1 KORINTUS 4:10 - BIBEL JAMITA NA DENGGAN

¹⁰ Gabe angka na oto do hami hara ni Kristus jana hamu angka na malo dibagasan Kristus! Hami angka na gale, hamu na gogo! Hami diincahi, anggo hamu dipapuji-puji!

1 KORINTUS 4:10 ပူးပေါင်းရင်းမြစ်များ

2 RAJA-RAJA 9:11

Didapotkon si Jehu ma mangulahi angka dongannia i; disapai halahi ma tusia, “Aha do barita? Na giot mahua do na rintik i ro tu ho?” “Diboto hamu do sanga aha giotnia,” ning si Jehu mangalusi.

PODA 11:12

Sanga ise na palayaskon donganna na bodo do i, tapi hohom do halak na pistar.

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

HOSEA 9:7

Madung dapot ari panguhuman, hatiha pamaloson tu sandok parbuatan. Taonon ni Israel noma i! Didok hamu, “Na oto do panurirang on. Na rintik do jolma na nirajaan ni tondi on!” Didok hamu pe songon i hara ni gigina do rohamunu tu Au jana dosamunu santak godangna.

MATEUS 24:9

Dung i ditangkupi ma hamu, dipasahat ma tu parkancitan anso dibunu. Goyak ma roha ni halak na satano on mida hamu hara ni goarKu.

MATEUS 5:11

Martua ma hamu muda diincahi jana diayak-ayak halak hamu, jana dipardok halahi ragam-ragam na jat na so tutu adop hamu hara ni Au.

LUKAS 10:16

Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

LUKAS 18:9

Dicaritohon Jesus muse dope umpama on tu halak na mangetong hum dirina sajo do na nihalomohon ni Debata jana halak na asing i siapasanna.

LUKAS 6:22

Martua ma hamu muda goyak roha ni halak mida hamu jana nada dijagit hamu, boti dipalayas-layas jana didok halak na jahat hamu, hara ni Anak Ni Jolma i!

BAENON NI ANGKA RASUL 17:18

Tapi adong do deba sian golongan Epikuros dohot golongan Stoa, na marsoal dohot ia; jadi deba sian halahi mandok, “Aha ma he na giot dohonon ni na matubekbek on lakna?” Adong muse na asing mandok, “Idaon na maroban ajaran taringot tu angka debata na asing do ia,” dibaen dijamitahon ia do jamita na denggan taringot tu Jesus dohot hangongot ni angka na mate.

BAENON NI ANGKA RASUL 17:32

Dung dibege angka jolma i taringot tu na mulak mangolu sian na mate, dipartatai na deba ma si Paulus. Adong muse do deba na mandok, “Por dope rohanami manangihon ho mangkobari taringot tusi mangulahi,” ninna.

BAENON NI ANGKA RASUL 26:24

Jadi taran na pajojorkon pambelaan i dope si Paulus manggora ma si Pestus, “Madung rintik ho Paulus! Parbinotoanmu na bahat i do mambaen ho rintik!” ning ia.

BAENON NI ANGKA RASUL 9:16

Jana patuduhononKu do tusia angka sitaonon na giot taononnia hara ni Au.”

1 KORINTUS 1:21

Harana sanga na bia pe malo ni jolma, nada tartandasa Debata markite-hite hamaloanna i sandiri. Tapi hape, hara ni hamaloan ni Debata, gabe jop ma rohaNia paluahon angka na porsaya tuSia markite-hite jamita na nietong ni portibi on songon haotoan.

1 KORINTUS 1:23

Hape anggo hita hum taringot tu Kristus na mate di parsilang i do tajamitahon. Hancit do roha ni halak Jahudi dibaen barita i. Jana angka bangso na asing na so Jahudi, dietong halahi do haotoan jamita i.

1 KORINTUS 1:25

Harana pangalaho na niida songon haotoan ni Debata, dao ummalo dope i sian hamaloan ni jolma; jana na niida songon hagalean di Debata, dao gumogo dope i sian hagogoan ni jolma.

1 KORINTUS 10:12

Sanga ise na mangetong dirina togu jongjong, dijagohon ia ma anso ulang sanga tinggang ia.

1 KORINTUS 2:14

Halak na so maruli Tondi Ni Debata, nada tarjagitsa di bagasan rohana sanga aha na nipatorang ni Tondi i. Harana songon haotoan do angka na songon i di halahi. Nada haastuan halahi angka pangalaho na songon i, angke angkon sian partondion do i tarastui.

1 KORINTUS 2:3

Dompak rap au dohot hamu, gale jana humitir do au hara ni na mabiar.

1 KORINTUS 3:18

Ulang ma adong sanga ise na paoto-oto dirina. Sanga ise sian hamu na mangetong dirina na bisuk mangihutkon parsuhatan ni portibi on, angkon jadi oto do ia, baru pe anso tutu ia na bisuk.

1 KORINTUS 3:2

Najolo hum susu dope na tarlehen au di hamu, nada sipanganon na pir; angke nada tuk dope gogomunu manjagit i. Hape lopus saonnari laing so tuk dope gogomunu manjagit i,

1 KORINTUS 4:8

Nada adong be na hurang di hamu! Madung mamora hamu! Ma gabe raja hamu! Hape hami inda. Denggan ma i, muda tutu do raja hamu, anso tarbaen hami rap dohot hamu mamarenta.

2 KORINTUS 10:10

Dokkonon ni halahi ma, “Pir jana marsahala do angka surat ni si Paulus i, hape muda hatiha di tonga-tonganta, gale-gale do ia idaon jana hatania pe so binoto sanga aha astuanna!”

2 KORINTUS 11:19

Sobar do hamu paalo-alo halak na oto, hara ni malomunu dihilala hamu!

2 KORINTUS 11:29

Muda adong na gale, nada he gabe dohot do au gale? Muda adong na madabu tu dosa, nada he magopu do ate-atengku?

2 KORINTUS 13:9

Jop do rohanami muda gale hami, jana hamu margogo. Laing hami tangiangkon do anso gabe sanggam hamu nian.

2 KORINTUS 4:12

Jadi sian i, anggo hamatean i hape laing na manggogo do mambaen dalanna di bagasan dirinami, hape anggo di hamu hangoluan do na manggogo.

2 KORINTUS 6:8

Diparsangapi halak do hami, tapi laing adong do na palayas-layaskon; dipuji do hami tapi laing adong na pabilehon. Haru tigor pe hami, laing didok do hami pargabus.

1 TESSALONIKA 4:8

Hara ni i, sanga ise na manulak pangajaran on nada jolma be na nitulakna, tapi na manulak Debata na mangalehen TondiNa na badia i do tu hamu.

1 PETRUS 4:14

Na maruntung do hamu muda dipabile halak hamu songon sada siihutkon Kristus. I ma tandana paboahon na maruli Tondi na sangap hamu, i ma Tondi Parbadia.