1 KORINTUS 7:34 - BIBEL JAMITA NA DENGGAN

³⁴ jadi gabe mardua roha ma ia. Dadaboru na so marbagas, sanga bujing-bujing, taringot tu Tuhan do bahat pikiranna, harana giotnia ulang so Debata nian nampuna sude ngolunia. Tapi anggo dadaboru na marsaripe, dipasada do rohana tu angka na di tano on, harana sai giot pasonangonnia do roha ni halaklahinia.

1 KORINTUS 7:34 ပူးပေါင်းရင်းမြစ်များ

JOHANNES 10:13

Marlojong do parkarejo na niupaan i, angke hara ni na niupaan do ia antong umbaen na karejo; nada dipardulihon ia anggo biri-biri i.

SURAT NI SI PAULUS TU PARLAGUTAN ROM 6:13

Sada muse, ulang be pasahat hamu goar-goaran ni pamatangmunu tu kuaso ni dosa gabe parkokas laho mambaen angka na jahat. Tapi tu Debata ma pasahat hamu dirimunu songon halak na dung nipapinda sian hamatean tu hangoluan. Jana pasahat hamu ma sude goar-goaran ni pamatangmunu i tu Debata gabe parkokas laho mambaen angka na tigor.

1 KORINTUS 6:20

Madung ditobus Debata hamu jana lunas digarari Ia. Hara ni i, denggan ma pake hamu pamatangmunu i anso marsangap Debata.

1 KORINTUS 7:33

Tapi anggo halaklahi na marripe, bahat ma sipikiranna taringot tu na di tano on, harana sai giot pasonangkon roha ni daborunia i ma ia;

1 KORINTUS 7:35

Husurat pe songon i sudena, laho padenggankon hamu sandiri do, nada adong rohangku mangalarang on, sanga mangalarang i. Anggo giotku disi, anso tigor dohot na tama sajo sibaenonmunu, boti anso tarpasada hamu rohamunu tu Tuhan.

2 KORINTUS 11:28

Tamba ni i sudena, sai huarsakkon do ganop ari sude angka na masa di parlagutan i.

2 KORINTUS 8:16

Tarimakasi do hami dok tu Debata hara ni na dung mangalehen ringgas ni roha tu si Titus gabe songon hami laho mangurupi hamu!

PILIPPI 1:20

Hum on ma i na sai hupangidohon dohot na huaropkon: Ulang nian gabe so tulus sidung karejongku. Sai diarop rohangku do tongtong lumobi saonnari anso mur puluk au sian sudena roha bope pamatangku – sanga mangolu sanga na mate pe au – laing nipasangap ma Kristus.

1 TESSALONIKA 5:23

Debata pardame i ma paiaskon hamu sasudena, dipaburju Ia ma hamu anso hum tuSia sajo ngolumunu. Sai dijagohon Debata ma nian hamu sudena, di tondi, di roha bope pamatangmunu, anso ulang targora lopus tu ari haroro ni Tuhanta Jesus Kristus mangulahi.

1 TIMOTEUS 3:5

Angke muda so malo halakna i mangatur rumahtanggana sandiri, tarbia ma he baenonnia mangatur parlagutan ni Debata?

1 TIMOTEUS 5:5

Na mabalu boti na tarpunjung, jana na so adong sanga na ise na paturehonsa, hum tu Debata ma mararop roha dadaboru na songon i. Martangiang ma ia arian na borngin tu Debata mangido pangurupion.

TITUS 3:8

Tutu do sasudena sanga aha na hudok on. Jadi giotku, gomos ma dokkon taringot tu angka na hudok on, anso marsitutu angka na porsaya tu Debata patuluskon angka karejo na denggan na marguna tu sude halak.