1 KORINTUS 7:14 - BIBEL JAMITA NA DENGGAN

¹⁴ Harana gabe diparbadiai do halaklahi na so porsaya i markite-hite dadaborunia i, jana dadaboru na so porsaya i pe diparbadiai markite-hite halaklahinia. Sugari nada songon i, gabe ramun do angka dakdanakmunu, tapi anggo saonnari na badia do halahi.

1 KORINTUS 7:14 ပူးပေါင်းရင်းမြစ်များ

JESAYA 52:1

Jonggor ma, jonggor ma! Pake ma gogomu songon pakean ale Sion, pake ma pakean hamuliaonmi, ale Jerusalem kota na badia! Harana umpe sahalak na so disunat sanga na hodar nangkon masuk be tu ho.

BAENON NI ANGKA RASUL 10:23

Jadi disuru si Petrus ma halahi masuk, marborngin disi. Ancogotna i kehe ma si Petrus rap dohot halahi. Dohot muse do deba halak na porsaya sian Jope mangihutkon halahi.

SURAT NI SI PAULUS TU PARLAGUTAN ROM 11:16

Muda badia patumonaan i, na badia do muse sude sipanganon i; jana muda badia urat i, na badia do muse dangkana.

1 KORINTUS 7:13

Muda adong pe sada boru Kristen marbagas tu sada bayo na so porsaya tu Kristus, hape ra do bayo i mamake ia, nada tola tadingkonon ni daboru i halaklahina i.

1 TIMOTEUS 4:5

Angke pasupasu na sian Debata do dohot tangiang na nipasahat tu Debata mambaen gabe marguna angka sipanganon i.

TITUS 1:15

Ias do sude sanga aha pe anggo di halak na ias. Tapi anggo di halak na hodar pikiranna jana na so porsaya tu Debata, sada pe nada adong na ias, angke madung hodar pikiran ni halahi dohot taroktokna!