1 KORINTUS 6:9 - BIBEL JAMITA NA DENGGAN

⁹ Nada he diboto hamu do, anggo angka halak na so tigor nada dapotan bagian di Harajaan Ni Debata? Ulang ma hamu lilu! Halak na markarosuan, sioloi gana-ganaan, si pangalangkup, si pangalukluhi, si pandalus-dalus,

1 KORINTUS 6:9 ပူးပေါင်းရင်းမြစ်များ

PAMUNGKAAN 19:5

Pio-pio ma halahi tu si Lot jana disapai halahi ma, “Ma di dia halak na ro i na giot marborngin di bagasmon? Pasahat ma da tu hami anso hami pardadaboru halahi.”

HARURUAR 23:1

“Ulang hata-hatahon hamu angka carito gabus jana ulang urupi hamu halak na sala, jadi gabe saksi pargabus hamu.

PODA 11:1

Goyak do roha ni Tuhan di halak na mamake timbangan na geduk; tapi di timbangan na jujur do rohaNia sonang.

PODA 22:8

Halak na manyuan na so tigor, sabionna ma hamagoan, ujungna mago muse ma kuasona.

PODA 7:27

Muda kehe ho tu bagasna i, na mardalan tu hamatean na mamondut do i.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

JEHESKIEL 18:11

so unjung dibaen amangna i. Dipangan ia pelean na disombahon di angka inganan parsombaan ni angka debata. Digoda jana diangkupi ia modom dadaboru ni halak.

HAMALIMON 18:20

Ulang marcampur dohot dadaboru ni halak na asing, pangalaho na songon i mambaen ramun ho.

HAMALIMON 18:22

Nada tola pardadaboruon ni halaklahi donganna halaklahi, hagigian ni Debata do pangalaho na songon i.

HAMALIMON 19:15

Angkon tigor jana bonar do ho mandabu uhum di parkaro, ulang ampini na miskin di na so dalanna jana ulang mabiar ho mida halak na mora.

HAMALIMON 20:13

Muda adong sada halaklahi mambaen donganna halaklahi rap modom songon dadaboruna, halahi na dua rap mambaen karejo sihagigian, jadi halahi na dua angkon rap mate uhumon. Hamamate ni halahi, i ma hara ni sala ni halahi sandiri.

ZAKARIA 5:3

Jadi didok ia ma tu au, “On ma angka bura na ro maradopkon sude luat; harana marhite hata bura i ganop panangko na adong dison gabe malua ma sian uhuman, jana ganop halak na marsumpa pargabus pe laing malua do sian uhuman.

MATEUS 19:29

Angke sanga ise na maninggalkon bagasna, sanga kahanggina, sanga ibotona, sanga pe inangna dohot amangna, sanga dakdanakna, sanga sabana hara ni Au, saratus lompit ma jagiton ni halahi mangulahi. Nilehen muse dope disia hangoluan na so mantak.

MATEUS 25:34

Dung i dohonon ni Raja i ma hata tu angka na di siamunNia i, ‘Ro ma hamu angka na nipasupasu ni Damang. Masuk ma hamu tu bagasan harajaan na dung diparade di hamu mamungka sian na manompa portibi on.

LUKAS 21:8

Didok Jesus ma, “Jago ma hamu anso ulang tarpaoto-oto hamu. Angke bahat do halak na giot marroan mamake goarKu. Dokkonon ni halahi ma, ‘Au ma da Ia!’ dohot ‘Madung dapot hatihana.’ Ulang ihutkon hamu halahi.

BAENON NI ANGKA RASUL 20:32

Saonnari hupasahat ma hamu tu Debata, anso laing dipature-ture Ia hamu jana anso laing marsitiopan tu jamita na paboahon asi ni roha ni Debata i hamu. Markuaso do Debata laho patoguhon hamu bope laho mangalehen angka pasupasu na dung dipasingkop Ia tu halakNia sudena.

BAENON NI ANGKA RASUL 24:25

Tapi di na nipajojornia taringot tu haburjuon dohot hatomanon songon i dohot taringot tu Ari Parpudi, gabe mabiar ma si Peliks. Didok ia ma tu si Paulus, “Saonnari madung tola ho mulak. Hupio pe ho sanga andigan habolasan,” ning ia.

SURAT NI SI PAULUS TU PARLAGUTAN ROM 1:18

Dipapatar Debata do sian banua ginjang rimas ni rohaNia maradopkon sude dosa dohot hajahatan ni jolma, angke diambati hageduhon i do jolma laho mananda ajaran na tutu taringot tu Debata.

1 KORINTUS 15:33

Ulang jabat tarpaoto-oto hamu! Muda dipardongan hamu halak na jahat, gabe jahat muse do parangemunu na denggan i.

1 KORINTUS 15:50

Na hudok disi hamu angka dongan, on do: Anggo pamatang na dijadihon sian sibuk dohot sian mudar, nada tarbaen gabe parsidohot di Harajaan Ni Debata; pamatang na ra mate pe nada tarbaen gabe pamatang na manongtong.

1 KORINTUS 3:16

Diboto hamu dehe, na Bagas Ni Debata do hamu? Songon i muse na maringanan do Tondi Ni Debata di hamu?

1 KORINTUS 5:1

Satutuna madung lalu tu au paboahon na adong deba sian hamu marpangalaho na so ture; adong sian hamu na pardadaboruhon na nialap ni amangna. Hape halak na so mananda Tuhan pe nada ra mambaen na songon i!

1 KORINTUS 5:10

Na humaksud nada halak parhamainan sanga na songkal, sanga panipu, sanga na manyomba gana-ganaan na so mananda Debata saotik pe. Nada i na hudok; harana muda padaoonmunu noma halahi, tontu angkon morot noma hamu sian portibi on.

1 KORINTUS 5:11

Anggo na humaksud songon on do: Ulang pardongan hamu halak na mangoku dirina Kristen hape rorang halahi, sanga songkal, sanga pe sioloi gana-ganaan sanga na sai ra pabusuk-busuk dongan, sanga parmabuk sanga pe panangko. Hum sajuguhan pe mangan dohot halak sisongon i, ulang!

1 KORINTUS 6:10

angka panangko, na mangkaut tu diri dohot parmabuk, angka na sai ra manilakoi halak, dohot angka na mambuat sian halak na so bagianna – sude halak sisongon i nada dapotan bagian di Harajaan Ni Debata.

1 KORINTUS 6:18

Padao hamu ma dirimunu sian hahodaron. Angke sude dosa na asing i na nibaen ni jolma, di ruar ni pamatangna do i tarjadi. Tapi anggo halak na marhamainan, na mambaen dosa tu pamatangna sandiri do i!

1 KORINTUS 6:19

Sanga nada he diboto hamu, pamatangmunu do inganan ni Tondi Parbadia i? Sian Debata do pamatangmunu, jana nada hamu nampuna dirimunu.

1 KORINTUS 9:24

Tontu sude do hamu mamboto, anggo di na marsiadu hipas marlojong, sude do halak na dohot i marlojong, hape hum sahalak do anggo na manjagit upa. Antong sahipas-hipasna ma lojongi hamu anso dapot hamu upa i.

2 KORINTUS 12:21

Songon na biar do rohangku, betak sai dipatoruk Debata au di jolomunu muda hutopot hamu. Sak muse do rohangku, bahat sian hamu na mardosa hian nabaruon, patangiskon au hara ni na laing so ra muba jana laing so mantak halahi marpangalaho na so ture, na hodar dohot na so tama.

GALATIA 6:7

Ulang hamu ra dipaoto-oto! Nada sipargonjakkonon Debata! Sanga aha nisuan angkon laing i do sabion.

PANGARATAION 22:22

Muda tardapot sada halaklahi hatiha marcampur dohot dadaboru ni halak na asing angkon mate niuhuman do i dua-dua. Songon i ma dalanna baenonmunu mangagohon hajahatan i.

PANGARATAION 22:5

Angka dadaboru, ulang ma mamake pakean songon pakean ni halaklahi, jana halaklahi ulang ma marpakean songon pakean ni dadaboru, angke goyak do roha ni Tuhan Debatamu di halak na mambaen songon i.

PANGARATAION 23:17

Nada tola sada halak Israel, halaklahi sanga dadaboru na gabe panggampang di bagas pamelean ni angka debata na asing.

KOLOSSE 3:5

Hara ni i, matehon hamu ma angka hagiot ni portibi on na manyego-nyego dirimunu, i ma angka na mambaen na so ture, pangalaho na hodar, hisap ni sibuk, parhagiot na jahat, na songkal (halak na songkal sarupa do i dohot na marsomba gana-ganaan).

IBRANI 12:14

Usahahon hamu ma anso mardame-dame hamu tu sude halak jana manggogo ma hamu anso hum di Tuhan ngolumunu, harana sahalak pe nada adong na tarbaen mida Tuhan anggo inda songon i pardalan ni ngoluna.

IBRANI 12:16

Jagohon hamu ma anso ulang adong na gabe siparkamainan sanga na so mangargahon angka pangalaho na badia songon na nibaen ni si Esau. Digadis ia haknia songon anak siangkaan, hum hara ni samangkuk sipanganon.

IBRANI 13:4

Dipatuduhon ganop halak ma sangap di parsaripeonna, hara ni i angkon burju do na mardongan saripe tu donganna saripe i. Halak na markamainan dohot na mambaen na so ture adilan ni Debata do i.

JAKOBUS 1:16

Ulang hamu tarpaoto-oto, ale angka dongan!

1 JOHANNES 3:7

Hamu angka dakdanakku, ulang ma padiar hamu adong halak na mangaliluhon hamu. Barang ise na mangkarejohon hatigoran, na tigor do i, dos songon Kristus na tigor i.

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.

HAKIM-HAKIM 19:22

Dompak marsonang-sonang halahi, tompu ma dihobuk angka jolma na so ture na di kota i bagas i. Diburbari halahi ma pintu ni bagas i jana didok halahi ma tu na tobang-tobang i, “Pasahat tu hami bayo na niobanmi martamu tu bagasmi. Giot pakeonnami ia!”