1 KORINTUS 6:1 - BIBEL JAMITA NA DENGGAN

¹ Biasi adong sian hamu na puluk mandapotkon panguhum na so porsaya tu Tuhan mangaduhon donganna sahaporsayaan muda marbadai hamu dohot donganmunu i? Biasi inda dipangido ia anso angka halak na badia manyalosehon parkaro i?

1 KORINTUS 6:1 ပူးပေါင်းရင်းမြစ်များ

MATEUS 5:45

anso gabe dakdanak ni Amangmunu na di banua ginjang i hamu. Harana dipabincar Debata do mataniari tu halak na burju dohot tu halak na jahat pe. Diparo Ia do udan tu halak na tigor dohot tu halak na geduk roha.

BAENON NI ANGKA RASUL 19:38

Muda adong ma antong pangaduan ni si Demetrius rap dohot angka parkarejonia maradopkon halak, tu paruhuman do i pasahaton jana sai disi do angka panggomgomi.

1 KORINTUS 1:2

tu parlagutan ni Debata na di Korintus, i ma angka na diparbadiai di bagasan Kristus Jesus jana na nipiohon gabe angka halak na badia, dohot tu sude halak di sude ingananna, na mamiohon goar ni Tuhanta Jesus Kristus, i ma Tuhan ni halahi dohot Tuhanta.

1 KORINTUS 14:33

Na mangkagioti na taratur do anggo Debata; nada na mangkagioti hagaoron. Angke nada dihagioti Debata anggo hagaoron, tapi hasonangan i do.

1 KORINTUS 16:1

Saonnari taringot tu hepeng na giot silehononmunu ma tu angka donganta sahaporsayaan, anggo anjuranku tu hamu, baen hamu ma i songon na huanjurkon tu angka parlagutan na di Galatia.

1 KORINTUS 16:15

Adong dope sada nari pangidoanku tu hamu ale angka dongan. Diboto hamu do, anggo si Stefanus dohot donganna sabagas, i ma angka halak na parjolo porsaya di Akhaya, jana dipasahat do dirina mangoloi angka na porsaya.

1 KORINTUS 5:12

Anggo manguhumi halak na so Kristen, inda karejongku i. Debata sandiri ma mangadili halahi. Tapi angka anggota ni parlagutan, inda he hak ni parlagutan i sandiri do laho manguhumi angka sisongon i? Di Buku Na Badia i tarsurat do songon on, “Paorot hamu ma angka parjahat i sian tonga-tongamunu.”

1 KORINTUS 6:5

Paila-ilahon ma hamu songon i! Sai adong do sada-sada halak sian tonga-tongamunu na malo manyalosehon parsalisian ni angka donganta Kristen!