1 KORINTUS 5:4 - BIBEL JAMITA NA DENGGAN

⁴ “Mangasahon goar ni Tuhan Jesus Kristus hudok ma di hamu, angkon niuhum do halak na songon i hodar ni pangalahona!” Jadi muda marlagut hamu jana di tonga-tongamunu au markite-hite tondingku, mangasahon kuaso ni Tuhanta Jesus Kristus,

1 KORINTUS 5:4 ပူးပေါင်းရင်းမြစ်များ

MATEUS 16:19

LehenonKu ma di ho kunci ni Harajaan Ni Banua Ginjang. Sanga aha na nilarangmu di ginjang tano on laing larangon ma i lopus tu banua ginjang. Sanga aha na nidokmu tigor di ginjang tano on, laing na tigor ma i lalu tu banua ginjang.”

MATEUS 18:20

Angke sanga di dia rap marlagut dua sanga tolu halak di bagasan goarKu, disi do Au rap dohot halahi.

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

JOHANNES 20:23

Muda disesa hamu dosa ni sanga ise, laing tarsesa ma dosana i; muda nada disesa hamu dosa ni halak, laing na so tarsesa ma dosana i.”

BAENON NI ANGKA RASUL 16:18

Sanga na piga ari sai songon i ma dipardokkoni ia. Goyak ma roha ni si Paulus umbegesa, gabe humusor ma ia manaili tu anak boru i didok ia ma tu tondi i, “Mangasahon goar ni Jesus Kristus, huparentahon anso ruar ho sian anak boru i!” ning ia. Manigor ditadingkon tondi i ma anak boru i.

BAENON NI ANGKA RASUL 3:6

Tapi didok si Petrus ma tusia, “Anggo perak dohot sere nada adong di au. Tapi sanga aha na adong di au, hulehen pe di ho. Mangasahon goar ni Jesus Kristus na sian Nasaret i, mardalan ma ho!” ning ia.

BAENON NI ANGKA RASUL 4:30

Pahortang ma tanganMu mambaen hamalumon, jana baen ma angka tanda hahomangan markite-hite goar ni Jesus, NaposoMu Na Badia i.”

2 KORINTUS 13:10

Jadi hara ni i ma umbaen na hutongos surat on, dompak so lalu dope au di tonga-tongamunu. Jadi muda ro au saulahon, indangkon pola nian hubaen pambaenan na karas mamake kuaso na nilehen ni Tuhan i tu au, harana dilehen pe kuaso i tu au na laho paturehon hamu do, nada na laho manyegohon.

2 KORINTUS 13:3

Anggo disi idaonmunu ma buktina paboa na tutu do mandok hata Kristus markite-hite au. Muda baenon ni Kristus tindakan tu hamu, nada gale-gale baenonNia, tapi patidahononNia ma kuasoNia di tonga-tongamunu.

2 KORINTUS 2:6

Anggo tu halak na songon i pangalahona, tuk ma holau uhuman na dung somal na nidalankonmunu i baen hamu tu halakna i.

EPESUS 5:20

Mandok tarimakasi ma hamu tu Debata Ama i markite-hite Jesus Kristus Tuhanta i, sanga hara ni aha pe.

KOLOSSE 3:17

Pendekna, sanga aha sikarejohonon sanga sidokkononmunu, angkon mangasahon Tuhan Jesus do karejohonon jana dokkononmunu i. Jana mandok tarimakasi ma hamu tu Debata Ama i markite-hite Jesus.

2 TESSALONIKA 3:6

Mangasahon kuaso ni Tuhan Jesus Kristus hami paingot ma hamu ale angka dongan, paholang hamu ma dirimunu sian angka dongan na losok, jana na so manangihon pangajaran na hami ajarkon tu hamu.

JOSUA 22:15

Jadi lalu ma halahi mandapotkon angka halak na sian Marga Ruben, Gad dohot Manase Parhabincaran di tano Gilead.