1 KORINTUS 5:5 - BIBEL JAMITA NA DENGGAN

⁵ angkon pasahatonmunu do halak na songon i tu Sibolis anso disegohon pamatangna i jana di na songon i paluaon ma tondina di na ro mangulahi Tuhan i.

1 KORINTUS 5:5 ပူးပေါင်းရင်းမြစ်များ

JOB 2:6

Jadi didok Tuhan ma tu Sibolis, “Antong, baen sajo ma sanga na aha tusia, asal ma ulang dibunu ho ia.”

MASMUR 109:6

Padiar ma halak na jurngit mangadili musungki jana diuhumi alona sandiri.

PODA 23:14

gabe malua noma gari ada.

HAMALIMON 13:21

Tapi di hatiha na nipareso ni malim i baro i, nada bontar be imbulu i, bope tihas i nada pola umbagas sian sibuk na humaliang i tapi mur bontar tompana, paasingon ni malim i ma inganan ni halahi pitu ari honokna.

MATEUS 4:10

Dialusi Jesus ma, “Morot ma ho, Sibolis! Angke tarsurat do, ‘Sombaonmu do Tuhan Debatamu, hum Ia sajo do oloanmu!’ ”

LUKAS 22:31

“Simon, Simon, tangihon jolo! Madung diisinkon Sibolis i laho manguji hamu sude, songon partani na mamiari dahanon sian guapak.

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

1 KORINTUS 1:8

Patoguon ni Kristus do rohamunu lopus tu ujungna, jadi muda ro Ia mangulahi, nada adong be na martihas di hamu.

1 KORINTUS 11:32

Tapi muda diuhumi Tuhan hita, ajaronNia ma hita, anso ulang hona uhum be hita rap dohot portibi on.

2 KORINTUS 10:6

Jana muda dung patu hamu sian sandok roha, madung singkop hami laho manguhumi sude halak na so unduk dope.

2 KORINTUS 12:7

Tapi ulang maginjangtu rohangku hara ni angka parnidaan na luar biasa i, gabe dilehen do saragam nyae di pamatangku na gabe songon parkokas ni Sibolis. Gabe manyonggot rohangku do nyae i, anso ulang ginjang do rohangku umbaen na dilehen i.

2 KORINTUS 13:10

Jadi hara ni i ma umbaen na hutongos surat on, dompak so lalu dope au di tonga-tongamunu. Jadi muda ro au saulahon, indangkon pola nian hubaen pambaenan na karas mamake kuaso na nilehen ni Tuhan i tu au, harana dilehen pe kuaso i tu au na laho paturehon hamu do, nada na laho manyegohon.

PILIPPI 1:6

Debata sandiri do na mamungka karejo na denggan i di tonga-tongamunu. Jana pos do rohangku toruskononNia karejo i lopus tu ari haroro ni Kristus Jesus mangulahi.

1 TIMOTEUS 1:20

I ma songon si Himeneus dohot si Aleksander. Ma hupasahat halahi na dua tu Sibolis, anso jora halahi mangincahi.

2 TIMOTEUS 1:18

Jana di Epesus pe na dung bahat sajo do pangurupinia tu au. Taringot tusi pe madung diboto ho i. Sai denggan ma roha ni Tuhan mangalehen asi ni rohaNa tusia muda ro Tuhan manguhumi sudena jolma manusia.

2 PETRUS 3:12

salolot painte-intehon jana na patibuhon haroro ni Ari Ni Debata i hamu. Abis ma mosok sudena di Ari i sandok langit i, jana hara ni milasna gabe malala ma gabe songon aek sandok na adong di langit i.

1 JOHANNES 5:16

Muda adong diida hamu dongan Kristen mambaen dosa na so pola mambaen hamatean, sitangiangkononmunu do i tu Debata; jana lehenon ni Debata ma ngolu di halak na songon i, i ma tu halak na mambaen dosa na so pola mambaen hamatean i. Tapi adong do dosa na mambaen hamatean, jana nada hudok anso tangiangkononmunu dosa na songon i tu Debata.