1 KORINTUS 9:6 - BIBEL JAMITA NA DENGGAN

⁶ Sanga hum si Barnabas dohot au sajo do na angkon manjalahi balanjo sandiri?

1 KORINTUS 9:6 ပူးပေါင်းရင်းမြစ်များ

2 RAJA-RAJA 6:2

Jadi paloas ma hami kehe manaba hayu di lambung ni Batang aek Jordan, anso hami pajongjong inganannami disi.” “Denggan,” ning si Elisa.

NEHEMIA 10:36

Obanonnami ma anaknami siangkaan tu angka malim di Bagas Ni Tuhan laho pasahatkonsa tu Debata, songon na diaturkon ni Uhum. Laing pasahatonnami ma anak ni lombu, anak ni biri-biri sanga anak ni hambengnami na parjolo sorang.

BAENON NI ANGKA RASUL 11:22

Lalu do angka barita taringot tu angka na masa on lopus tu parlagutan na di Jerusalem. Jadi gabe disuru halahi ma si Barnabas tu Antiokia.

BAENON NI ANGKA RASUL 13:50

Tapi dijajang halak Jahudi i ma angka dadaboru sian halak na sangap angka na mangkabiari Debata. Dipatubu halahi ma goyak ni roha mida si Paulus dohot si Barnabas, jana dipaorot halahi ma halahi na dua sian luat i.

BAENON NI ANGKA RASUL 14:12

Dung i digoari halahi ma si Barnabas, si Zeus jana si Paulus digoari halahi Hermes, harana ia do antong na sai mangkatai.

BAENON NI ANGKA RASUL 18:3

gabe rap ma halahi sainganan jana rap karejo ma halahi, harana sarupa do pangomoan ni halahi dohot si Paulus, i ma pature abit tenda.

BAENON NI ANGKA RASUL 4:36

Laing songon i ma dibaen si Josep, na nigoaran ni angka rasul i si Barnabas (astuanna Si Pangapoi). Marga Levi do i na sorang di Pulo Siprus.

1 KORINTUS 11:16

Jadi muda adong barang ise na giot manangkang, nada hasomalannami sanga angka parlagutan ni Debata mambaen na songon i.

2 KORINTUS 11:8

Jadi huhorus do parlagutan na asing jana hurugii baen balanjongku anso markarejo au di hamu!

1 TESSALONIKA 2:9

Tontu laing tangkas dope diingot hamu ale angka dongan, na marsitutu be do hami markarejo. Karejo do hami arian na borngin anso ulang susa hami baen sanga ise sian hamu salolot na mamaritahon Jamita Na Denggan na sian Debata i hami tu hamu.