1 KORINTUS 8:9 - BIBEL JAMITA NA DENGGAN

⁹ Tapi jamot ma hamu anso ulang jabat gabe batu partuktuhan tu halak na asing hara ni na tola hamu mambaen sanga na aha, hara ni na so togu dope pos ni roha ni halahi.

1 KORINTUS 8:9 ပူးပေါင်းရင်းမြစ်များ

JESAYA 35:3

Pargogoi ma tangan na gale, patogu ma dugul na hitir-hitir.

JESAYA 57:14

Adong ma na mandok: “Buka ma, buka ma, parade ma dalan, angkati hamu ma batu partuktuhan sian dalan ni bangsongKu.”

JEHESKIEL 14:3

“Ale anak ni jolma, na dung dipasahat ni angka jolma on do ngoluna tu gana-ganaan gabe julung halahi tu bagasan dosa. Dia dope dalanna umbaen tu Au halahi marsapa?

JEHESKIEL 44:12

Tapi hara ni na dung dohot halahi mandalankon parsombaan ni gana-ganaan di bangso Israel jana i ma dalanna umbaen na dohot tarsarat bangso i tu dosa, jadi gabe Husumpahon ma, Au Tuhan Debata manyumpahon, angkon manaon uhuman ma halahi.

HAMALIMON 19:14

Ulang burai na maingol, jana ulang baen sanga aha tu jolo ni halak na mapitung anso tartuktuk ia. Habiari ma Au, Au do Tuhan Debatamu.

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

SURAT NI SI PAULUS TU PARLAGUTAN ROM 15:1

Anggo hita na margogo, angkon manaon hagaleon ni angka na so margogo do. Ulang ma tajalahi hasonangan ni dirinta sandiri.

1 KORINTUS 10:24

Ulang ma adong hum na pareso tu dirina sajo. Ganop be ma manggogo patupa haporluan ni dongan na asing.

1 KORINTUS 10:28

Tapi muda adong mandok tu hamu, “Anggo sipanganon on, na dung nihaulkon do on tu gana-ganaan,” ulang pangan hamu sipanganon i be hara ni haporluan ni halahi bope hara ni sora ni taroktok.

1 KORINTUS 10:29

Nada taroktokmunu na hudok, tapi taroktok ni halahi do na hudok. Aropku adong do deba na marsapa, “Na bia dehe, biasi pola angkon marguru tu taroktok ni halak na asing iba?

1 KORINTUS 10:32

Denggan ma baen hamu ngolumunu anso ulang jabat mardosa halak na asing hara ni hamu; sanga di halak Jahudi, sanga pe di halak na so Jahudi sanga pe di parlagutan ni Debata.

1 KORINTUS 8:10

Harana muda adong halak na gale panggora ni rohana mangaligi ho na “marparbinotoan” topet juguk mangan di bagas parsombaan tu gana-ganaan, nada he gabe tartarik rohania gabe puluk ia mangankon sipanganon na dihaulkon tu gana-ganaan i?

1 KORINTUS 8:12

Jana muda dibaen hamu hasalaan na songon i maradopkon angka donganmunu Kristen na asing i, na manyego-nyego pos ni rohana na gale i do hamu disi, jadi sarupa tu na mardosa maradopkon Kristus do i.

1 KORINTUS 9:22

Muda di tonga-tonga ni angka na so togu dope pos ni rohana, hubaen do au tarsongon halak na so togu dope pos ni rohana anso dapot au halahi di Kristus. Hara ni i, anggo au gabe songon na marragam-ragam ma pangalahongku tu sudena halak, anso sian dalan na marragam i tarbaen au paluahon halahi deba.

2 KORINTUS 11:21

Songon na ila do rohangku mandok na magaletu hami laho mambaen songon i. Tapi muda adong halak na puluk pagodang diri, au pe puluk do mambaen songon i. (Songon halak na oto do au mandok on.)

2 KORINTUS 11:29

Muda adong na gale, nada he gabe dohot do au gale? Muda adong na madabu tu dosa, nada he magopu do ate-atengku?

2 KORINTUS 6:3

Nada jungada hami baen batu partuktuhan tu sanga ise pe, anso ulang targora tohonannami i.

GALATIA 5:13

Na dung dipiohon do hamu angka dongan anso gabe halak na bebas. Tapi ulang ma hara ni na bebas hamu gabe dalan laho mangoloi giot-giotmunu na sai mardosa i. Tapi marsioloan ma hamu sama hamu hara ni holong ni roha.

KOLOSSE 2:8

Manat ma hamu, ulang jabat adong na manarik hamu markite-hite angka hapistaran ni jolma na so marguna, tapi hum na palilu-liluhon sajo. Nada sian Kristus angka hapistaran na songon i, tapi sian angka panurirangon ni jolma sajo do i dohot sian panarik ni angka tondi ni pangarajai ni portibi on.

1 PETRUS 2:16

Mardalan ma hamu di ngolu on songon halak na mardeka tapi ulang antong pake hamu ngolumunu na mardeka i laho manutup-nutupi hajahatan, tapi songon angka naposo ni Tuhan ma hamu na mangolu i.

2 PETRUS 2:19

Dijanjihon angka guru pargabus i ma haluaan di halahi, hape halahi sandiri pe na niparhatoban ni angka hasomalan na mangagohon jolma do – angke sanga ise na nitaluhon ni sanga aha, hatoban ni na manaluhon i do i.

HALUMBAAN 2:14

Tapi haru songon i pe, laing adong do piga-piga pangalaho na so dihagioti ni rohangKu di hamu: Adong deba sian hamu na mangihutkon pangajaran ni si Bileam. Diajari si Bileam do si Balak paoto-otohon halak Israel anso mambaen dosa, i ma na mangankon pelean na nihaulkon tu gana-ganaan dohot mambaen pangalaho na markarosuan.