomosi do haporsayaan i.

1 PETRUS 5:2

anso parmahani hamu punguan ni biri-biri ni Debata na nipasahat tu hamu. Sonang ma rohamunu marmahani halahi songon na nihagiotan ni Debata, ulang ma borat rohamunu. Jana ulang ma hum hara ni na giot manjalahi labo baen hamu, tapi hara ni situtu ni rohamunu ma mangoloi.