1 KORINTUS 4:6 - BIBEL JAMITA NA DENGGAN

⁶ Hamu ale angka dongan! Hara ni hamu, gabe tu si Apollos dohot tu au ma huhonahon i. Maksudna, anso sian tudosan na hami baen i, marsiajar hamu sian umpama na mandok, “Ulang ma dipikiri hamu taringot tu hamu lobi sian na tarsurat i.” Jadi muda songon i nada adong be sian hamu na ra marmoga-moga, hape halak na asing dilayasi.

1 KORINTUS 4:6 ပူးပေါင်းရင်းမြစ်များ

MASMUR 146:3

Ulang pangasahon angka pangarajai, tu jolma na so bolas mangalehen haluaan.

MASMUR 8:4

ise ma he jolma i, pola diingot Ho ia, ise ma he i pola dipangolu Ho ia?

JESAYA 2:22

Antong, ulang be da mararop roha hamu tu jolma na pasti mate, harana nada mararga i.

BAENON NI ANGKA RASUL 18:24

Jadi laing di hatiha i, ro ma tu Epesus sada halak Jahudi na sorang di Aleksandria, na margoar si Apollos. Na malo do bayo i mandok hata jana na pistar taringot tu isi ni Buku Na Badia i,

BAENON NI ANGKA RASUL 19:1

Jadi dompak na di Korintus i si Apollos, topet ma hatiha i si Paulus mandalani angka luat pardolok na disi lopus lalu ia tu Epesus. Dapot ia ma disi piga-piga anak sisean.

SURAT NI SI PAULUS TU PARLAGUTAN ROM 12:3

Markite-hite asi ni roha na nilehen di au, hupaingot ma hamu ganup marsada-sada ulang ma dipikiri hamu taringot tu hamu lobi sian na patut, tapi intap ni na patut ma parrohaonmunu, mangihutkon haporsayaan na diturpukkon ni Debata tu hamunu.

1 KORINTUS 1:12

Na hudok disi, on do: Adong sian hamu na mandok, “Anggo au marpihak tu si Paulus do,” adong muse na mandok, “Au marpihak tu si Apollos do,” na asing mandok, “Au marpihak tu si Kepas do.” Na deba nari mandok, “Anggo au marpihak tu Kristus.”

1 KORINTUS 1:19

Angke didok Debata do di Buku Na Badia i, “SursaranKu ma parbinotoan ni angka na pistar, jana agohononKu ma habisuhon ni angka na malo.”

1 KORINTUS 1:31

Jadi hara ni i do, tarsurat di Buku Na Badia i, “Sanga ise na giot mamuji diri, angkon hara ni pambaenan ni Debata ma ia mamuji diri.”

1 KORINTUS 13:4

Sobar do holong ni roha i jana burju. Nada mangiburu anggo holong ni roha i, inda marhata manggang, nada ginjang rohana.

1 KORINTUS 3:19

Angke na nietong ni portibi on bisuk, anggo di parnidaan ni Debata i ma halak na oto. Tarsurat do di Buku Na Badia i, “Dipadapot Debata do angka na bisuk dohot hamaloan ni halahi i sandiri.”

1 KORINTUS 3:21

Antong anggo songon i, ulang ma adong sanga ise na marmogahon dirina maradopkon jolma, angke madung dilehen sasudena gabe hamu puna:

1 KORINTUS 5:2

Haru ma songon i, hape laing pagodang-godang diri dope hamu. Angkon marsak ma hamu nian, jana paorotonmunu ma halak na marpangalaho sisongon i sian tonga-tongamunu.

1 KORINTUS 5:6

Nada denggan anggo na manggodang diri i hamu! Ning rohangku diboto hamu do pandohan on, “Saotik pe ragi i, gabe kombang do sude adonan i!”

1 KORINTUS 8:1

Taringot tu sipanganon na nihaulkon tu gana-ganaan ma saonnari. Jadi tutu do songon na nidok ni halak, “Na dung marparbinotoan do hita sude.” Tapi hamaloan laho mambaen anso pagodang diri do halak, hape nian anggo holong ni roha i laho padenggankon parrohaon ni halak do i.

1 KORINTUS 9:23

Hara ni Jamita Na Denggan i do, hubaen songon i sudena, anso laing dohot au muse dipasupasu.

2 KORINTUS 10:12

Harana nada puluk hami patudoskon sanga mambaen dirinami sarupa dohot angka halak na mangetong dirina halak na godang. Na oto do halak na mambaen ukuranna sandiri jana na mangukur dirina sandiri mangihutkon ukuran i.

2 KORINTUS 10:15

Astuanna na hami dok disi, nada pagodang diri hami hara ni karejo ni halak na asing na di ruar ni batas na nitontuhon ni Debata di hami. Tapi sai mur martamba ma haporsayaanmunu, anso mur bidang tohap sikarejohonnami di tonga-tongamunu, haru pe laing tong dope di bagasan batas na nitontuhon ni Debata tu hami.

2 KORINTUS 10:7

Angkon botoonmunu sugari pangalaho na satutuna. Muda dihaposi roha ni sada halak do nampuna ni Kristus ia, dipareso ia ma mangulahi dirinia jana diboto ia ma, hami pe laing nampuna ni Kristus do songon ia.

2 KORINTUS 11:4

Harana sai jop do rohamunu manjagit sanga ise na ro mandapotkon hamu jana mangajarkon Jesus na asing – nada Jesus na hami ajarkon i tu hamu. Jana dijagiti hamu do “Tondi” dohot “Jamita Na Denggan” na tangkas sajo marasing sian Tondi Parbadia dohot sian Jamita Na Denggan na dung nijagitmunu sian hami.

2 KORINTUS 12:19

Betak na dipikir rohamunu do na laho mangabarahon dirinami sandiri hami maradopkon hamu sahonokna on. Di adopan ni Debata dohot Kristus hami dokkon ma: Sasudena i dikarejohon laho patoguhon haporsayaanmunu.

2 KORINTUS 12:20

Sak do rohangku, muda ro au mandapotkon hamu saulahon, nada songon na nipangido ni rohangki dapotonku hamu, jana hamu pe nada songon na nipangido ni rohamunu i dapotonmunu au. Ulang so adong pe na marbadai, marsibunuan, na milas rohana, na marsipalua dirina, marsitilakoan, na pamilas-milas roha ni donganna, na ginjang roha, jana tarjadi hagaoran.

2 KORINTUS 12:6

Sugari ra au mamuji diringku, nada songon parkata-hata na rumar au; na tutu do dohononku. Tapi huorom do diringku, angke nada por rohangku, anso unang adong halak na mamparetongkon tu au lobi sian na niidana hubaen sanga na dung dibege ia hudok.

2 KORINTUS 4:15

Mardomu tu na hasaya di hamu do sudena i. Angke muda mur bahat halak mandai holong ni roha ni Debata, mur bahat muse do tangiang tarimakasi na nipasahat tu Debata; jadi muda songon i, marsangap ma Debata.

KOLOSSE 2:18

Ulang hamu ra digorahon halak na paula-ula martoruk roha jana na manyomba angka surusuruan. Angka siginjang roha do sudena i hara ni angka pikiran ni halahi na marojahan tu portibi on. Na marguru tu angka parnidaanna do i,

1 TESSALONIKA 1:5

Angke di na manjamitahon Jamita Na Denggan i hami tu hamu, nada hum hata-hata sajo na hami jamitahon i, tapi mardongan kuaso na sian Tondi Parbadia do. Jana pos situtu do rohamunu na tutu do Jamita Na Denggan i. Diboto hamu do sanga na bia ngolunami laho manyarihon hamu dompak di tonga-tongamunu hami.

2 TIMOTEUS 2:10

Hara ni i do umbaen na huhasobarkon mananggung sudena i pasari-sari angka dongan na dung nipili ni Debata. Hutaon pe sudena i bia anso laing dohot halahi maruli haluaan na di bagasan Kristus Jesus, dohot hasangapan salolot-lolotna.