1 KORINTUS 5:3 - BIBEL JAMITA NA DENGGAN

³ Haru padao-dao pe pamatangta anggo tondingku di tonga-tongamunu do au huhilala. Jadi songon na di tonga-tongamunu do au saonnari laho mambaen haputusan,

1 KORINTUS 5:3 ပူးပေါင်းရင်းမြစ်များ

1 KORINTUS 5:12

Anggo manguhumi halak na so Kristen, inda karejongku i. Debata sandiri ma mangadili halahi. Tapi angka anggota ni parlagutan, inda he hak ni parlagutan i sandiri do laho manguhumi angka sisongon i? Di Buku Na Badia i tarsurat do songon on, “Paorot hamu ma angka parjahat i sian tonga-tongamunu.”

2 KORINTUS 10:1

Saonnari, au si Paulus, hupaingot ma hamu markite-hite lambok ni roha dohot habasaron ni Kristus. Anggo ninna halak na parbiar do au di tonga-tongamunu taran marsuo bohi tu bohi, tapi puluk do au muda dao sian hamu. Antong, hara ni halambohon bope hadengganan ni roha ni Kristus,

2 KORINTUS 10:11

Anggo angka halak sisongon i angkon botoonna ma, muda ro hami saulahon, angkon songon na hami dok di angka suratnami i do baenonnami tu halahi.

2 KORINTUS 13:2

Madung hupaingot hian sanga ise di hatiha na salpu na mambaen dosa bope sude angka na asing i, i ma di na padua-nolihon ro au mandapotkon hamu. Saonnari dompak padao-dao au sian hamu, hupaingot hamu mangulahi, muda ro au mangulahi sahalak pe nada adong na so hona uhum sian halahi.

KOLOSSE 2:5

Angke haru pe dao au sian hamu, anggo tondingku rap do dohot hamu. Jana jop do rohangku mida hamu, di na togu hamu mangkaporsayai Kristus jana marsada roha.

1 TESSALONIKA 2:17

Tapi hamu angka dongan, dung marsirang hami santongkin sian hamu – holip sian mata tapi nada lupa sian roha – mur malungun do hami mida hamu jana sai hami usahohon do anso marsuo mangulahi dohot hamu!