1 KORINTUS 5:10 - BIBEL JAMITA NA DENGGAN

¹⁰ Na humaksud nada halak parhamainan sanga na songkal, sanga panipu, sanga na manyomba gana-ganaan na so mananda Debata saotik pe. Nada i na hudok; harana muda padaoonmunu noma halahi, tontu angkon morot noma hamu sian portibi on.

1 KORINTUS 5:10 ပူးပေါင်းရင်းမြစ်များ

LUKAS 18:11

Jadi tanda sajo ma dibaen Parise i parjongjongnia jana martangiang ma ia, ‘O ale Debata, mandok tarimakasi ma au tu Ho, angke nada sarupa au dohot angka halak na asing i, na manyamun, na so jujur dohot na mangalangkup. Tarimakasi ma hudok dibaen nada tudos au dohot halak sitagi pajak indi.

JOHANNES 15:19

Sugari na sian portibi on hamu, haholongan ni portibi on do hamu songon halaknia. Tapi madung Hupili hamu sian portibi on, jana nada be halak portibi on hamu. Hara ni i do umbaen na hosom roha ni portibi on mida hamu.

JOHANNES 17:6

Madung Hupatorang Ho Amang tu angka jolma na sian portibi on, i ma na dung nipasahatMu tu Au. Ho do Amang nampuna halahi; jana madung dipasahat Ho halahi tu Au. Madung diihutkon halahi hata na nilehenMi.

JOHANNES 17:9

Hara ni halahi do umbaen na martangiang Au. Nada Hutangiangkon anggo portibi on; hum tu angka jolma na nipasahat ni Damang i tu Au do na Hutangiangkon; harana Damang do nampuna halahi.

JOHANNES 8:23

Dung i didok Jesus ma tu halahi, “Sian toru on do hamu ro; tapi anggo Au sian ginjang do. Hamu sian portibi on do; tapi anggo Au nada sian portibi on.

1 KORINTUS 1:20

Di dia dehe angka na bisuk i? Di dia dehe angka Siboto Surat i? Di dia dehe angka pangalo na sian portibi on? Nada he madung dibaen Debata habisuhon ni portibi on gabe hatoon?

1 KORINTUS 10:27

Muda diontang halak na so Kristen ho mangan, jana dioloi ho ontang-ontangnia i, papangani ma sanga aha na nipasahat i tu ho. Ulang pola sapa-sapai sanga sian dia haroro ni sipanganon i, anso ulang pola adong panggora ni rohamunu.

1 KORINTUS 5:11

Anggo na humaksud songon on do: Ulang pardongan hamu halak na mangoku dirina Kristen hape rorang halahi, sanga songkal, sanga pe sioloi gana-ganaan sanga na sai ra pabusuk-busuk dongan, sanga parmabuk sanga pe panangko. Hum sajuguhan pe mangan dohot halak sisongon i, ulang!

1 KORINTUS 5:9

Di suratku na salpu i madung hudok tu hamu anso ulang mardongan hamu tu halak parhamainan.

2 KORINTUS 4:4

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

EPESUS 2:2

Angka hasomalan ni portibi on do dipaolo-oloi hamu hatiha i; astuanna, tunduk tu angka parkuaso ni harajaan na di awang-awang i do hamu, i ma tondi na laing mangela-ela roha ni angka halak na so ra tunduk tu Debata saonnari.

PILIPPI 2:15

Di na songon i, patuduhon hamu ma paboa na tutu hamu dakdanak ni Debata, na so martilako, na bulus jana bonar di tonga-tonga ni angka halak na jahat dohot na mardosa. Jana di na palaluhon jamita taringot tu hangoluan i hamu tu halahi, angkon gabe songon sinondang na manorangi portibi on do hamu maradopkon halahi. Muda songon i ngolumunu, gabe adong ma dalan di au saulahon laho mamuji diringku hara ni hamu, di haroro ni Jesus Kristus mangulahi. I ma tandana, na so sayang boti parjuanganki jana marhasil do halolojangki.

1 JOHANNES 4:5

Taringot tu angka pangalaho na di portibi on do na nihataan ni angka panurirang pargabus i, jana ditangihon portibi on do halahi, angke sian portibi on do haroroan ni halahi.

1 JOHANNES 4:7

Hamu angka dongan na nihaholongan! Marsihaholongan ma hita sama hita, angke sian Debata do ro holong ni roha i. Sanga ise na marholong ni roha, i do dakdanak ni Debata jana na mananda Debata.

1 JOHANNES 5:19

Taboto do na sian Debata haroroanta, jana sude na satano on di bagasan tangan ni si Parjahat i.

HALUMBAAN 12:9

Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.