1 KORINTUS 4:9 - BIBEL JAMITA NA DENGGAN

⁹ Harana anggo mangihutkon pandapotku, dilehen Debata do di hami angka rasul inganan na tumoruk, dos songon halak na niuhum tu hamatean, angke madung gabe sitontonan hami diportibi on, dijolo ni jolma dohot angka surusuruan.

1 KORINTUS 4:9 ပူးပေါင်းရင်းမြစ်များ

MASMUR 44:22

Hara ni Ho sai torus do hami tarancam mate, jana dibaen songon biri-biri sisambolon.

MASMUR 71:7

Gabe tiruan na denggan do ngolungku di halak na bahat, angke Ho do antong pangondianku na gogo.

JEREMIA 20:18

Biasi he angkon sai tubu au? Hum anso marhancit dehe jana hasusaan? Dohot anso ngolungku marsalpuan hum di bagasan hahaila?

BAENON NI ANGKA RASUL 19:29

Dung i mur gaor ma sude kota i, jana rap marlojong tu stadion, jana disarat halahi ma si Gayus dohot si Aristarkus halak Makedonia, dongan ni si Paulus.

BAENON NI ANGKA RASUL 19:31

Laing songon i deba sian angka halak na marpangkat na di kota i na marale-ale tu si Paulus, disuru paboa halahi ma tu halak anso ulang pola tarida si Paulus di stadion i.

SURAT NI SI PAULUS TU PARLAGUTAN ROM 8:36

Songon na tarsurat i, “Hara ni Ho di bagasan parmaraan do hami sasadari, nietong do hami songon biri-biri sisambolon.”

1 KORINTUS 15:19

Anggo hum di ngolunta dompak di portibi on sajo do pangkirimon ni rohanta tu Kristus gabe hita ma halak na lumebak sian sude jolma na di tano on!

2 KORINTUS 11:23

Angka naposo ni Kristus dehe halahi? Aropku songon halak na dung lalaen do au, tapi hape dao dumenggan dope au songon pangoloi ulang pado halahi sudena! Marsitutuan dope au karejo, jumotjot dope au tarhurung ulang halahi, umbahat dope parkancitan na hutaon jana jotjot do au giot mate.

2 KORINTUS 6:9

Halak na so ditanda do hami ninna, hape sude do halak mananda hami. Na dung mate do hami ning roha ni halak, hape laing mangolu do satutuna. Haru pe hona loncing hami, hape nada jabat mate.

1 TESSALONIKA 3:3

anso ulang adong sahalak pe sian hamu na dumaol-daol hara ni angka parkancitan on. Hamu sandiri pe diboto hamunu do na nitontuhon ni Debata hian do angka parkancitan i gabe bagianta.

IBRANI 1:14

Antong, aha noma satutuna angka surusuruan ni Debata i? Angka tondi na mangoloi Debata do i jana na nisuru ni Debata laho mangurupi sanga ise halak na giot manjagit haluaan na nijanjihon ni Debata.

IBRANI 10:33

Huhul hona incak do hamu jana gabe sitontonan di jolo ni halak na bahat. Huhul laing dohot do hamu manaon dohot halahi na manaon songon i,

IBRANI 11:36

Adong ma deba na niincahan, na diparkanciti, dirante jana dipamasuk tu hurungan.