1 KORINTUS 4:5 - BIBEL JAMITA NA DENGGAN

⁵ Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

1 KORINTUS 4:5 ပူးပေါင်းရင်းမြစ်များ

JOB 12:22

Dipatorang Ia inganan na mangarambon, disondangi Ia angka halinu na golap mangalomlom.

PODA 12:8

Halak na marroha, papuji-pujion, halak na bodo panyaor-nyaoron.

PARJAMITA 11:9

Hamu angka na poso, marjop ni roha ma hamu di haposoonmu. Marsonang-sonang ma hamu dompak poso. Baen ma giotmu, jana patulus ma giot ni rohamu. Tapi ingot ma, angkon uhumon ni Debata do muse sude na nibaenmu.

PARJAMITA 12:14

Uhumon ni Debata do sude parbuatanta; na denggan dohot na jat, salang na buni pe tehe.

JEREMIA 16:17

Huida do sude na nibaen ni halahi. Nada adong na buni di Au; angka dosa ni halahi pe Huida do.

JEREMIA 23:25

Sasude na nidok ni angka panurirang i, madung Huboto i. Mangasahon goarKu margabus halahi mandok na nijagit ni halahi tona sian Au markite-hite nipi.

HOSEA 8:13

Dihaulkon halahi do haul tu Au, jana dipangan halahi haul i, hape Au Tuhan nada manghajopkon angka haul i. Saonnari ingotonKu ma dosa ni halahi i jana uhumanKu noma halahi hara ni angka dosa i; tongosonKu ma halahi mangulahi tu Mesir!

MALEAKI 3:18

Mangulahi ma idaon ni bangsongKu na asing do bagian ni halak na burju sian na jahat, bagian ni halak na marpangoloion tu Au dohot halak na so mangoloi tu Au.”

MATEUS 10:26

“Nada adong bagi aha na buni, na so patar muse, nada adong na simo, na so binoto sogot.

MATEUS 24:30

Dung i pe anso tarida tanda ni Anak Ni Jolma i di langit. Anggo disi tangis ma sude bangso na satano on, marsak. Diida halahi ma Anak Ni Jolma i ro di bagasan ombun mardongan kuaso dohot hasangapan godang.

MATEUS 24:46

Martua ma sada naposo na topet mangkarejohon karejona diharoro ni tuanna.

MATEUS 25:21

‘Ma denggan i,’ ning tuan i, ‘ho ma ibana naposo na burju jana na denggan. Angke haposan do ho di na otik, hulehen ma pos ni rohangku tu ho taringot tu na umbahat. Dohot ma ho masuk marsonang-sonang rap dohot au!’

MATEUS 25:23

‘Denggan ma i,’ ning tuan i, ‘ho ma ibana naposo na denggan jana na burju. Dibaen haposan do ho di na otik, laing pasahaton ma pos ni roha tu ho taringot tu na bahat. Masuk ma ho anso dohot marsonang-sonang rap dohot au!’

LUKAS 6:37

“Ulang ma hamu manguhumi, anso ulang diuhumi Debata hamu muse. Ulang ma pasalahon halak, anso ulang dipasala hamu: Sesa ma, anso disesa hamu.

JOHANNES 21:22

Ninna Jesus ma mangalusi, “Muda jop rohangKu laing mangolu ia lopus ro Au mangulahi, ahana ma i di ho. Salaku ihutkon ma Au!” ninna Jesus.

JOHANNES 21:23

Jadi sar ma hobar di tonga-tonga ni angka sisean ni Jesus paboa na so mate sisean na sada i. Hape nian nada adong didok Jesus, na so mate ia; anggo na nidok ni Jesus songon on do, “Muda jop rohangKu laing mangolu ia lopus ro Au, aha na ma i di ho!” ning Ia do.

JOHANNES 5:44

Tarbia muse ma pambaenmunu porsaya, harana na manjalahi sangap do hamu sama hamu, anggo sangap sian Debata na sasada i nada dijalahi hamu.

SURAT NI SI PAULUS TU PARLAGUTAN ROM 14:4

Tarbia ma he hajolmaonmu umbaen na jabat diuhumi ho naposo ni halak na asing? Sanga na tungkap naposo i sanga na jongjong, inda he urusan ni tuannia i do i? Jana denggan do ia jongjong angke marguru di Tuhan do mambaen ia jongjong.

SURAT NI SI PAULUS TU PARLAGUTAN ROM 2:1

Hara ni i, ale jolma na manguhumi, nada adong sidalianmu; muda diuhumi ho na asing, dirimu do diuhumi ho; angke taran manguhumi ho, laing dikarejohon ho do songon i.

SURAT NI SI PAULUS TU PARLAGUTAN ROM 2:16

Laing songon i ma na giot masa di ari na nitontuhon i. Anggo di ari i hombar tu Jamita Na Denggan na hujamitahon i – uhuman ni Debata ma markite-hite Jesus Kristus sude sibunian ni roha ni jolma.

SURAT NI SI PAULUS TU PARLAGUTAN ROM 2:29

Sabalikna do. Anggo halak Jahudi na tutu, i ma halak na marroha Jahudi; jana sunat na tutu, i ma sunat na di roha i na nibaen ni Tondi i, nada na nibaen marguru tu Tona na tarsurat i sajo. Sian Debata do ro pamujian tu halak na songon i nada sian jolma.

SURAT NI SI PAULUS TU PARLAGUTAN ROM 2:7

Lehenon ni Debata ma ngolu na manongtong tu sude na mangkaburjuhon na denggan, hasangapan na sanggam jana na manongtong i.

1 KORINTUS 1:7

gabe nada adong be na hurang pasupasu di hamu, di na nipainte-intemunu Tuhanta Jesus Kristus ro jana idaon ni halak sudena.

1 KORINTUS 11:16

Jadi muda adong barang ise na giot manangkang, nada hasomalannami sanga angka parlagutan ni Debata mambaen na songon i.

1 KORINTUS 11:26

Angke sanga na piga noli dipangan hamu roti on jana diinum hamu anggur on, jamitahononmunu ma hamamate ni Tuhan i lopus ro Ia.

1 KORINTUS 15:23

Tapi marguru tu aturanna be do nipangolu halahi: Na parjolo Kristus; dung i angka na dung nampuna ni Kristus di hatiha haroroNia.

1 KORINTUS 3:13

Muda ro saulahon Kristus, disi pe anso tarida parkarejoan ni halahi be. Harana api paruhuman do pataridahon karejo ni ganop be. Api i ma na manguji jana manontuhon hadengganan ni karejo i.

1 KORINTUS 3:14

Muda tahan do bagas na nipajongjong di ginjang ni ojahan i ditutung dohot api i, jagiton ni tukangna i ma upania.

1 KORINTUS 3:8

Bope na mananom sanga pe na manyiram sarupa do i.

2 KORINTUS 10:18

Dibaen nada haposan dope na mamuji dirina, tapi na nipuji ni Tuhan i do.

2 KORINTUS 10:9

Nada por rohangku, laho mambiar-biari hamu di angka suratku.

2 KORINTUS 4:2

Nada hami baen dalan na so ture. Nada ra hami markarejo mamake akal-akal sanga na pabalik-balikkon pandohan ni Debata. Torus torang do hami paboa sanga na aha na nipangido ni roha ni Debata. Jadi, marguru tu sada-sada halak ma laho manimbangi hami di bagasan taroktokna be di adopan ni Debata.

2 KORINTUS 5:10

Harana angkon jongjong do hita sude di jolo ni panguhuman ni Kristus i, jana ganop be angkon manjagit balos satontang tu pambaenanna be taran mangolu, pangalaho na denggan sanga na jat.

1 TESSALONIKA 5:2

Angke hamu sandiri pe tangkas do i diboto hamu, songon haroro ni panangko borngin do anggo haroro ni Ari Ni Tuhan i.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

JAKOBUS 4:11

Hamu angka dongan, ulang ma hamu marsitilakoan sanga marsipasalaan. Sanga ise na manilakoi sanga na pasalahon donganna Kristen, na manilakoi dohot na manyalahon angka Tona Ni Debata do i. Jana muda disalahon hamu angka Tona Ni Debata, na so diihutkon hamu be angka Tona i tapi gabe panguhum noma hamu disi.

JAKOBUS 5:7

Antong sobar ma hamu angka dongan lopus ro Tuhanta i. Ligi hamu ma sobar ni angka partani i paintehon lopus dilehen tanonia i suha na mararga disia. Sobar do ia paintehon udan di musim gugur dohot udan di musim bunga.

JAKOBUS 5:9

Ulang mungut-ungut hamu jana marsipasalaan anso ulang diuhumi Debata hamu. Ingot! Ro ma panguhum i.

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.

1 PETRUS 5:4

Jadi muda ro Parmahan Bolon i, jagitonmunu ma tuku hamuliaon na so ra malos.

2 PETRUS 3:12

salolot painte-intehon jana na patibuhon haroro ni Ari Ni Debata i hamu. Abis ma mosok sudena di Ari i sandok langit i, jana hara ni milasna gabe malala ma gabe songon aek sandok na adong di langit i.

2 PETRUS 3:4

dokkonon ni halahi ma songon on, “Di dia do janji taringot tu haroroNia i? Madung pola marmatean angka ompunta, hape laing songon-songon i sajo do sandok na adong mamungka sian mula ni tano on!”

JUDAS 1:14

Jungada do didok si Henokh pomparan ni si Adam na papitu sundutkon taringot tu halak sisongon on. Didok ia, “Ligi da, na giot ro do Tuhan mardongan angka surusuruanNia na marribu-ribu

HALUMBAAN 1:7

Ligi da, na ro ma Ia dihaliangi ombun! Idaon ni sude halak ma Ia, dohot halahi na maniham Ia. Mangangguhi ma sasudena bangso na di tano on manangisi dirina be hara ni Ia. Olo, tutu do na songon i! Amen!

HALUMBAAN 20:12

Jana huida ma angka halak na mate, na menek dohot na magodang rap jongjong di jolo ni habangsa i. Dibuka ma dohot angka buku, dung i dibuka muse ma sada buku na asing, i ma buku hangoluan. Jana di hatiha i ma didabu uhuman tu angka halak na dung mate, satongtang tu pambaenan ni halahi di hatiha na salpu marguru tu na tarsurat di bagasan angka buku i.