1 KORINTUS 9:1 - BIBEL JAMITA NA DENGGAN

¹ Nada he halak na malua au? Nada he rasul au lakna? Nada he madung huida Jesus, Tuhanta i? Nada he suha ni halojaonku do hamu di Tuhan i?

1 KORINTUS 9:1 ပူးပေါင်းရင်းမြစ်များ

BAENON NI ANGKA RASUL 13:2

Jadi sanoli dompak marsomba halahi tu Tuhan jana puaso, ro ma Tondi Parbadia tu halahi mandok, “Paasing hamu ma si Barnabas dohot si Saulus di Au, anso markarejo halahi di parkarejoan na Hutontuhon tu halahi.”

BAENON NI ANGKA RASUL 14:14

Dung dibege si Barnabas dohot si Paulus na giot baenon ni halahi i, diparsibakkon halahi ma pakean ni halahi marlojongi tu tonga-tonga ni halak na bahat i, marsurak ma halahi,

BAENON NI ANGKA RASUL 14:4

Tapi marsalisi pandapot ma halak kota i na sada tu na asing; adong na mamihak tu halak Jahudi, adong muse na mamihak tu rasul i.

BAENON NI ANGKA RASUL 23:11

Borngin na mangihut i ro ma Tuhan jongjong di lambung ni si Paulus mandok, “Papos ma rohamu! Madung dilehen ho hasaksian taringot tu Au di Jerusalem. Angkon laing saksihononmu ma songon i di Rom muse.”

BAENON NI ANGKA RASUL 9:15

Tapi didok Tuhan i ma tu si Ananias, “Kehe ma ho! Harana na dung Hupili do ia mangoloi Au, anso dijamitahon ia taringot tu goarKu tu sude angka bangso na asing dohot tu angka raja, songon i dohot tu halak Israel muse.

BAENON NI ANGKA RASUL 9:17

Si Ananias pe antong kehe ma tu bagas i jana dipayakkon ia ma tangannia tu si Saulus. Didok ia ma, “Ale Saulus, kahanggingku, Tuhan Jesus na niidami di tonga dalan laho tuson ho, Ia do na marsuru au mandapotkon ho anso marnida ho mangulahi jana digohi Tondi Parbadia.”

BAENON NI ANGKA RASUL 9:3

Di tonga dalan i laho tu Damaskus marayak kota i, ompot ma ro sada sinondang na mamincar sian langit humaliang si Saulus.

BAENON NI ANGKA RASUL 9:5

“Ise dehe Ho Tuan?” ning si Saulus manyapai. Mangalusi ma sora i, “Au ma da Jesus, na niparkancitanmi.

SURAT NI SI PAULUS TU PARLAGUTAN ROM 1:1

Sian si Paulus, naposo ni Kristus Jesus, na dipio gabe rasul jana disuru laho mambaritahon Jamita Na Denggan na sian Debata.

SURAT NI SI PAULUS TU PARLAGUTAN ROM 1:5

Markite-hite Ia do hami jagit asi ni roha dohot karejo ni rasul laho manogu-nogu angka bangso anso porsaya halahi jana mangoloi goarNia.

SURAT NI SI PAULUS TU PARLAGUTAN ROM 11:13

Hudok ma tu hamu, ale angka bangso na so Jahudi. Rasul ni angka bangso na so Jahudi do au, jana huetong do i gabe hasangapan ni pangoloionku.

1 KORINTUS 1:1

Sian si Paulus, hara ni hagiot ni Debata dipio gabe rasul ni Kristus Jesus, dohot sian si Sostenes donganta;

1 KORINTUS 10:29

Nada taroktokmunu na hudok, tapi taroktok ni halahi do na hudok. Aropku adong do deba na marsapa, “Na bia dehe, biasi pola angkon marguru tu taroktok ni halak na asing iba?

1 KORINTUS 10:30

Anggo nidok do tarimakasi tu Debata laho mangan sipanganon iba, biasi pola angkon mangincahi halak tu iba hara ni panganon i, hape hudok do tarimakasi tu Debata hara ni sipanganon i?”

1 KORINTUS 11:16

Jadi muda adong barang ise na giot manangkang, nada hasomalannami sanga angka parlagutan ni Debata mambaen na songon i.

1 KORINTUS 3:6

Au manyuan jana si Apollos ma manyiram, tapi anggo na patubuhon laing Debata do.

1 KORINTUS 9:19

Nada hatoban ni halak au; halak na malua do au. Tapi haru songon i pe, hubaen do au gabe hatoban ni sude halak. Hubaen pe songon i anso tarhamonangkon au do halak sabahat-bahatna di Kristus i.

2 KORINTUS 10:7

Angkon botoonmunu sugari pangalaho na satutuna. Muda dihaposi roha ni sada halak do nampuna ni Kristus ia, dipareso ia ma mangulahi dirinia jana diboto ia ma, hami pe laing nampuna ni Kristus do songon ia.

2 KORINTUS 11:5

Nada bagi na tumoruk au huhilala martimbangkon “angka rasulmunu” na luar biasa i!

2 KORINTUS 6:1

Tapi songon dongan saparkarejoan do hami podai hamu, gomos ma hami pangido tu hamu, ulang ma parsayang hamu hadengganan ni roha ni Debata i.

GALATIA 1:1

Sian Rasul Paulus, dohot sian sude dongan na rap dohot au, tu angka parlagutan na di Galatia. Gabe rasul pe au, nada hara ni na nibaen ni jolma sanga markite-hite jolma, tapi markite-hite Jesus Kristus dohot Debata Ama na dung pangoluhon Ia mangulahi sian hamatean.

GALATIA 5:1

Saonnari madung bebas hita, hara ni na dung dipalua Kristus hita! Hara ni i partahankon hamu ma habebasonmunu i jana ulang be ra hamu mangulahi diparhatoban.

1 TESSALONIKA 2:6

Jana nada jungada hami jalahi pujian sian jolma – sanga sian hamu bope sian halak na asing. Songon rasul ni Kristus anggo satutuna, tola sajo do pangidoonnami sanga aha na porlu sian hamu.

1 TIMOTEUS 2:7

Jana hara ni i ma umbaen na nisuruNia au mandapotkon angka halak na so Jahudi laho manjamitahon tu halahi barita taringot tu haporsayaan ni halak Kristen na tutu. Tutu do na hudokkon on, nada margabus au disi.

2 TIMOTEUS 1:11

Laho manjamitahon Jamita Na Denggan i do dipabangkit Debata au gabe rasul dohot pangajari.