1 KORINTUS 7:7 - BIBEL JAMITA NA DENGGAN

⁷ Anggo satutuna nian, gumonan do didok rohangku sugari songon au on sudena halak. Tapi bia ma baenon, paasing-asing be do silehen-lehen na nijagit sian Debata. Deba songon on do hasurungan na nijagitna, hape na asing nada songon i.

1 KORINTUS 7:7 ပူးပေါင်းရင်းမြစ်များ

PAMUNGKAAN 30:34

Dialusi si Laban ma, “Satuju ma au disi! Songon na nidokmi ma tabaen!”

BAENON NI ANGKA RASUL 26:29

“Sigop sanga na lolot, hutangiangkon do tu Debata anso gabe porsaya hamu sudena na umbege hatangkon sadari on, raja i dohot angka ama na dison anso gabe songon au on – asing sian rante on!”

SURAT NI SI PAULUS TU PARLAGUTAN ROM 12:6

Laing songon i ma hita manjagit silehen-lehen na marasing-asing mangihutkon asi ni roha na dung dilehen tu hita. Halak na manjagit silehen-lehen anso manyurirangi, angkon karejohonon ma i mangihutkon haporsayaannia.

1 KORINTUS 12:11

Tondi na sada i sajo do mangkarejohon i sudena; dilehen do hasurungan tu sada-sada be marguru tu giot ni Tondi i sandiri.

1 KORINTUS 12:4

Marragam rupa do silehen-lehen sian asi ni roha ni Debata, tapi Tondi na sasada i do mangalehen i.

1 KORINTUS 7:8

Tu angka halak na so marripe bope tu angka na dung mabalu, songon on ma sipaingotku: Gumonan ma hamu indangkon marbagas songon au on.

1 KORINTUS 9:15

Tapi haru songon i pe nada unjung dope hupargunahon angka hak na songon i. Jana hubaen surat on nada anso dibaen songon i tu au saonnari. Gumonan do au mate ulang pado mago pangalaho na denggan na huhajopkon i.

1 KORINTUS 9:5

Nada he adong do haknami marbagas jana mardongan dadaboru di pardalanannami; laing songon rasul na asing, sanga songon angka anggi ni Tuhan dohot si Kepas?