1 KORINTUS 7:11 - BIBEL JAMITA NA DENGGAN

¹¹ Tapi muda dung ditadingkon ia, angkon laing hot ma ia nada marhalaklahi, muda inda songon i mulak ma ia mangulahi tu halaklahinia i. Jana sada ama nada tola manyirangkon dadaboruna.

1 KORINTUS 7:11 ပူးပေါင်းရင်းမြစ်များ

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

JEREMIA 3:1

Didok Tuhan, “Muda disirangkon halaklahina sada dadaboru, lalu marbagas anak boru i tu bayo na asing, nada tola be halaklahina i humani mambuat dadaboru i mangulahi gabe ripena, angke pasego-segohon do pangalaho na songon i di luat on. Antong ho ale Israel, madung bahat sajo haholongan ni rohamu, biasi dope puluk ho mulak tu Au?

MATEUS 5:32

Tapi anggo saonnari Au mandok di hamu: Sanga ise na manyirangkon dadaboruna, asing ni na manyimbil dadaborunia i, bayo i do na mambaen gabe markarosuan dadaborunia i, muda marbagas ma anakboru i. Bayo na mambuat anakboru na songon i pe dohot do i markarosuan.”

MARKUS 10:12

Laing songon i muse do dadaboru na maninggalkon halaklahina gabe marbagas ia tu halaklahi na asing, ia pe na markarosuan do i.”

MARKUS 10:2

Jadi ro muse ma halak Parise tusi laho manjalahi hasalaan ni Jesus. Dibaen halahi ma sapa-sapa ni halahi on, “Dokkon ma jolo di hami, tola do halak manyirangkon dadaboruna?”

LUKAS 16:18

Angka halak na manyirangkon dadaboruna jana mambuat boru na asing ia, na mangalangkup do i. Jana halaklahi na mambuat dadaboru na dung disirangkon i pe, na mangalangkup muse do i.”

1 KORINTUS 7:10

Tu halak na marripe, songon on ma hudok: (Satutuna nada au na mangalehen parenta on, Tuhan i do.) Muda dung marbagas sada dadaboru, ulang be ditadingkon ia halaklahinia i.

1 KORINTUS 7:12

Tu angka na asing i, songon on ma sipaingotku: – anggo on sipaingotku sandiri do, nada sian Tuhan i – muda dialap sada bayo na Kristen sada boru na so porsaya tu Kristus, hape ra do daborunia i rap dohot ia, nada tola sirangkonon ni bayo i daborunia i.

PANGARATAION 22:19

Angkon mandangdangi muse do ia baenon ni halahi saratus hoping perak jana pasahatonnia hepengna i tu amang ni ripenia i, dibaen martilako sangap ni sada boru Israel dibaen ia. Tambana muse, hot do anak boru i ripenia jana nada tarsirangkon halaklahinia i ia salolot ia mangolu.