1 KORINTUS 4:8 - BIBEL JAMITA NA DENGGAN

⁸ Nada adong be na hurang di hamu! Madung mamora hamu! Ma gabe raja hamu! Hape hami inda. Denggan ma i, muda tutu do raja hamu, anso tarbaen hami rap dohot hamu mamarenta.

1 KORINTUS 4:8 ပူးပေါင်းရင်းမြစ်များ

PODA 13:7

Adong do halak paula-ula na kayo hape nada mararta; adong halak na paula-ula pogos hape na sun morana.

PODA 25:14

Angka janji na so tarpatulus, tudos tu ombun dohot alogo na so parohon udan.

JESAYA 5:21

Marjaya ma halahi hara ni na diambang dirina na bisuk jana na lobi pistar.

JEREMIA 28:6

“Denggan! Sai tulus ma nian alatanmi, jana sai saut ma dioban Tuhan sian Babel angka barang-barang ni Bagas Ni Tuhan rap dohot sude halak na tarbuang tusi.

BILANGAN 11:29

Dialusi si Musa, “Biasi dukungonmu au? Giot pangidoonku dope tu Tuhan i anso dilehen Ia TondiNia tu sude bangsoNia, jana anso sude halahi mangkatai songon panurirang!”

MATEUS 5:1

Dung diida Jesus bahat ni halak i, manangkok ma Ia tu sada dolok. Juguk ma Ia disi. Dung i marroan ma anak siseanNia i tu lambungNia.

LUKAS 6:25

Marjaya ma hamu na butong saonnari on; harana, malean ma hamu! Marjaya ma hamu na martata saonnari on; harana, marsak ma rohamunu jana tangis.

BAENON NI ANGKA RASUL 26:29

“Sigop sanga na lolot, hutangiangkon do tu Debata anso gabe porsaya hamu sudena na umbege hatangkon sadari on, raja i dohot angka ama na dison anso gabe songon au on – asing sian rante on!”

SURAT NI SI PAULUS TU PARLAGUTAN ROM 12:3

Markite-hite asi ni roha na nilehen di au, hupaingot ma hamu ganup marsada-sada ulang ma dipikiri hamu taringot tu hamu lobi sian na patut, tapi intap ni na patut ma parrohaonmunu, mangihutkon haporsayaan na diturpukkon ni Debata tu hamunu.

1 KORINTUS 1:5

Gabe mamora do hamu taringot tu sudena pangalaho, dung Kristus nampuna hamu. Parbinotoanmunu pe madung bagas situtu taringot tu sude pangalaho jana malo muse do hamu mangajarkon parbinotoan i.

1 KORINTUS 4:18

Madung adong deba sian hamu na marmoga-moga; harana ninna roha ni halahi, nada tulus be au mandapotkon hamu.

1 KORINTUS 5:6

Nada denggan anggo na manggodang diri i hamu! Ning rohangku diboto hamu do pandohan on, “Saotik pe ragi i, gabe kombang do sude adonan i!”

2 KORINTUS 11:1

Sugari ra ma hamu sobar di hatoonku na saotik i, arop do rohangku hasobarkononmunu au.

2 KORINTUS 13:9

Jop do rohanami muda gale hami, jana hamu margogo. Laing hami tangiangkon do anso gabe sanggam hamu nian.

GALATIA 6:3

Muda adong na mamikir dirina halak na gabar ia hape nian sisoada do, na manggabusi dirina do ia songon i.

PILIPPI 1:27

Antong parangehon hamu ma parange na tama tu Jamita Na Denggan na sian Kristus, anso muda ro au mangaligi hamu, sanga sian na dao hubege taringot tu hamu, bahaso na togu do hamu jongjong di bagasan sada tondi jana saroha laho marporang humopkop haporsayaan di Jamita Na Denggan i.

PILIPPI 2:12

Hara ni i hamu angka dongan na nihaholongan, songon pangoloimunu tu au dompak di tonga-tongamunu au, saonnari pe haru dung padao-dao, angkon mur olo ma hamu nian tu au. Usahohon hamu ma tongtong anso mur sanggam haluaanmunu i. Mardongan biar dohot hitir ma baen hamu sudena i,

HALUMBAAN 3:17

Didok hamu, ‘Madung mamora hami jana tuk sude; sada pe nada adong be na hurangnami.’ Hape umpe diboto hamu sanga songon dia dangolmunu dohot parkancitanmunu! Na pogos do hamu, marsaemara jana na mapitung.

HALUMBAAN 5:10

Madung dibaen Ho halahi gabe sada bangso pinompar ni raja, anso laing gabe malim muse ma halahi na mangoloi Debatanta, jana mamarenta di ginjang ni tano on.”