1 KORINTUS 7:30 - BIBEL JAMITA NA DENGGAN

³⁰ halak na tangis, songon na so marsak ma rohana; halak na martata songon na so marjop ni roha ma ia; halak na manobusi, songon na so marnampuna;

1 KORINTUS 7:30 ပူးပေါင်းရင်းမြစ်များ

MASMUR 30:5

Angke hum santongkin sajo do muruk Tuhan, hadenggananNa do mardalan salolot iba di hangoluan. Saborngin sajo do au tangis, hape maroban hamogaan ma mataniari bincar.

PARJAMITA 3:4

Adong do hatihana tangis dohot hatihana martata; hatihana mangandungi dohot hatihana manortor.

JESAYA 25:8

AbiskononNia ma hamatean ro di salolot-lolotna! Apusan ni Tuhan Debata ma ilu-ilu sian ganop mata, jana padaoonNa habilean na nitanggung ni halakNia di sude portibi on. Madung didok Tuhan i songon i, angkon tulus do i tarjadi.

JESAYA 30:19

Ale hamu na maringanan di Jerusalem, nada sai mangandungi be hamu. Ibo roha ni Tuhan jana alusanNia ma hamu muda pio-pio hamu tuSia mangido tolong.

JEHESKIEL 7:12

Ro ne ma hatihana, ari na pe madung donok! Nada manutung bagi aha sipanobusi dohot sipanggadis, angke lingkupon ni uhum ni Debata noma sude jolma.

LUKAS 16:25

Tapi dialusi si Abraham ma, ‘Ingot ma amang: Dompak di ngolumu madung dijagit ho sude angka na denggan, hape anggo si Lasarus hum na jat do. Saonnari sonang ma ia dison, tapi anggo ho markancit ma.

LUKAS 6:21

Martua ma hamu na male saonnari, harana pabutongon ma hamu muse! Martua ma hamu angka na tangis saonnari, harana gabe martata ma hamu muse!

LUKAS 6:25

Marjaya ma hamu na butong saonnari on; harana, malean ma hamu! Marjaya ma hamu na martata saonnari on; harana, marsak ma rohamunu jana tangis.

JOHANNES 16:22

Laing songon i ma hamu: Susa ma rohamunu saonnari, tapi marsuo dope Au dohot hamu, gabe jop ma rohamunu; jana nada tarbuat sanga ise hajopjop ni roha i sian hamu.

1 KORINTUS 7:29

Tapi on do na hudok, hamu ale angka dongan: Otik noma hatiha di hita. Mamungka saonnari, sanga ise na marripe, songon na so marripe ma dibaen ia ngoluna;

1 KORINTUS 7:31

jana sanga ise na paurus-urus angka pangalaho na di tano on, songon na so karejo di angka na songon i ma nian ngoluna. Angke anggo portibi na adong saonnari on, salpu do i sude!

HALUMBAAN 18:7

Lehen hamu ma tusia parkancitan dohot pardangolan sabahat ni hasangapan dohot sinadongan na dung dirasoinia. Harana didok ia do di bagasan rohania, ‘Au do ratu na mamarenta! Nada na mabalu au, nada daionku hamarsahan!’

HALUMBAAN 7:17

angke Anak Ni Biri-biri na di tonga-tonga ni habangsa i noma na marmahani halahi. ToguonNia ma halahi tu mual ni aek haroroan ni hangoluan. Jana apusan ni Debata ma sude ilu-ilu sian mata ni halahi.”