1 KORINTUS 5:1 - BIBEL JAMITA NA DENGGAN

¹ Satutuna madung lalu tu au paboahon na adong deba sian hamu marpangalaho na so ture; adong sian hamu na pardadaboruhon na nialap ni amangna. Hape halak na so mananda Tuhan pe nada ra mambaen na songon i!

1 KORINTUS 5:1 ပူးပေါင်းရင်းမြစ်များ

PAMUNGKAAN 35:22

Di inganan i ma dipodomi si Ruben rading ni amangnia na margoar si Bilha. Tarbege ma i tu si Jakob, gabe muruk situtu ma ia. Dua bolas anak ni si Jakob.

PAMUNGKAAN 37:2

Jana on ma barita ni keluarga ni si Jakob: Doli-doli na marumur pitu bolas taon ma si Josep anak ni si Jakob. Dohot ma si Josep marmahani angka pahan-pahanan rap dohot angka angkangnia, tubu ni si Bilha dohot si Zilpa, rading ni amangnia. Sandok pangalaho ni angka angkangnia na so ture, dipaboa-boa ia do tu amang ni halahi i.

PAMUNGKAAN 49:4

Songon aek magodang na marhusasak do ho, tapi nada ho be sipatujoloon. Angke didongani ho modom radingku. Dipahodar ho podoman ni amangmu.

2 SAMUEL 16:22

Jadi, dipature ma di si Absalom bandar di ginjang ni tarup ni bagas godang na hornop i. Jadi di jolo ni mata ni halak sude, masuk ma si Absalom tu bagasan bandar i jana modom ma ia dohot rading ni amangnia i.

2 SAMUEL 20:3

Dung lalu si Daud di bagas godangnia na di Jerusalem i, dibaen ia ma rading sisampulu halak na nitadingkon i manjago bagas godang i di bagasan sada bagas na dijago ni pangawal. Tuk do dibaen na porlu di halahi, tapi nada jungada be si Daud modom rap dohot halahi. Jadi gabe dipingit ma halahi jana songon na mabalu noma ngolu ni halahi lopus mate.

1 JUJUR TAON 5:1

On ma pomparan ni si Ruben anak siangkaan ni si Jakob. (Hara ni na dung mambaen tilako si Ruben dohot rading ni amana, gabe dibuat ma haknia songon anak siangkaan jana dipasahat ma i tu si Josep.

JEREMIA 2:33

Na sun do antong malomunu mambaen dalan laho manarik roha ni angka haholongan ni rohamunu i. Salang boru panggampang na jumorbut i pe laing tarbaensa do marsiajar sian hamu.

JEHESKIEL 16:47

Sombu dehe dihilala ho mangihutkon indege ni halahi dohot maniru parange ni halahi sihagigian i? Nada podo! Santongkin nari jumorbut muse dope ho sian halahi.

JEHESKIEL 22:10

Adong do na manggoda inangna panggonti lalu dipakesa modom songon dadaboruna, marhamainan dohot dadaboru na ro bulanna,

HAMALIMON 18:8

Ulang palayas amangmu marhite na marcampur dohot sada halak sian angka dadaborunia na asing.

HAMALIMON 20:11

Sada halaklahi na marcampur dohot dadaboru ni amangna, gabe parohon tilako tu amangna. Halaklahi bope dadaboru i angkon mate uhumon. Hamamate ni halahi hara ni hasalaan ni halahi sandiri.

AMOS 2:7

Didege-dege halahi do halak na gale na so margogo, jana dipabali halahi do jolma na pogos. Ama-ama dohot anakna rap mandongani modom sada na poso dadaboru, gabe hodar goarKu na badia i patunda ni i.

BAENON NI ANGKA RASUL 15:20

Tapi angkon laing tatongos ma surat tu halahi paingotkon halahi anso ulang dipangan halahi angka sipanganon na hodar na nihaulkon tu gana-ganaan, sanga markarosuan, sanga pe na mangankon pahan-pahanan na nisongkik sanga mangan mudar. Boti anso laing dipadao halahi dirina sian angka pangalaho na jorngang.

BAENON NI ANGKA RASUL 15:29

Ulang ma pangan hamu sipanganon na nihaulkon tu gana-ganaan, ulang pangan hamu mudar, ulang pangan hamu binatang na nisongkik, jana ulang ma adong sian hamu angka pangalaho na markarosuan. Muda dipadao hamu dirimunu sian angka pangalaho na songon i, na denggan noma baenonmunu. Horas ma di hamu, botima!”

1 KORINTUS 1:11

Harana madung lalu baritana sian pangisi ni bagas ni si Koloe na adong parsalisian di tonga-tongamunu.

1 KORINTUS 5:11

Anggo na humaksud songon on do: Ulang pardongan hamu halak na mangoku dirina Kristen hape rorang halahi, sanga songkal, sanga pe sioloi gana-ganaan sanga na sai ra pabusuk-busuk dongan, sanga parmabuk sanga pe panangko. Hum sajuguhan pe mangan dohot halak sisongon i, ulang!

1 KORINTUS 6:13

Adong muse do deba na mandok, anggo sipanganon tu butuha do i, jana butuha i pe tu panganon do i diparade. Hape dua-duana i giot soadahonon ni Debata do. Nada tola pakeon pamatang ni jolma i tu na so ture, tapi hum tu angka pangalaho na porlu di Tuhan do. Jana Tuhan i pe dibaen Ia do angka pangalaho na porlu tu pamatang i.

1 KORINTUS 6:18

Padao hamu ma dirimunu sian hahodaron. Angke sude dosa na asing i na nibaen ni jolma, di ruar ni pamatangna do i tarjadi. Tapi anggo halak na marhamainan, na mambaen dosa tu pamatangna sandiri do i!

1 KORINTUS 6:9

Nada he diboto hamu do, anggo angka halak na so tigor nada dapotan bagian di Harajaan Ni Debata? Ulang ma hamu lilu! Halak na markarosuan, sioloi gana-ganaan, si pangalangkup, si pangalukluhi, si pandalus-dalus,

2 KORINTUS 12:21

Songon na biar do rohangku, betak sai dipatoruk Debata au di jolomunu muda hutopot hamu. Sak muse do rohangku, bahat sian hamu na mardosa hian nabaruon, patangiskon au hara ni na laing so ra muba jana laing so mantak halahi marpangalaho na so ture, na hodar dohot na so tama.

2 KORINTUS 2:5

Muda adong sanga ise na dung mambaen arsak ni roha on sudena, nada tu au dibaen ia songon i, tapi tu hamu sude do – anso ulang marlobian na hudok i – sanga tu deba sian hamu.

2 KORINTUS 7:12

Jadi haru pe madung hubaen surat i tu hamu, nada hara ni halak na sala i nibaen surat i. Nada muse hara ni angka na dung marnyae dibaen hasalaan i. Hubaen pe surat i anso diboto hamu sandiri do di jolo ni Debata sanga na bia tangkasna diparrohahon hamu hami.

GALATIA 5:19

Tangkas do karejo na nibaen ni bako humani na jat i di bagasan angka pangalaho on: Na markarosuan, harorangan, hahodaron;

EPESUS 5:3

Bangso ni Debata do hamu! Jadi anggo angka na rorang dohot angka parange na so tupa bope na ahut tu diri, nada tama be adong di tonga-tongamunu – hum tarbortik pe indangkon adong.

PANGARATAION 22:30

Sahalak pe nada adong na tola pabilehon amangna marhite na mangangkupi modom sahalak sian dadaboru ni amangna.”

PANGARATAION 27:20

‘Bura ni Debata ma di halak na palayas amangna di na marcampur dohot sada sian ripe ni amangna.’ Dung i sude ma bangso i mandok: ‘I ma tutu!’

KOLOSSE 3:5

Hara ni i, matehon hamu ma angka hagiot ni portibi on na manyego-nyego dirimunu, i ma angka na mambaen na so ture, pangalaho na hodar, hisap ni sibuk, parhagiot na jahat, na songkal (halak na songkal sarupa do i dohot na marsomba gana-ganaan).

1 TESSALONIKA 4:7

Dipio Debata pe hita, nada anso hodar ngolunta, tapi anso badia do ngolunta i.

HALUMBAAN 2:21

Jana madung Hulehen tusia hatiha anso dipauba ia ma rohania sian na markarosuan i; tapi nada dipauba ia rohania.

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

1 SAMUEL 2:24

Ulang be baen hamu songon i, ale dakdanakku. Majatjattu do na hubege dihatahon bangso ni Tuhan i salaho tu hamu!