1 KORINTUS 8:1 - BIBEL JAMITA NA DENGGAN

¹ Taringot tu sipanganon na nihaulkon tu gana-ganaan ma saonnari. Jadi tutu do songon na nidok ni halak, “Na dung marparbinotoan do hita sude.” Tapi hamaloan laho mambaen anso pagodang diri do halak, hape nian anggo holong ni roha i laho padenggankon parrohaon ni halak do i.

1 KORINTUS 8:1 ပူးပေါင်းရင်းမြစ်များ

JESAYA 47:10

Aman dihilala ho di bagasan hajahatan, dipikir ho parbuatanmi nada haidaan. Dililuhon habisuhon dohot parbinotoan i do ho, gabe didokkon ho ma di bagasan rohamu, ‘Nada adong na asing sian au.’

JESAYA 5:21

Marjaya ma halahi hara ni na diambang dirina na bisuk jana na lobi pistar.

BILANGAN 25:2

Dioban angka dadaboru i ma halahi tu angka pesta, marhaul laho pasangapkon Debata Moab. Dipangan halak Israel ma panganon i jana dohot halahi manyomba Baal, debata

BAENON NI ANGKA RASUL 15:10

Antong, hara ni aha dehe umbaen na diujimunu Debata saonnari markite-hite na mangalehen boban na dokdok tu angka sisean on, hape salang angka ompunta i pe dohot hita sandiri so tolap padalankon i?

BAENON NI ANGKA RASUL 15:29

Ulang ma pangan hamu sipanganon na nihaulkon tu gana-ganaan, ulang pangan hamu mudar, ulang pangan hamu binatang na nisongkik, jana ulang ma adong sian hamu angka pangalaho na markarosuan. Muda dipadao hamu dirimunu sian angka pangalaho na songon i, na denggan noma baenonmunu. Horas ma di hamu, botima!”

BAENON NI ANGKA RASUL 21:25

Tapi anggo taringot tu angka bangso na asing na so Jahudi na dung gabe porsaya tu Jesus, madung hami tongos surat paboahon haputusannami tu halahi, na so tola halahi mangankon sipanganon na dung dipelehon tu gana-ganaan, nada tola mangan mudar, sanga mangan binatang na mate dipingkok, jana nada tola mambaen pangalaho na rogon,” ning halahi.

SURAT NI SI PAULUS TU PARLAGUTAN ROM 11:25

Hara ni i ale angka dongan, ulang ma didok rohamunu na dung pistar hamu, giotku nian botoonmunu ma hasimoon on. Madung songgop hatangkangon tu bangso Israel, lopus gok masuk bilangan ni angka bangso na asing.

SURAT NI SI PAULUS TU PARLAGUTAN ROM 12:16

Saroha ma hamu sama hamu, ulang jalahi hagodangan, tapi patoruk ma rohamunu tu haserepon, ulang ma etong hamu na pistar do hamu.

SURAT NI SI PAULUS TU PARLAGUTAN ROM 14:10

Antong, hamu ale angka dongan! Aha ma gunana muda dipasala hamu dongan sahaporsayaanmunu? Jana aha pola gunana lakna muda layas rohamunu mida halahi? Sasudena hita on, angkon mangadop tu Debata anso diuhumi.

SURAT NI SI PAULUS TU PARLAGUTAN ROM 14:14

Huboto do jana porsaya do au di bagasan Tuhan Jesus, na so adong sanga aha na hodar sian dirina humani; tapi gabe hodar ma i di sada-sada halak, muda hodar i dihilala ia.

SURAT NI SI PAULUS TU PARLAGUTAN ROM 14:19

Jadi hara ni i, siparayahanta do tongtong angka pangalaho na mambaen hasosonang jana na marsipadengganan.

SURAT NI SI PAULUS TU PARLAGUTAN ROM 14:22

Anggo haporsayaanmi, urusanmu sandiri ma i tu Debata. Sanga ise na manimbang dirina nada marsala di na nietong ni rohana dirina tigor, martua do halak sisongon i.

SURAT NI SI PAULUS TU PARLAGUTAN ROM 14:3

Sanga ise na so marimbar panganonna, ulang pola gabe layas rohania mida halak na marimbar sipanganonna; jana halak na marimbar sipanganonna, ulang ma antong disalahon ia angka na mangankon sasudena, angke salang Debata madung manjagit ia.

SURAT NI SI PAULUS TU PARLAGUTAN ROM 15:14

Hamu ale angka dongan! Pos do rohangku angkon bahat do angka pangalaho na denggan di hamu. Sasude do diboto hamu jana tarbaen hamu muse do marsiajar-ajaran na sada tu na sada nari.

1 KORINTUS 1:5

Gabe mamora do hamu taringot tu sudena pangalaho, dung Kristus nampuna hamu. Parbinotoanmunu pe madung bagas situtu taringot tu sude pangalaho jana malo muse do hamu mangajarkon parbinotoan i.

1 KORINTUS 10:15

Songon tu halak na marroha do au na mandok hata on tu hamu. Hamu sandiri ma nian manimbang pandohankon.

1 KORINTUS 10:28

Tapi muda adong mandok tu hamu, “Anggo sipanganon on, na dung nihaulkon do on tu gana-ganaan,” ulang pangan hamu sipanganon i be hara ni haporluan ni halahi bope hara ni sora ni taroktok.

1 KORINTUS 14:20

Hamu ale angka dongan! Ulang ma songon dakdanak parrohaonmunu. Taringot tu hajahatan, sugari laing tong ma hamu songon dakdanak na menek. Tapi anggo diparrohaon, gabe songon halak na dung impas godang ma hamu.

1 KORINTUS 15:34

Torang ma rohamunu jana ulang be mambaen dosa hamu. Adong dope sian hamu halak na so tangkas mananda Debata. Hudok pe songon i, anso maila do hamu di dirimunu.

1 KORINTUS 4:10

Gabe angka na oto do hami hara ni Kristus jana hamu angka na malo dibagasan Kristus! Hami angka na gale, hamu na gogo! Hami diincahi, anggo hamu dipapuji-puji!

1 KORINTUS 4:18

Madung adong deba sian hamu na marmoga-moga; harana ninna roha ni halahi, nada tulus be au mandapotkon hamu.

1 KORINTUS 4:6

Hamu ale angka dongan! Hara ni hamu, gabe tu si Apollos dohot tu au ma huhonahon i. Maksudna, anso sian tudosan na hami baen i, marsiajar hamu sian umpama na mandok, “Ulang ma dipikiri hamu taringot tu hamu lobi sian na tarsurat i.” Jadi muda songon i nada adong be sian hamu na ra marmoga-moga, hape halak na asing dilayasi.

1 KORINTUS 5:2

Haru ma songon i, hape laing pagodang-godang diri dope hamu. Angkon marsak ma hamu nian, jana paorotonmunu ma halak na marpangalaho sisongon i sian tonga-tongamunu.

1 KORINTUS 5:6

Nada denggan anggo na manggodang diri i hamu! Ning rohangku diboto hamu do pandohan on, “Saotik pe ragi i, gabe kombang do sude adonan i!”

1 KORINTUS 8:2

Sanga ise na mangetong dirina na dung bahat na binotona, anggo satutuna na so binotonia dope i sabagas-bagasna.

1 KORINTUS 8:4

Anggo taringot tu na mangankon sipanganon na dung nihaulkon tu gana-ganaan, taboto do, nada adong satutuna anggo na nigambarkon ni gana-ganaan i. Jana tangkas do taboto, anggo Debata hum sada sajo do; nada adong be na asing.

1 KORINTUS 8:7

Tapi nada sude halak umboto i. Adong dope halak na tarihot tu gana-ganaan, mangankon juhut songon na nihaulkon tu gana-ganaan, jana na gale dope panggora ni roha ni halahi. Hara ni i gabe dihodari ma panggora ni roha i.

EPESUS 4:16

Muda Ia do uluan na mamimpin hita, sude angka bagian ni pamatang i maraturan do sude parsusun ni i, na nipadomu-domu ni angka ruasna be na sada tu na asing. Jadi muda denggan do marsikarejohon karejona be angka anggota i songon na sapatutna, gabe mur magodang ma sude pamatang i jana mur margogo markite-hite holong ni roha.

KOLOSSE 2:18

Ulang hamu ra digorahon halak na paula-ula martoruk roha jana na manyomba angka surusuruan. Angka siginjang roha do sudena i hara ni angka pikiran ni halahi na marojahan tu portibi on. Na marguru tu angka parnidaanna do i,

HALUMBAAN 2:14

Tapi haru songon i pe, laing adong do piga-piga pangalaho na so dihagioti ni rohangKu di hamu: Adong deba sian hamu na mangihutkon pangajaran ni si Bileam. Diajari si Bileam do si Balak paoto-otohon halak Israel anso mambaen dosa, i ma na mangankon pelean na nihaulkon tu gana-ganaan dohot mambaen pangalaho na markarosuan.

HALUMBAAN 2:20

Tapi anggo taringot tu pangalaho na sada on, nada jop rohangKu mida hamu: Dilehen hamu do rohamunu tu si Isebel dadaboru na mangoku dirina i suruan ni Debata. Madung miduk sian angka naposongKu na niajarannia dohot na nipaoto-otonia anso markamainan dohot mangankon sipanganon na nihaulkon tu gana-ganaan.