1 KORINTUS 6:7 - BIBEL JAMITA NA DENGGAN

⁷ Ulang be nidok kehe marparkaro tu halak na so Kristen; hum parsalisian di tonga-tongamunu pe madung gabe hataluan i di hamu. Gumonan ma taon hamu pambaenan na jat i sanga dirugihon hamu!

1 KORINTUS 6:7 ပူးပေါင်းရင်းမြစ်များ

PODA 2:5

Muda songon i botoonmu ma sanga aha arti ni biar maradopkon Tuhan jana maruli parbinotoan ma ho taringot tu Debata.

PODA 20:22

Ulang nibaloskon hajahatan. Nihaporsayaan ma Tuhan, anso Ia paturehon.

HOSEA 10:2

Angka jolma parroha na geduk i, angkon taononna ma saonnari panginona i ni dosana i. Roncohonon ni Debata ma langgatan ni halahi i, jana rumpakkonon ma angka tugu ni gana-ganaan ni halahi.

LUKAS 19:8

Jongjong ma si Zakeus didok ia ma tu Tuhan i, “O Tuhan, satonga sian artangku hulehen ma tu halak na pogos; jana sanga ise na unjung hutipu, hugarar pe mangulahi tusia opat noli lompit!”

LUKAS 6:29

Muda ditampeleng halak sabariba hurummi, padiar muse ma ditampeleng ia hurummu na sabariba nari. Muda dirampas abitmu, lehen muse ma dohot bajumi.

1 TESSALONIKA 5:15

Jagohon hamu ma anso ulang adong sanga ise na mambaloskon hajahatan dohot hajahatan. Usahohon hamu ma anso tarbaen hamu na denggan sama hamu bope tu halak sudena.

1 PETRUS 3:9

Ulang ma baloskon hamu hajahatan alo ni hajahatan, sanga hata na panyaor-nyaorkon; tapi pasupasu ma pangidohon hamu balos ni i sian Debata tu halahi. Angke anso manjagit pasupasu do hamu umbaen na nipiohon ni Debata hamu.