1 KORINTUS 8:5 - BIBEL JAMITA NA DENGGAN

⁵ Bahat do nian na nidok ni halak debata dohot tuhan; sanga na di langit an pe i, sanga na adong di ginjang tano on pe.

1 KORINTUS 8:5 ပူးပေါင်းရင်းမြစ်များ

JEREMIA 11:13

Sun do bahatna debata ni halak Juda, sarupa dohot bahat ni kota ni halahi. Madung dipajongjong halak Jerusalem angka langgatan sabahat ni angka dalan di kota Jerusalem, i ma parhaulan ni haul tu Debata Baal sihagigian i.

JEREMIA 2:11

Nada jungada sada bangso manggonti debatana haru pe i nian nada Debata na satutuna. Hape anggo bangsongKu ditulak do Au jana marsomba tu na so margogo mambaen bagi aha.

JEREMIA 2:28

Di dia ma he angka debatamunu na nipaturemunu i? Muda masa hasusaan suruhon ma halahi paluahon hamu, anggo tarbaensa do! O ale Juda, bahat ni angka debatamu sabahat ni angka kotamu!

DANIEL 5:4

Dipuji-puji halahi muse ma angka debata na nibaen sian sere, perak dohot tumbaga, bosi, hayu dohot batu.

MATEUS 27:17

Jadi hatiha marlagut sude halak na bahat i, disapai si Latus ma halahi, “Ise do dipangido rohamunu paluaonku di hamu? Si Barabbas do sanga Jesus na nigoaran Kristus?”

GALATIA 4:8

Najolo nada ditanda hamu dope Debata, jadi hara ni i ma umbaen na gabe hatoban hamu di angka kuaso na nidok ni halak songon debata hape nian nada tutu Debata.

PANGARATAION 10:17

Di ginjang ni sude debata do Tuhan Debatamunu i jana Tuhan ni sasudena tuan, Debata na tongam jana na markuaso do Ia jana angkon nioloan. Nada ra Ia marpihak jana nada ra muse Ia manjagit sisip.

2 TESSALONIKA 2:4

Sian ginjang ni rohana, mangalo ma ia jana pagincat diri di ginjang ni sude na nisomba ni jolma, sanga pe sude na nipardebata ni jolma. Salang Bagas Ni Debata pe juguhannia do jana baenonnia ma boa-boa tu halak na bahat sudena, mandok ia sandiri do Debata.