1 KORINTUS 4:4 - BIBEL JAMITA NA DENGGAN

⁴ Sanga taringot tu bagi aha pe, nada adong huhilala salangku, tapi inda na mamastihon au paboa na tutu na so adong hasalaanku. Tuhan i sandiri ma manontuhon sanga na marsala au sanga nada.

1 KORINTUS 4:4 ပူးပေါင်းရင်းမြစ်များ

JOB 15:14

Tarbaen ma he lakna jolma ias sian sala? Tarpatigor ma he jolma di adopan ni Debata?

JOB 25:4

Tarbaen ma he jolma, denggan di jolo ni Debata? Tarbaen ma halahi pita di parnidaanNia?

JOB 27:6

Laing na marsitiopan do au tu pangoloionku, jana rohangku pe di bagasan laing na ias do i tutu.

JOB 9:20

Burju do au jana nada mambaen dosa, hape pamanganku songon na mandok hata suhar-suharna. Sandok hata na nipajojor ni bibirku, sai songon na pasalahon diringku.

MASMUR 130:3

Muda sai paingot-ingotonMu torus dosanami, ise be na tarbaen malua sian uhuman?

MASMUR 143:2

NaposoMu do au on, ulang ma timbang parkarongku, angke nada adong halak na so marsala di adopanMu.

MASMUR 19:12

O, Tuhan nada adong na umboto hasalaanna sandiri, antong palua ma au sian hasalaan na buni.

MASMUR 26:12

Dung i sonang ma au, dao sian hamamago, hupuji ma Ho di tonga-tonga ni bangsoMu.

MASMUR 50:6

Dipabotohon langit do hatigoranNa, angke Debata sandiri do panguhumNa.

PODA 21:2

Mungkin tigor do sude pambaenanmu di panatapanmu, tapi Tuhan do manimbang maksud ni rohamu.

PODA 29:26

Bahat do halak marpor ni roha anso dihalomohon parkuaso, tapi na mangalehen hatigoran hum Tuhan do.

JOHANNES 21:17

Patolu-nolihon laing disapai Jesus dope tusia, “O Simon anak ni si Jona. Holong do rohamu mida Au?” ning Ia. Gabe marsak ma si Petrus hara ni na nisapaan ni Jesus i ia jabat tolu noli di na nidok ni Jesus, “Holong dehe rohamu mida Au?” Tapi laing dialusi si Petrus ma, “O Tuhan diboto Ho do Tuhan sasudena. Diboto Ho do Tuhan na holong rohangku mida Ho!” Dung i didok Jesus ma tusia, “Antong parmahani ma angka biri-biringKi.

BAENON NI ANGKA RASUL 23:1

Diligi si Paulus ma jolo anggota ni pangadilan i, lalu didok ia ma, “Hamu angka kahanggingku! Lopus saonnari na so adong dope huhilala marsala au tu Debata di bagasan taroktokku taringot tu pardalan ni ngolungku.”

SURAT NI SI PAULUS TU PARLAGUTAN ROM 2:13

Harana, nada hara ni na mamboto Tona i umbaen na tigor sada-sada halak adop Debata, tapi na patuluskon na nidok ni Tona i do na tardok tigor.

SURAT NI SI PAULUS TU PARLAGUTAN ROM 4:2

Angke muda dipatigor do si Abraham hara ni pambaenannia, jadi adong ma dalannia giot marginjang ni roha, tapi nada di adopan ni Debata.

1 KORINTUS 4:3

Anggo di au nada marimbar sanga na aha dipikiri hamu taringot tu au, bope pikiran ni halak na asing. Salangkan pikiranku taringot tu au sandiri, nada pola soal i huhilala.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

2 KORINTUS 5:10

Harana angkon jongjong do hita sude di jolo ni panguhuman ni Kristus i, jana ganop be angkon manjagit balos satontang tu pambaenanna be taran mangolu, pangalaho na denggan sanga na jat.